АсосӣБойгонӣ

Навгонӣ

Шиносоии Раиси шаҳри Хуҷанд аз хатти нави технологӣ.

29 Август 2014

Чандест, ки дар шаҳри Хуҷанд ва берун аз он маҳсулоти гӯштии ширкати «Файзи Расул» байни харидорон маҳбубият пайдо намудааст. Ҳоло коргоҳ ният дорад бахшида ҷашни 20 солагии қабули сарқонуни кишвар ҳаҷми истеҳсоли худро зиёд намуда, барои харидорон намудҳои нави маҳсулоти хешро пешкаш созад. Бо ин мақсад коргоҳ таҷҳизоти нави коркард ва истеҳсоли маҳсулои гӯштиро харидорӣ намуда, корҳои васлу танзимро ба анҷом мерасонад. Раиси шаҳри Хуҷанд Раҷаббой Аҳмадзода аз фаъолияти коргоҳи мазкур дидан намуд бо корҳои васлу танзими хатти нави истеҳсоли маҳсулоти гӯштӣ ошно гардид.
Роҳбарияту мутахаасисони ширкати номбурда ба Раиси шаҳри Хуҷанд доири таҷҳизоти нав ва иқтидору имконияти он маълумот дода зикр намуданд, ки ҳоло коргоҳ 28 намуди маҳсулоти гӯштиро ба харидорон пешкаш намуда, айни замон омодаи ба кор даровардани боз як хатти нави истеҳсоли ҳасибчаҳо тибқи стандартҳои аврупоӣ ҳастанд.

Муфассал... Шарҳ додан

Раиси шаҳри Хуҷанд аз сохтмони сехи нави коркарди шир дидан намуд.

29 Август 2014

Имрӯз Раиси шаҳри Хуҷанд аз чанд иншотҳои сохташаванда ва коргоҳҳои нави истеҳсолии маркази вилоят, ки ҳаҷми маҳсулоти хешро зиёд намудани ҳастанд дидан намуд.
Сараввал Раиси шаҳри Хуҷанд аз корҳои сохтмонии коргоҳи нави коркарди шир ва истеҳсоли маҳсулоти ширии «Порсои Хуҷанд», ки маҳсулоти худро бо тамғаи «Файзи Расул» истеҳсол намудани аст, ошно гардид.
Коргоҳи мазкур ният дорад маҳсулоти шири ноҳияи Шаҳристон, Мастчоҳ ва нохияи Б. Ғафуровро коркард намуда, зиёда аз 10 намуд маводи шириро манзури харидоорон намоянд. Бо ин мақсад ҳоло бунёди сехи нав барои васлу танзими се хатти нави истеҳсолӣ бо истифодаи таҷҳизоти кишварҳои Ҷумҳурии Мардумии Чин ва Федератсияи Россия идома дорад.

Муфассал... Шарҳ додан

Дар шаҳри Хуҷанд озмуни атлас ва адрас баргузор мегардад.

28 Август 2014

Бо мақсади эҳё намудани ҳунарҳои мардумӣ ва меҳнати хонагии занон, тарғиби сару либос аз матои табиӣ, бо истифодаи услубҳои миллии дӯзандагӣ, ривоҷу равнақ бахшидани истеҳсоли матои атлас ва адраси дастибоф, татбиқи сиёсати давлат дар ҷодаи дастгирии занону духтарон, ба муносибати 20-солагии Конститутсия (Сарқонун)-и Ҷумҳурии Тоҷикистон, дар шаҳри Хуҷанд санаи 26 сентябри соли равон озмуни шаҳрии «Адрас ва атласи Хуҷанд-2014» баргузор мегардад.
Дар ин бора қарори дахлдорро Раиси шаҳри Хуҷанд Раҷаббой Аҳмадзода ба имзо расонд.
Тибқи қарор Низомнома, ҳайати кумитаи тадорукот, нақшаи чорабиниҳои озмун ва чорабинӣ тасдиқ карда шуда, Шӯъбаҳои рушди иҷтимоӣ ва робита бо ҷомеаи дастгоҳи Раиси шаҳр, иқтисод ва савдо, маориф, бахшҳои кор бо занон ва оила, сармоягузорӣ ва идораи амволи давлатӣ, энергетика ва саноат, фарҳанг, ҷавонон, варзиш ва сайёҳии мақомоти иҷроияи ҳокимияти давлатии шаҳр, якҷоя бо ташкилотҳои ҷамъиятӣ ва иттиҳодияҳои эҷодӣ вазифадор карда шуданд, ки силсилаи чорабиниҳоро ташкил намуда, барои тарғибу ташвиқи беҳтарин анъанаҳои либоси миллӣ, замонавӣ ва пурмазмун гузаронидани чорабиниҳои шаҳрии Иди «Атлас ва адраси Хуҷанд-2014» тадбирҳои мушаххас андешанд.

Муфассал... Шарҳ додан

Табрикоти Раиси шаҳри Хуҷанд бахшида ба Рӯзи дониш.

28 Август 2014

Устодону омӯзгорони муҳтарам!
Хонандагону донишҷӯёни азиз!
Ҳар сол дар оғози Соли нави таҳсил дар кишвари азизамон Рӯзи дониш чун нишони саъю кӯшиши ҷомеа дар бузургдошти илму дониш, маърифату маънавиёт ботантана таҷлил мегардад.
Бо талошҳои пайвастаи Президенти мамлакат, Ҷаноби Олӣ, муҳтарам Эмомалӣ Раҳмон сол аз сол илму дониш дар байни мардум чун маънии ҳастӣ ва ҳидоятгари зиндагӣ ба арзишҳои баланд соҳиб мегардад. Эътибори давлату Ҳукумат ба рушди илму фарҳанг ва маънавиёти ҷомеа ба пешрафти соҳаҳои илму маориф, таълиму тарбия ва тайёр намудани мутахассисони соҳиби донишу малакаҳои баланди касбӣ мусоидат намудааст.
Ҷаҳониён мардуми моро, пеш аз ҳама, бо китобу қаламашон мешиносанд.

Муфассал... Шарҳ додан

Раиси шаҳри Хуҷанд аз корҳои сохтмонии бинои сарҳадбонон дидан намуд.

(1 овоз, миёна 5.00 аз 5)

26 Август 2014

Раиси шаҳри Хуҷанд Раҷаббой Аҳмадзода аз рафти сохтмони бинои нави Раёсати минтақавии Суғдии Сарраёсати Қӯшунҳои сарҳадии КДАМ Ҷумҳурии Тоҷикистон дар шаҳри Хуҷанд дидан намуд.
Роҳбарияти ширкати сохтмонии «Аъзам-Ю» ба Раиси шаҳри Хуҷанд аз рафти сохтмон маълумот дода, изҳор намуданд.ки рафти сохтмон тибқи нақша ва ҷадвали пешбинишуда рафта истодааст. Ҳоло дар корҳои сохтмонӣ наздик 50 нафар сохтмончиён ҷалб гардида, қисмати асосӣ-таҳкурӣ ва ошёнаи якуми бино қомат афрохтааст.
Раҷаббой Аҳмадзода хангоми ошноӣ бо корҳои бунёди иншоот ба сарварони ширкати сохтмонӣ супориш дод, то суръати корҳои сохтмониро зиёд намуда, миқдори бештари кормандонро ба сохтмон ҷалб намоянд.
Лозим ба ёдоварист,ки маблағи умумии корҳои сохтмонӣ 4 миллиону 800 ҳазор сомониро ташкил дода, фармоишгар Идораи сохтмони асосии шаҳри Хучанд аст.