АсосӣБойгонӣ

Навгонӣ

Тарабхонаи хуштарҳи «Тоҷикистон» ба фаъолият шурӯъ намуд.

(1 овоз, миёна 5.00 аз 5)

07 Октябр 2014

Бо ташаббуси соҳибкори инфиродӣ Тоҳир Ҷумъаев ва дастгирии Мақомати иҷроияи ҳокимияти давлатии шаҳри Хуҷанд тарабхонаи хуштарҳу замонавии «Тоҷикистон» ба фаъолият оғоз намуд. Ҳамчунин соҳибкор баробари ба фаъолият шурӯъ намудани ин тарабхона, маросими хатнатӯи 20 нафар фарзандони оилаҳои камбизоатро баргузор намуд.
Дар чорабинии мазкур Раиси шаҳри Хуҷанд Раҷаббой Аҳмадзода иштирок намуда, барои ин кори хайр ва иқдоми нек ба соҳибкор изҳори сипосмандӣ намуд.
«Имрӯз натиҷаи сиёсати Ҷаноби Олӣ, Президенти Ҷумҳурии Тоҷикистон мӯхтарам Эмомалӣ Раҳмон дар мавриди рушди соҳибкорӣ ва дастгирии он, ба фаъолият шурӯъ намудани ин гуна иншоотҳои замонавию хуштарҳи хизматрасонӣ аст.

Муфассал... Шарҳ додан

Ҷаласаи кории Раиси шаҳри Хуҷанд

(1 овоз, миёна 5.00 аз 5)

07 Октябр 2014

Раиси шаҳри Хуҷанд Раҷаббой Аҳмадзода субҳи имрӯз бо иштироки муовинони худ, мудирони шӯъба, роҳбарони воҳидҳои сохтории шаҳри Хуҷанд ҷаласаи корӣ доир намуд.
Раиси шаҳри Хуҷанд сараввал аз масъулини соҳаи сохтмону меъморӣ,кумитаи заминсозӣ, сохтмони асосӣ, назорати корҳои сохтмонӣ пурсиш ба амал оварда, барои риояи қатъии талаботи корҳои сохтмонӣ аз ҷумла техникаи бехатарӣ,барқӣ, ҳифзи меҳнат, санитарӣ дастуру супориш дод. Роҳбари дастгоҳи Раиси шаҳри Хуҷанд вазифадор гардид,ки лоиҳаи қарори дахлдорро бобати таъсис додани комиссяи салоҳиятнок дар ҳайати мутасаддиёни сохторҳои заминсозӣ,сохтмону меъморӣ,назорати корҳои сохтмонӣ.корҳои дохилӣ, идораи барқ ва фурӯши он, бахши кор бо маҳаллаҳо омода намояд.

Муфассал... Шарҳ додан

Таҷлили Рӯзи забони тоҷикӣ дар маркази вилояти Суғд

04 Октябр 2014

Дар шаҳри Хуҷанди бостон таҷлили бошукӯҳи Рӯзи забони тоҷикӣ баргузор гардид.
Дар майдони «Ситораҳои Хуҷанд» дар ҳузури наздик 5 ҳазор нафар сокинон, ва меҳмонон, шахсони барӯманди диёр, шаҳрвандони фахрӣ барномаи адабӣ консертӣ баргузор гардид.
Дар оғози чорабинӣ Раиси шаҳри Хуҷанд Раҷаббой Аҳмадзода ва раиси бахши Иттифоқи Нависандагон Тоҷикистон дар вилояти Суғд, Шоири халқии Тоҷикистон Аҳмадҷони Раҳматзод сухани шодбошӣ гуфтанд.
Зимни суханронии худ Раиси шаҳри Хуҷанд Раҷаббой Аҳмадзода доири арзиши ин сана сухан гуфт.
«Забони тоҷикӣ ҳамчун омили муҳими пойдории миллат ва давлатдории миллӣ аз ҷониби давлат ҳимоя ва нигаҳдорӣ мешавад.

Муфассал... Шарҳ додан

Раиси шахр намозгузоронро табрик намуд.

07 Октябр 2014

Аз субҳи барвакт мусалмонони кишвар дар масҷидҳои ҷомеъ ҷамъ омада яке аз фарзҳои диниро ба ҷо оварданд. Дар масҷиди ҷомеаи марказии шаҳри Хуҷанд- Шайх Маслаҳаддин низ сокинону меҳмонони маркази вилоят намози Иди Қурбонро хонданд.
Дар намози ҷамоат муовини Раиси вилояти Суғд Анвар Яъқубӣ ва Раиси шаҳри Хуҷанд Раҷаббой Аҳмадзода низ иширок намуданд.
Анвар Яқубӣ табрикоти Раиси вилояти Суғд Абдураҳмон Қодириро ба самъи ҳозирон расонд ва дар шахсияти онҳо кулли эътиқодмандонро бо иди саид табрик гуфт.
Раиси шаҳри Хуҷанд Раҷаббой Аҳмадзода баробари суханҳои табрикӣ бахшида ба ин иди хайру саховат ва меҳрубонӣ таъкид дошт,ки «Хайрхоҳу дастгири бенавоёну бечорагон будан беҳтарин фазилати инсони комил аст ва ҳамин фазилат ифодагари асли моҳияти Иди Қурбон мебошад,

Муфассал... Шарҳ додан

Ду ҳазору дусад нафар сокини шаҳри Хуҷанд аёдат карда шуданд.

04 Октябр 2014

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон ва дастури Раиси вилояти Суғд Абдураҳмон Қодирӣ аёдату хабаргирӣ ва расондани дастгирии моддии идона дар арафаи идхои миллӣ ва динӣ ба ҳукми анъана даромадааст.
Шурӯъ аз оғози ҳафтаи равон Раиси шаҳри Хуҷанд Раҷаббой Аҳмадзода ба манзили чанде аз сокинони барӯманди шаҳри Хуҷанд, ки собиқаи зиёди корӣ доранд ё аъзои оилаи ниёзманд маҳсуб мешаванд,рафта баробари суханҳои шодбошӣ гуфтан кӯмаки яквақтаи моддӣ дастрас намуд.
Собиқадорони меҳнат Людмила Сафронова ва Тоҳир Саидов алҳол дар нафақа буда, дар баробари он маҷрӯҳи гурӯҳи якум ҳастанд. Парастории онҳоро фарзандонашон ба зимма дошта, онҳо бештар ба доруворӣ ва назорати табибон ниёз доранд. Раиси шаҳри Хуҷанд ба масъулин супориш дод, ки нисбати таъмини доруворӣ ва муолиҷа набояд онҳо мушкилот дошта бошанд.