АсосӣБойгонӣ

Навгонӣ

Раиси шаҳри Хуҷанд ҷаласаи нахустини комиссияи даъвати ҳарбиро доир намуд.

(1 овоз, миёна 5.00 аз 5)

30 Сентябр 2014

Имрӯз таҳти раёсати Раиси шаҳри Хуҷанд Раҷаббой Аҳмадзода ҷаласаи васеи комиссияи даъвати тирамоҳии ҷавонон ба сафи Артиши Миллӣ бо иштироки раис ва аъзоёни комиссияи даъват, роҳбарони сохторҳои қудратии шаҳри Хуҷанд, раисони кумитаи маҳаллаҳо ва дигар шахсони масъули даъват баргузор гардид. Ба Раиси шаҳри Хуҷанд раиси комиссияи даъват,муовини аввали Раиси шаҳри Хуҷанд Иброҳим Иброҳимов ва сардори Комиссариати ҳарбӣ Ҳикматулло Баротов аз вазъи корҳои омодагӣ ахборот доданд.
Ба Раиси шаҳри Хуҷанд ахборот дода шуд,ки имсол мутаносиби фоизи нақшаи даъват нисбати даъвати баҳорона камтар буда, имкониятхои барои сари вақт иҷро намудани нақшаи даъват мавҷуд аст. Ҳамчунин аъзоёни комиссияи даъват пурра барои фаъолияти ҳамарӯза омода буда, онҳо қисмати аввали рӯз даъватшавандаҳоро аз муоина гузаронда, қисмати дуюми рӯз аъзоёни комиссияи даъват дар маҳаллаҳои шаҳр кори худро идома хоҳанд дод.

Муфассал... Шарҳ додан

Сокинони шаҳри Хуҷанд бо нарххои арзон маводи ғизо харидорӣ намуданд.

(2 овоз, миёна 5.00 аз 5)

27 Сентябр 2014

Мувофиқи дастури Президенти Ҷумҳурии Тоҷиктсон Эмомалӣ Раҳмон ва супориши Раиси вилояти Суғд Абдураҳмон Қодирӣ доири сари вакт захира намудани маводи ғизо дар фасли зимистон Мақомоти иҷроияи ҳокимияти давлатии шаҳри Хуҷанд дар арафаи Иди забони тоҷикӣ, Рӯзи омӯзгорон ва Иди Қурбон дар хиёбони «СитораҳоиХуҷанд» ярмарка -фурӯши маҳсулои кишоварзӣ ва ниёзи аввала ташкил ва баргузор намуд.
Раиси шаҳри Хуҷанд Раҷаббой Аҳмадзода ба мавзеи баргузории ярмарка-фурӯш омада, аз маҳсулоти пешниҳод шуда, нарху сифати хизматрасонии фурӯшандагон ошно гардид.
Аз ҷониби Раиси шаҳри Хуҷанд ба фурӯшандагон тавсия дода шуд,ки минбаъд низ дар рузхои муқарраргардида маҳсулоти худро бо нархҳои дастрас ва нисбатан арзон манзури сокинони маркази вилоят намоянд.

Муфассал... Шарҳ додан

Раиси шаҳр дар кӯдакистони № 3

26 Сентябр 2014

Раиси шаҳри Хуҷанд Раҷаббой Аҳмадзода тибқи нақшаи кории худ аз кӯдакистони № 3 маркази вилоят дидан намуд. Дар ин тарбиятгоҳ 120 нафар кӯдакон дар 5 гурӯҳ ҳамарӯза тибқи барномаи таълимӣ таълиму тарбия мегиранд.
Раиси шаҳри Хуҷанд доири беҳтар намудани шароити ҳуҷраҳои хоб машғулият бозӣ ва фароғати кӯдакистони мазкур ба роҳбарияти шуъбаи маориф ва мудири боғча дастурҳои мушаххас дод. Лозим ба ёдоварист, ки бо маблағгузории Мақомоти иҷроияи ҳокимияти давлатии шаҳри Хуҷанд барои боғчаи мазкур катҳои хоби кӯдакона харидорӣ шудааст.
«Ҳамсола баробари беҳтар намудани шароити боғчаҳои дар шаҳри Хуҷанд фаъолият дошта, барои на камтар аз 500 нафар кӯдакон ҷойҳои нав ва кӯдакистон бунёд намоем, давоми солҳои наздик муаммои ҷойгир намудани кӯдакон дар боғчаҳои шаҳр комилан аз байн меравад».

Муфассал... Шарҳ додан

Раиси шаҳри Хуҷанд омӯзгори собиқадор Нина Пивовароваро аёдат намуд.

26 Сентябр 2014

Раиси шаҳри Хуҷанд дар арафаи Рӯзи омӯзгорон барои хабаргирии яке аз собиқадорони соҳаи маориф устоди Донишгоҳи Давлатии шаҳри Хуҷанд Нина Пивоварова рафт.
Омӯзгори собиқадор Нина Пивоварова солиёни зиёд дар таълиму тарбияи чандин омӯзгорон ва мутахассисон саҳми арзанда дошта, барои ҷорӣ намудани усули таълими забони англисӣ корҳои назаррасро ба анҷом расондааст. Айни замон агарчанде муаллима дар нафақа аст, барои омӯзгорони ҷавони таълими забони англисӣ ҳамеша кӯмак мерасонад.
Раиси шаҳри Хуҷанд Нина Пивовароваро бо Иди омӯзгорон,ки чанде баъд қайд карда мешавад табрик намуда, таъкид намуд,ки Мақомоти иҷроияи ҳокимияти давлатии шаҳри Хуҷанд ҳамеша аз вазъи зиндагӣ ва саломатии собиқадорон огоҳ аст ва мекӯшад кӯмак расонад.

Шарҳ додан

Раиси шаҳри Хуҷанд аз сифати таълими кӯдакони иллати шунавоӣ ва нутқ дошта ошно шуд.

(1 овоз, миёна 5.00 аз 5)

26 Сентябр 2014

Имрӯз Раиси шаҳри Хуҷанд Раҷаббой Аҳмадзода бо мақсади шиносоӣ бо вазъи таълиму тарбия ва шароити хонандагони мактаб-парваришгоҳи махсуси ёрирасони шаҳри Хуҷанд ба ин муасисаи таълимӣ омад.
Соли равон як гурӯҳ волидайне,ки фарзандонашон нуқсони шунавоӣ ва нутқ доранд ба Мақомоти иҷроияи ҳокимияти давлатии шаҳри Хуҷанд бо дархости ташкили синфҳои махсуси таълими барои чунин кӯдакон муроҷиат намуда буданд. Зеро дар шаҳри Хуҷанд барои таълими кӯдакони нуқсон дошта шароит мавҷуд набуд.
Бо назардошти ин дархост дар мактаб-парваришгоҳи ёрирасони маркази вилоят дар ду синфи махсуси таълимӣ бо тамоми шароитҳои мавҷуда ташкил карда шуда, 19 нафар кӯдакони синни мактабӣ,ки иллати шунавоӣ ва нутқ доранд имконияти мактабравиро пайдо намуданд. Ба онҳо 2 нафар омӯзгор ва як нафар нуқсоншинос таълим медиҳанд.