АсосӣБойгонӣ

Навгонӣ

Номаи таваҷҷӯҳ ба шахсони имконияти ҷисмониашон маҳдуд.

(5 овоз, миёна 5.00 аз 5)

04 Июл 2014

Дӯстони азиз!
Ҳамасола 8 июл дар саросари кишварамон ҳамчун Рӯзи маъюбон қайд карда мешавад. Таҷлили ин сана далели эътибори махсуси Ҳукумати мамлакат ва Ҷаноби Олӣ, Президенти кишварамон, мӯҳтарам Эмомалӣ Раҳмон нисбати инсонҳоест, ки бо амри тақдир маъюбанд, вале тавассути иродаи матину мустаҳкамашон побанди тақдир нестанд, балки тақдирсозанд, рӯҳафтода намешаванд ва ҳамеша сарбаланданд. Мо ҳамеша шукронаи Истиқлолият, Ваҳдат мекунем, ки мардуми хушиқболу некбахти кишварамон дар фазои орому осуда зиндагӣ карда, бо меҳнати созандаю бунёдкорона сӯи ояндаи дурахшон қадамҳои устувор гузошта истодаанд.
Маъюбони шаҳри Хуҷанд бо дастгирии моддию маънавӣ фаро гирифта шуда, ҳамеша таҳти назари мақомоти иҷроияи шаҳр қарор доранд.

Муфассал... Шарҳ додан

Раиси шаҳр нархи маҳсулот ва фаъолияти бозорҳоро санҷиш намуд.

(3 овоз, миёна 5.00 аз 5)

02 Июл 2014

Тибқи дастури Президенти Ҷумҳурии Тоҷикистон Эмомалӣ Раҳмон барои поён бурдани нархи маҳсулоти ниёзи аввал аз қабили гӯшт, равған, биринҷ ва ғайра дар бозорҳо, Раиси шаҳри Хуҷанд Раҷаббой Аҳмадзода комиссияи махсуси кориро бобати андешидани чораҳои фаврӣ ва судманд барои пешигирӣ намудани болоравии сунъии нарҳо барои ин маҳсулот, таъсис додаст.
Бо мақсади ошноӣ пайдо намудан аз нархи маҳсулоти хӯрока ва натиҷагирӣ аз фаъолитяи кори комиссияи номбурда нимаи дуюми рӯз Раиси шаҳри Хуҷанд Раҷаббой Аҳмадзода аз бозорҳои дар мавзеи «Панҷшанбе» ва маҳаллаи 34-ум ҷойгиршуда боздиди корӣ ба амал овард.
Роҳбарони бозорҳои номбурда ба Раиси шаҳри Хуҷанд иттилоъ доданд, ки онҳо барои танзими нархи гӯшт, равған биринҷ, картошка, орду маҳсулоти ордӣ ҳамарӯза чораҳои самарабахш менандешанд.

Муфассал... Шарҳ додан

Ҷаласаи фаврии Раиси шаҳри Хуҷанд.

(1 овоз, миёна 5.00 аз 5)

01 Июл 2014

Мувофиқи дастуру супориши Президенти Ҷумҳурии Тоҷикистон Эмомалӣ Раҳмон бобати танзими нархи маҳсулоти ниёзи аввала, Раиси шаҳри Хуҷанд Раҷаббой Аҳмадзода ҷаласаи фаврии кормандони масъули дастгоҳи раиси шаҳрро доир намуд.
Раиси шаҳри Хуҷанд ба муовини Раиси шаҳр Маҳмадӣ Давлатов супориш дод, то вазъи нархи маҳсулоти хӯрока аз қабили гӯшт, орд, биринҷ, равған ва ғайраро дар тамоми бозорҳо ва мағозаҳои марказии шаҳр зери назорати қатъӣ гирифта шавад. Супориш дода шуд, ки бо мақсади поён бурдани нархи маҳсулот дар моҳи рамазон ҳар ҳафта, ташкил намудани ярмаркаи фурӯши маҳсулоти ниёзи аввала, мусоидат барои воридоти онҳо ба бозорҳо ва фурӯши тамоми маҳсулоти ниёзи аввала бо тахфифи то 15% нисбат ба нархҳои ҳамарӯза ба роҳ монда шавад. Доири тахфиф бошад роҳбарияти бозорҳо вазифадор карда мешаванд, ки сари вақт тавассути баландгӯякҳо харидоронро огоҳ намоянд.

Муфассал... Шарҳ додан

Мумфаршкунии кӯчаи ба номи М. Аминзода тариқи ҳашар.

(3 овоз, миёна 5.00 аз 5)

02 Июл 2014

Дар шаҳри Хуҷанд ҳамрӯза кӯчаю тангкӯчаҳо бо ҳамдастии сокинони маҳал ва Мақомоти иҷроияи ҳокимияти давлатии шаҳри Хуҷанд мумфаршкунӣ ба мааром ва вусъати тозаи ҳамарӯза идома дорад.
Имрӯз Раиси шаҳри Хуҷанд дар ифтитоҳи корҳои ободонӣ ва мумфаршкунии кӯчаи ба номи Муҳиддин Аминзодаи маркази вилоят иштирок намуд. Роҳи кӯчаи мазкур наздик як километрро ташкил дода паҳноии он 5 метрро ташкил медиҳад.
Роҳсозони идораи «Суғдроҳ» ният доранд, давоми се рӯз корҳои мумфаршкунии ин кӯчаро пурра ба анҷом расонанд.
Кӯчаи мазкур таи 20 соли охир таъмирталаб буда, зарурати таъмири пурраи он ба миён омада буд.

Муфассал... Шарҳ додан

Раиси шаҳри Хуҷанд омодагии марказхои тестиро аз санҷиш гузаронд.

(2 овоз, миёна 4.00 аз 5)

30 Июн 2014

Пагоҳ дар тамоми марказҳои тести Ҷумҳурии Тоҷикистон қабули санҷишҳои дохилшавӣ оғоз меёбанд. Дар шаҳри Хуҷанд дар мактабҳои № 4,№5, № 19 ва № 24 мувофиқи қарори Маркази миллии тестӣ барои супоридани санчишҳои тестии довталабон омода карда шудааст.
Раиси шаҳри Хуҷанд Раҷаббой Ахмадзода бо мақсади ошноӣ пайдо намудан аз сатҳи омодагӣ ба муассисаҳои таълимии номбурда ташриф овард.
Дар мактабҳои мазкур 30-32 синфхонаҳо барои довталабон бо 15 ҷой дар ҳар кадом аз синфхонаҳо имконият фароҳам оварда шудаанд. Дар ҳар кадом аз марказҳо бошад наздики дар синфхонаю долон 40 камераи мушоҳидавӣ ва барои назорати хоҳишмандону волидайн ва таъмини шаффофияти рафти санҷиш, мониторхои махсус насб карда шудаанд.