АсосӣБойгонӣ

Навгонӣ

Раиси шаҳри Хуҷанд аз сифати таълими кӯдакони иллати шунавоӣ ва нутқ дошта ошно шуд.

(1 овоз, миёна 5.00 аз 5)

26 Сентябр 2014

Имрӯз Раиси шаҳри Хуҷанд Раҷаббой Аҳмадзода бо мақсади шиносоӣ бо вазъи таълиму тарбия ва шароити хонандагони мактаб-парваришгоҳи махсуси ёрирасони шаҳри Хуҷанд ба ин муасисаи таълимӣ омад.
Соли равон як гурӯҳ волидайне,ки фарзандонашон нуқсони шунавоӣ ва нутқ доранд ба Мақомоти иҷроияи ҳокимияти давлатии шаҳри Хуҷанд бо дархости ташкили синфҳои махсуси таълими барои чунин кӯдакон муроҷиат намуда буданд. Зеро дар шаҳри Хуҷанд барои таълими кӯдакони нуқсон дошта шароит мавҷуд набуд.
Бо назардошти ин дархост дар мактаб-парваришгоҳи ёрирасони маркази вилоят дар ду синфи махсуси таълимӣ бо тамоми шароитҳои мавҷуда ташкил карда шуда, 19 нафар кӯдакони синни мактабӣ,ки иллати шунавоӣ ва нутқ доранд имконияти мактабравиро пайдо намуданд. Ба онҳо 2 нафар омӯзгор ва як нафар нуқсоншинос таълим медиҳанд.

Муфассал... Шарҳ додан

Ҷаласаи корӣ бо иштироки фаъолони шаҳр.

(1 овоз, миёна 5.00 аз 5)

25 Сентябр 2014

Баъди интиҳои иҷлосияи навбатӣ Раиси шаҳри Хуҷанд Раҷаббой Аҳмадзода бо иштироки муовинони Раиси шаҳри Хуҷанд вакилони мачлиси шаҳрӣ,роҳбарони воҳидҳои сохторӣ, раисони куитаҳои маҳалла ва дигар фаъолон ҷаласаи корӣ доир намуд.
Раиси шаҳри Хуҷанд муовини аввали Раиси шаҳри Хуҷанд Иброҳим Иброҳимовро муваззаф намуд, ки доири саривақт ва бо сифат таъмин намудани даъвати ҷавонон ба сафи Артиши Миллӣ, омодагии муассисаҳои иҷтимоӣ, хоҷагию коммуналӣ, роҳсозӣ, омода намудани маводи зидди лағжиш барои бехатарии роҳҳо дар сармо, таъмини муассисаҳои томактабӣ, таҳсилоти умумӣ, беморхонаҳо, таваллудхонаҳо бо барқи доимӣ, нақшаи корӣ таҳия намуда,иҷроиши онро дар мӯхлатҳои муқарраргардида таъмин намояд.

Муфассал... Шарҳ додан

Рамз ва Рӯзи шаҳри Хуҷанд қабул шуд.

25 Сентябр 2014

Бисёр шаҳрҳои машҳури олам рамзи худро доранд, ки онҳо ба ҳайси шиноснома пазируфта шуда, таърих ва ё хусусисяти нодири макон ва сокинонашро инъикос месозанд. Тамоми халқҳо ва миллатҳо бо зодгоҳ ва Ватани худ меболанд. Барои муаррифӣ кардани бузургии диёри хеш муҳимтарин саҳифаҳои шӯҳратёри гузашта ва дастовардҳои афроди маъруфи хешро ба унвони Рамзи шаҳри худ интихоб мекунанд. Шаҳрдории Хуҷанд низ тасмим гирифта буд, барои ин маскани бостонӣ яке аз гаҳвораҳои тамаддуни тоҷик нишонаи рамзӣ интихоб намоянд. Доир ин масала Қарори Раиси шаҳри Хуҷанд аз 15 ноябри соли 2013, № 690 «Дар бораи озмуни лоиҳаи «Нишони шаҳри Хуҷанд» ва муқаррар намудани «Рӯзи шаҳр» бобати гузаронидани озмуни лоиҳаи беҳтарини Рамзи шаҳри Хуҷанд ба тавсиб расид. Дар шаҳри Хуҷанд байни мусаввирон ва донишмандони таърих озмуни «Рамзи шаҳри Хуҷанд» эълон карда шуд.

Муфассал... Шарҳ додан

Номи чанд кӯчаю иншоотҳо иваз шуданд.

25 Сентябр 2014

Бо мақсади пос доштану абадӣ гардонидани номи шахсони барӯманди диёр ва эҳтироми анъанаҳои ниёгонамон, Комиссияи номгузорӣ ва ивази номи иншоотҳои таърихию ҷуғрофӣ назди Мақомоти иҷроияи ҳокимияти давлатии шаҳри Хуҷанд ба Маҷлиси навбатии вакилони халқи шаҳри Хуҷанд тасдиқи лоиҳаи қарорҳои дахлдорро барои иваз намудани ном ва номгузорӣ намудани чанд тангкӯча, кӯча ва корхонаю муассисаҳоро пешниҳод намуд.
Дар ҳамин асос минбаъд тангкӯчаи Саховати кӯчаи Ҷӯра Зокиров ба номи Тоҷибоев Наҷмиддин гузошта шуда, дар тангкӯчаи номбурда лавҳаи ёдгорӣ гузошта шавад.
Ба хотири собиқ директори корхонаи воҳиди давлатии «Садаф» Мақсудов Лутфулло дар коргоҳи мазкур лавҳаи фахрӣ гузошта мешавад.

Муфассал... Шарҳ додан

Вакилони шахри Хучанд ичлосияи навбатии худро гузарониданд.

(1 овоз, миёна 5.00 аз 5)

25 Сентябр 2014

Иҷлосияи 18-уми даъвати чаҳоруми Маҷлиси вакилони халқи шаҳри Хуҷанд баргузор гардид. Кори иҷлосияро Раиси Маҷлиси вакилони халқ , Раиси шаҳри Хуҷанд Раҷаббой Аҳмадзода оғоз намуда, иттилоъ дод,ки дар кори ҷаласа аз 40 нафар вакилон 35 нафар иштирок доранд. Тибқи муқаррароти пешбиншуда бо садо додани Суруди милли Ҷумҳурии Тоҷикистон иҷлосияи 18-ум, даъвати 4-ми Маҷлиси вакилони халқи шаҳри Хуҷанд ба кори худ шурӯъ намуд.
Баъди интихоби ҳайати котибот вакилон рӯзномаи кории маҷлисро иборат аз 6 масала тасдиқ намуданд.
Аз рӯи масалаи якум дар бораи рафти иҷрои қарори Ҳукумати Ҷумҳурии Тоҷикистон аз 31 октябри соли 2005 №422 « Барномаи рушди саноати сабук дар Ҷумҳурии Тоҷикистон барои солҳои 2006-20015» дар шаҳр муовини Раиси шаҳри Хуҷанд Маҳмадӣ Давлатов баромад намуд.