АсосӣБойгонӣ

Навгонӣ

Мусобиқаи футбол байни ширкатҳои сохтмонӣ оғоз ёфт.

02 Август 2014

Дар шахри Хучанд бахшида ба Иди касбии сохтмончиён ва ба хотираи собиқадори соҳаи сохтмон ходими давлатӣ ва ҷамъиятӣ Акрам Қосимов мусобиқаи футбол ширкатҳои сохтмонӣ оғоз ёфт. Дар расми ифтитоҳӣ ин мусобиқа Раиси шаҳри Хуҷанд Раҷаббой Аҳмадзода ширкат намуд.
Дар суханронии худ Раҷаббой Аҳмадзода қайд намуд, ки «Маҳз бо Фармони Президенти Ҷумҳурии Тоҷикистон, Ҷаноби Олӣ мӯхтарам Эмомалӣ Раҳмон эълон шудани соли 2014 соли футболи оммавӣ имкон дод, ки ба ин намуди варзиш таваҷҷӯҳи сокинони касбу кори гуногун зиёд гардад. Дар партави он дар шаҳри Хуҷанд танҳо аз оғози сол 12 мусобиқаи футбол байни корхонаю муассисаҳо, маҳаллаҳо ва наврасони синни гуногун баргузор гардид.

Муфассал... Шарҳ додан

Омодагии муассисаҳои таълимӣ ба фасли сармо.

31 Июл 2014

Маҷлиси машваратии навбатии Раиси шаҳр Раҷаббой Аҳмадзода ин бор бо сарварони мактабҳову кӯдакистонҳо, роҳбарони корхонаву иттиҳодияҳое, ки бо дӯхтани либоси мактабӣ машғул ҳастанд, баргузор шуд.
Нахуст Раҷаббой Аҳмадзода ҳозиринро хайрамақдам гуфт ва арз дошт, ки рӯзномаи машварат иборат аз муҳокимаи масъалаи омодагии мактабҳо ба давраи истиқболи мактабиён ба соли нави таҳсили 2014-2015-ум ва сатҳи омодагиҳо ба давраи зимистонгузаронии кулли муассисаҳои таълимӣ мебошад.
Оид ба ин масъала муовини Раиси шаҳр Умедахон Муродова маълумот дода, зикр сохт, ки бо мақсади иҷроиши қарори Ҳукумати Ҷумҳурии Тоҷикистон аз 3-юми марти соли 2014, таҳти №286 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2014-2015» ва дар асоси ҳамин қарор фармоишҳои Вазорати маориф ва илми ҶТ, раёсати маорифи вилоят ва шӯъбаи маорифи шаҳр, Нақша - чорабинӣ тартиб дода шуда, фаъолияти масъулон дар ин самт пурзӯр карда шудааст.

Муфассал... Шарҳ додан

Афсарони эҳтиётӣ омодагии ҳарбии худро месанҷанд.

30 Июл 2014

Имрӯз дар пойгоҳи низомӣ воқеъ дар мавзеи Чоруқ-дарон мавҷуд буда, машқҳои якҷояи қисми низомии 07746 ва афсарони дар эҳтиёт буда баргузор гардид. Раиси шаҳри Хуҷанд Раҷҷабой Аҳмадзода ва сардори Комиссариати ҳарбии вилояти Суғд Аъзам Қосимов аз рафти машқҳои низомӣ назорат бурданд. Дар оғоз афсарону сарбозони қисми низомии 07746 маҳорати ҳарби ва омодагии ҷангии худро намоиш дода барои афсарони эҳтиёти воситаҳои техникии ҷангиро муаррифи намуданд. Афсарони дар эҳтиёт қарор дошта низ маҳорати тирандозии хурдо аз яроқи оташфишони “Калашников” нишон доданд.
Лозим ба ёдоварист, ки машқи низомии мазкур, ки таи чанд соли охир бори нахуст гузаронида мешавад бо иштироки сокинони шаҳри Хуҷанд - афсарони дар эҳтиёт буда баргузор гардид.

Муфассал... Шарҳ додан

Раиси шаҳри Хуҷанд «Шоҳҷоиза»-и «Андалеб-2014»-ро супорид.

(1 овоз, миёна 5.00 аз 5)

31 Июл 2014

Аз оғози соли нави ҷорӣ дар сартосари кишвар бо ибтикори Вазорати фарҳанги Ҷумҳурии Тоҷикистон ва Кумитаи давлатии телевизион ва радиои назди Ҳукумати Ҷумҳурии Тоҷикистон озмуни «Андалеб 2014» гузашта истодааст.
Он аз се давра иборат буда, марҳилаи авали он аз санаи 14 то 20 майи соли равон байни 5 муассисаҳои шаҳри Хуҷанд баргузор гашта буд.
Бо мақсади натиҷагирӣ аз марҳилаи аввал Раиси шаҳри Хуҷанд Раҷаббой Аҳмадзода бо иштироки роҳбарияти муассисаҳои дар он иштирок намуда, ҷаласаи корӣ доир намуд.
Раҷаббой Аҳмадзода барои иштироки фаъолонаи ҳайати кормандони ин муассисаҳо сипосмандӣ намуда, изҳори умедвори кард, ки минбаъд низ ин гуна чорабиниҳо дар сатҳи баланд баргузор мегарданд.

Муфассал... Шарҳ додан

ТАБРИКИ Раиси шаҳр ба муносибати Рӯзи Хадамоти оташнишонӣ ва умури наҷот.

30 Июл 2014

Дӯстони азиз!
Мақомоти иҷроияи ҳокимияти давлатии шаҳри Хуҷанд ҷомеаи меҳнатии қисмҳои оташнишонӣ ва умури наҷотро бо иди касбиашон муборакбод гуфта, барояшон дар иҷрои вазифаи басо мушкилу масъулиятнок ва дар айни замон рисолати пурифтихор барору комёбиҳо орзу менамояд.
Айни замон дар шаҳри Хуҷанд 2 қисми оташнишонӣ: Қисми мустақили 23-юм ва Қисми тобеи 24-уми ҳарбикунонидаи Хадамоти давлатии оташнишонӣ фаъолият мебаранд. Дар қисмҳо 10 нақлиёти оташнишонӣ ва нақлиёти норбондор мавҷуд мебошад, ки дар ҳолати омодабош барои хомӯш кардани оташ ва наҷот додани одамон, моликияти шахсӣ ва давлатӣ тайёр аст. Бинобар ин ҷиҳати пешгирӣ намудани ҳодисаҳои нохуши сӯхтор дар иншоотҳои хоҷагии халқ, минтақаҳои аҳолинишин, хонаҳои шахсӣ, ташкилоту муассисаҳо ва аз ҳама муҳимаш он ҷойҳое, ки кӯдакони мо тарбияву таҳсил менамоянд, таваҷҷӯҳи бештар зоҳир намуда, баҳри иҷроиши талаботҳои Қонуни Ҷумҳурии Тоҷикистон «Дар бораи бехатарӣ аз сӯхтор дар Ҷумҳурии Тоҷикистон» ҷидду ҷаҳд менамояд.