АсосӣБойгонӣ

Навгонӣ

Маҷлиси машваратии омӯзгорон бо иштироки Раиси шаҳри Хуҷанд.

(3 овоз, миёна 4.00 аз 5)

26 Август 2014

Маҷлиси машваратии кормандони соҳаи маориф ин навбат ба мавзӯи «Зарурат ва таҳияи ташкили мониторинг ва шаклҳои он дар муассисаҳои таҳсилоти миёнаи умумӣ» баргузор гардид. Дар он Раиси шаҳри Хуҷанд Раҷаббой Аҳмадзода иштирок намуд.
Дар оғоз Раиси шаҳри Хуҷанд натиҷаҳои кори омӯзгорон дар маҳфилҳои методии фаннӣ ва маҳсули кори омӯзгорон ва толибилмони муассисаҳои таълимии шаҳри Хуҷанд дидан намуд.
Бадан доири мазӯи номбурда дар оғоз мудири Шӯъбаи маорифи шаҳри Хуҷанд Саидмухтор Ҷалолов баромад намуда, таъкид намуд, ки роҳандозии низоми мониторингӣ пеш аз хама ба сатҳу сифати таълим таъсири мусбӣ расонда, барои баланд гаштани тахассуси омӯзгорон, такмили раванди тадрис заминаи устувор мегузорад.

Муфассал... Шарҳ додан

Раиси шаҳри Хуҷанд ҷаласаи фаъолони шаҳри Хуҷандро доир намуд.

(1 овоз, миёна 5.00 аз 5)

25 Август 2014

Имрӯз дар толори Мақомоти иҷроияи ҳокимияти давлатии шаҳри Хуҷанд дар асоси дастуру супоришҳои аз ҷониби Президенти Ҷумҳурии Тоҷикистон Эмомалӣ Раҳмон, ҳангоми сафари кории худ дар вилояти Суғд дода шуда буд, ҷаласаи корӣ бо иштироки муовинони Раиси шаҳр,роҳбарони воҳидҳои сохторӣ, қудратӣ, ходимони дин, идораҳои дахдори хоҷагию манзил,саноат ва дигар фаъолони шаҳри Хуҷанд баргузор гардид.
Дар он Раиси шаҳри Хуҷанд Раҷаббой Аҳмадзода доири пешгирӣ намудани омилхои номатлуб аз қабили шомилшавии ҷавонон ба ҳар гуна ҳаракатҳои ифротгароӣ, паст бурдани сатҳи ҷинояткорӣ, фаъолияти масоҷид дар заминаҳои ҳуқуқи ва дар маҷмӯъ бобати тахкими субботу амнияти кишвар суханронӣ намуд.

Муфассал... Шарҳ додан

Мулоқоти кории Раиси шаҳри Хуҷанд.

(4 овоз, миёна 4.00 аз 5)

22 Август 2014

Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Абдуллозода Аҳтам Рустам аз шароити кору фаъолияти Бахши кор бо ҷавонон варзиш ва сайёҳии шаҳри Хуҷанд ошно гардид. Ӯ аз ҳуҷраи корӣ имкониятҳои кормандони бахш дидан намуда, изҳори қаноатмандӣ намуд.
Дар ҳамин замина мулоқоти самимии Раиси шаҳри Хуҷанд Раҷаббой Аҳмадзода бо раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Абдуллозода Аҳтам Рустам баргузор гардид. Иттилоъ дода шуд, ки аз ҷониби Мақомоти иҷроияи ҳокимияти давлатии шаҳри Хуҷанд чандин барномаҳои иҷро гардида, аз буҷаи маҳаллӣ маблағгузорӣ мегардад. Дар маркази вилоят зиёда аз 200 иншоотҳои варзишӣ амал менамоянд. Дар баробари ин танҳо соли равон ба истифода додани ду толори варзишӣ, 20 майдончаҳои варзишӣ тасдиқи тамоюли зиёдшавии миқдори ин иншоотҳои солимгардонӣ маҳсуб меёбанд.

Муфассал... Шарҳ додан

Иштирок дар чорабини идонаи «Сайри харбуза», «Иди асал» ва намоиш – фурӯши маҳсулоти кишоварзӣ дар майдони назди муҷассамаи Камоли Хуҷандӣ дар ш. Хуҷанд.

23 Август 2014

Субҳи имрӯз Президенти кишвар Эмомалӣ Раҳмон барои иштирок дар чорабинии идонаи «Сайри харбуза», «Иди асал» ва намоиш – фурӯши маҳсулоти кишоварзӣ ба шаҳри Хуҷанд омад.
Чорабинии идонаи «Сайри харбуза», «Иди асал» ва намоиш – фурӯши маҳсулоти кишоварзӣ дар майдони назди муҷассамаи Камоли Хуҷандӣ дар шаҳри Хуҷанд баргузор гардид.
Дар ин майдони фарох дар масофаи қариб як километри кӯчаи марказии шаҳри Хуҷанд кишоварзони зарофар аз ҳамаи шаҳру ноҳияҳои вилояти Суғд анвои гуногуни харбуза, маҳсулоти замбӯри асал ва меваю сабзавоти шаҳдбори худро ба маъраз гузоштанд.
Сарвари давлат Эмомалӣ Раҳмонро дар даромадгоҳи намоишгоҳ бо самимияти хоса истиқбол гирифтанд.
Дар намоиш-фурӯш маҳсулоти ҳамаи соҳаҳои кишоварзии шаҳру ноҳияҳо, Иттифоқи матлубот ва Иттиҳодияи «Хӯрокворӣ»-и вилоят ва соҳибкорони шаҳри Хуҷанд иштирок доштанд.

Муфассал... Шарҳ додан

Ба кор даровардани Маркази таълимӣ-истеҳсолии адрасбофию атласбофии дастӣ дар корхонаи муштараки коркарди пиллаи Тоҷикистону Ветнам «ТВ-Силк».

22 Август 2014

Дар ҳудуди корхонаи муштараки коркарди пиллаи Тоҷикистону Ветнам «ТВ-Силк» бо иштироки Президенти кишвар Эмомалӣ Раҳмон коргоҳи нави адрасбофию атласбофии дастӣ, ки маҳсулоташ дар бозори ҷаҳонӣ харидорони бешумор дорад, ба кор дароварда шуд.
Ин тадбири муҳим дар доираи иҷрои дастуру супоришҳои қаблии Сарвари давлат Эмомалӣ Раҳмон доир ба эҳё намудани истеҳсолоти хонагии занону духтарон, ҳунарҳои милии дастӣ, бо ҷойи кор таъмин намудани занону духтарон, кам намудани сафи занони муҳоҷир, дарёфти корҳои баландмузд барои занони ҳунарманду хонашин амалӣ шуда, боиси шодию нишоти шавқмандони ин соҳа гардидааст.
Роҳандозии ин кори манфиатбахш чун иқдоми шоистаи навбатӣ пас аз ташкили қолинбофии дастӣ ва гулдӯзию зардӯзӣ аз ҷониби Сарвари давлат Эмомалӣ Раҳмон баҳои баланд гирифт.