АсосӣБойгонӣ

Навгонӣ

Майдончаҳои варзишии нав дар Рӯзи варзишгарон.

(1 овоз, миёна 5.00 аз 5)

09 Август 2014

Бахшида ба Рӯзи варзишгарон маҳаллаҳои «Дӯстии халқҳо» ва «Бофанда» майдончаи варзишӣ ба истифода дода шуд. Дар маросими ба истифодадиҳии онҳо Раиси шаҳри Хуҷанд Раҷаббой Аҳмадзода ширкат намуд.
Раҷаббой Аҳмадзода ҷамъомадагонро бо Рӯзи варзишгарон табрик намуда, зикр намуд,ки ҳоло дар шаҳри Хуҷанд тибқи нақшаи Мақомоти иҷроияи ҳокимияти давлатии шаҳри Хуҷанд то интиҳои сол бояд 20 майдончаи варзишӣ сохта ба истифода дода мешавад.
«Яке аз самтҳои асосии сиёсати Президенти Ҷумҳурии Тоҷикистон, Ҷаноби Олӣ, мӯхтарам Эмомалӣ Раҳмон ин рушди варзиш ва тавассути он тарғиби тарзи ҳаёти солим аст.
Мавҷудияти майдончаҳои варзишӣ, фароҳам овардани шароитҳои мусоид бевосита дар худи маҳаллаҳо ва назди биноҳои истикоматӣ барои ноил гаштан ба ин ҳадафҳо замина мегузорад».

Муфассал... Шарҳ додан

Таҷлили Рӯзи варзишгарон бо Раиси шаҳри Хуҷанд.

(1 овоз, миёна 5.00 аз 5)

09 Август 2014

Бахшида ба Рӯзи варзишгарон, ки ҳамсола санаи 10 август қайд карда мешавад, дар Мақомоти иҷроияи ҳокимияти давлатии шаҳри Хуҷанд ҷаласаи идона баргузор гардид.
Дар оғоз мудири Бахши ҷавонон, варзиш ва сайёҳӣ Бахтиёр Исматҷонов маҷлиси идонаро ифтитоҳ бахшид.
Раиси шаҳри Хуҷанд Раҷаббой Аҳмадзода, доири дастовардҳои варзишгарони маркази вилоят ва саҳми онҳо дар боло бурдани нуфузи кишвар сухан ронда, зикр намуд, ки мавҷудияти 50 толорҳои варзиш, 21 сексияи варзишӣ бозгӯи он аст, ки имрӯз шавқи сокинон ба хусус ҷавонону наврасон ба варзиш тамоюли зиёдшавӣ дорад.
«Варзиш дар ҳар давру замон қосиди сулҳу дӯстӣ ва муаррификунандаи ҷаҳони маънавию солимии миллату давлат буд ва минбаъд низ боқӣ мемонад.

Муфассал... Шарҳ додан

ТАБРИКОТИ Раиси шаҳри Хуҷанд Раҷаббой Аҳмадзода ба муносибати Рӯзи бинокорон

(3 овоз, миёна 3.67 аз 5)

08 Август 2014

Кормандони ташкилотҳои бинокорӣ, кулли сохтмончиёнро ба муносибати иди касбиашон - Рӯзи сохтмончиён сидқан аз номи мақомоти иҷроияи ҳокимияти давлатии шаҳри Хуҷанд муборакбод менамоям. Барои ҳар яки онҳо тани сиҳату хотири ҷамъ, рӯзгори обод ва дар меҳнати пурифтихорашон баҳри ободию шукуфоии кишвари азизамон муваффақиятҳо мехоҳам.
Аслан мафҳуми созандагию бунёдкориро ҳам ба сохтани иморат, бунёди шаҳру деҳот ва ҳам ба тафаккури покизаи инсонӣ, обод кардани иморати зиндагӣ, бунёдгузории ҳаёти нав нисбат медиҳанд. Аз ин хотир тазаккур бояд дод, ки рӯ ба созандагӣ ниҳодани мамлакат, бунёди даҳҳо иншооти таъиноти иҷтимоию маишӣ ва фарҳангӣ, торафт ободу зебо гардондани манзилу макон нишони тинҷию осоиш, устувории сулҳу амонӣ ва хотири ҷамъи мардумон аст.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба Рӯзи варзишгарон

(2 овоз, миёна 3.00 аз 5)

08 Август 2014

Ҳар сол чун анъана тибқи Қонуни Ҷумҳурии Тоҷикистон «Дар бораи рӯзҳои ид» санаи 10 август чун Рӯзи варзишгарон ботантана дар кишварамон таҷлил карда мешавад.
Воқеан, варзиш дар ҳар давру замон қосиди сулҳу дӯстӣ ва муаррификунандаи ҷаҳони маънавию солимии миллату давлат буд ва минбаъд низ боқӣ мемонад. Бо шарофати сиёсати хирадмандонаи Сарвари давлат Ҷаноби Олӣ, муҳтарам Эмомалӣ Раҳмон варзиш дар Тоҷикистони соҳибистиқлол ҳамчун ҷузъи муҳими таркибӣ ва пураҳамияти арзишҳои фарҳангӣ гашта, рушду инкишоф додани он дар байни табақаҳои васеи омма яке аз омилҳои муҳими солимгардонии ҷомеа ба ҳисоб меравад.
Мулоқоти Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон бо варзишгарон бори дигар аз он шаҳодат дод, ки инкишофи варзиш, тарбияи ҷисмонӣ ва дар ин замина солим гардонидани ҷомеа самти афзалиятноки сиёсати давлат ба ҳисоб меравад.

Муфассал... Шарҳ додан

Яке аз кӯчаҳои васеътарин ва таъмирталаби шаҳр обод мешавад.

(1 овоз, миёна 5.00 аз 5)

07 Август 2014

Дар доираи «Соли 2014 – соли роҳҳои обод» дар қаламрави вилояти Суғд мумфарш ва навсозии роҳҳо босуръат идома дорад. Корҳои ободкорӣ дар маркази вилоят – шаҳри Хуҷанд низ дар сатҳи зарурӣ ба роҳ монда шудааст.
Имрӯз, Раиси вилоят Абдураҳмон Қодирӣ ва Раиси шаҳри Хуҷанд Раҷаббой Аҳмадзода ба маҳалли оғози корҳои мумфаршкунӣ омаданд.
Ҳангоми мулоқот бо сокинони ин маҳал Раиси вилояти Суғд Абдураҳмон Қодирӣ таъкид дошт, ки давоми соли 2014 мувофиқи Барномаи вилоятии «Соли 2014 – соли роҳҳои обод» дар вилоят беш аз 2 ҳазору 60 километр роҳҳо таъмиру азнавсозӣ шудаанд.
Абдураҳмон Қодирӣ ҳамчунин гуфт, ки бо дастуру супоришҳои Сарвари давлат Эмомалӣ Раҳмон корҳои ободкориву бунёдкорӣ дар саросари вилоят идома дорад.