АсосӣБойгонӣ

Навгонӣ

Ифтитоҳи бинои нав дар Маркази дилшиносӣ дар шаҳри Хуҷанд.

15 Сентябр 2014

Кормандони маркази дилшиносии вилоят дар шаҳри Хуҷанд соҳиби боз як бинои замонавӣ шуданд. Акнун шуъбаи сеюми ин марказ аз бинои кӯҳна ба иншооти нав интиқол ёфт ва минбаъд дар шароити мусоид бо сатҳу сифати баланд фаъолият хоҳад кард.
Дар маросими ифтитоҳи бинои нави шуъба, ки субҳи имрӯз, 15 сентябр сурат гирифт, Раиси вилоят Абдураҳмон Қодирӣ ва Раиси шаҳри Хуҷанд Раҷаббой Аҳмадзода ширкат намуданд.

Муфассал... Шарҳ додан

Муроҷиати шаҳрвандон қонеъ карда мешавад.

(1 овоз, миёна 5.00 аз 5)

13 Сентябр 2014

Аз субҳи имрӯз дар Мақомати иҷроияи ҳокимияти давлатии шаҳри Хуҷанд тамоми роҳбарони вохидхои сохторӣ, муовинони Раиси шаҳр ва дигар масъулин тариқи усули «Равзанаи ягона» шаҳрвандони маркзи вилоятро қабул намуданд.
Сокинон вобаста ба масалаи худ имкон доштанд ба мутасддиён бевосита муроҷиат намуда, ҷавобҳои қаноатбахш гирифтанд.
Ҳамчунин бо назардошти моҳияти масалаи худ сокинон имкон доштанд, ба Раиси шаҳри Хуҷанд низ бо саволхою мушкилоти худ муроҷиат намоянд.
Зиёда аз 30 нафар шаҳрвандон доири масалаҳои таъмини қитъаҳои замини наздиҳавлигӣ, насби пойгоҳи нави барқӣ, расондани кӯмаки моддӣ, гузоштани дӯкони нуқтаи савдо, таъмини доруворӣ ва муолиҷа, кӯмак барои масолеҳи сохтмонӣ ва гайра муроҷиат намуданд.

Муфассал... Шарҳ додан

Табрики Раиси шаҳр Раҷаббой Аҳмадзода ба муносибати Рӯзи роҳсозон.

13 Сентябр 2014

Роҳи мо - роҳи мурод, сулҳ ва ободии диёр аст.
Роҳсозию роҳкушоӣ рисолати азалии халқи куҳанбунёди тоҷик буда, он таи асрҳо моҳияти иқтисодию иҷтимоиии худро гум накардааст. Бунёди роҳ нишони пайванди устувории ҷомеа мебошад.
Ҳамасола якшанбеи дуюми моҳи сентябр, ки дар Ҷумҳурии Тоҷикистон Рӯзи роҳсозон таҷлил карда мешавад, ба санаи муборак – Рӯзи Истиқлолияти давлатии мамлакат рост омад.
Боиси ифтихор ва сарбаландист, ки бо иқдоми Президенти Ҷумҳурии Тоҷикистон, Ҷаноби олӣ, муҳтарам Эмомалӣ Раҳмон, Раиси вилояти Суғд Абдураҳмон Қодирӣ корҳои ободониву бунёдкорӣ вусъати тоза гирифта, соҳаҳои мухталифи иҷтимоӣ ва иқтисодӣ рушду таҳким ёфтанд.
Дар шароити ҷуғрофии кишвар роҳҳои автомобилгард воситаи муҳим пайвастани минтақаҳои кишвар буда, дар таъмини пешрафти соҳаҳои мухталифи хоҷагии халқ, нақши муҳим ва ҳалкунанда доранд.

Муфассал... Шарҳ додан

Мулоқоти Раиси шаҳри Хуҷанд бо сокинони маҳаллаи «Раззоқ».

(3 овоз, миёна 5.00 аз 5)

13 Сентябр 2014

Раиси шаҳри Хуҷанд Раҷаббой Аҳмадзода силсилаи вохуриҳоро дар маҳаллаҳои шаҳр оғоз намуд.
Дар вохӯрии худ бо сокинони маҳаллаи номбурда Раҷаббой Аҳмадзода зикр намуд, ки ҳадафи асосии ин мулоқот доири риояи санадҳои ҳуқуқии кишвар доири танзими расму оин ва анъана, масъулияти волидайн дар тарбияи фарзанд, риояи анъанаҳои мардумӣ дар либоспӯшии миллӣ, пешгирӣ намудан аз шомил шудан ба ҳама гуна гурӯҳҳои ифротии ғайриқонунӣ бори дигар сӯҳбат намудан аст.
Раиси шаҳри Хуҷанд ҳамчунин дар идомаи суханронии худ афзуд,ки заҳмату кушишҳои пайвастаи сарвари давлат Ҷаноби Олӣ мӯхтарам Эмомалӣ Раҳмон беш аз ҳама барои таъмини ваҳдати комили миллат, пойдории осоиштагии кишвар аст. Ин кӯшишҳо танҳо дар ҳолат самараи дилхоҳ хоҳад дод, ки ҳар як сокини мамлакат барои амалӣ гаштани ин хадафҳо бетараф набошад.

Муфассал... Шарҳ додан

Раиси шаҳри Хуҷанд ба бонувони ҳунар грант супорид.

(3 овоз, миёна 5.00 аз 5)

12 Сентябр 2014

Ҷиҳати иҷрои қарори Раиси вилоят аз 31 январи соли 2014 “Оид ба таъсиси грантҳо барои дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ”, қарори Раиси шаҳри Хуҷанд аз 7 апрели соли 2014, № 161 “Дар бораи таъсиси грантҳо баҳри дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ барои соли 2014” ба тасвиб расида буд.
Маблащи умумии он 55 ҳазор сомониро ташкил дода, 15 гранти мақомоти иҷроияи ҳокимияти давлатии шаҳр, аз ҷумла 5 грант, ба ҳар яке 5 ҳазор сомонӣ, барои рушди ҳунари дастии қолинбофӣ, 5 грант, ҳар яке 3 ҳазор сомонӣ, барои рушди ҳунари сӯзанидӯзӣ ва 5 грант, ҳар яке 3 ҳазор сомонӣ, барои рушди ҳунари адрасбофӣ таъсис дода шуда буд.
Дар асоси хулосаи ҳайати комиссияи грантӣ лоиҳаи 15 нафар занони ҳунарманд ғолиб дониста шуда субҳи имрӯз дар Кохи матбуот маросими супоридани грант ба ғолбон баргузор гардид.