АсосӣБойгонӣ

Навгонӣ

Меҳрномаи Раиси шаҳри Хуҷанд Раҷаббой Аҳмадзода ба муносибати Рӯзи нобиноён

14 Октябр 2014

Ҳамасола 15-уми октябр дар саросари кишвари тозаистиқлоламон ҳамчун Рӯзи нобиноён қайд карда мешавад. Соли равон ба ташкилёбии Маркази Хуҷандии иҷтимоии-эҳёкунии ҷамъияти нобиноёни Тоҷикистон 65-сол пур мешавад.
Дар Тоҷикистони соҳиб-истиқлол, ки кулли сокинонаш аз азал инсонпарвару мардум-дӯстанд ва ҳамдигарро ба накӯкорӣ даъват менамоянд, парастории маъюбон амали муқаррарист. Ин масъала дар сатҳи давлатӣ ҳалли мусбати худро меёбад. Ин қабил ашхос дар паноҳи давлатанд ва кафолати зиндагии муносиби онҳоро давлату ҳукумат ба дӯш доранд.
Имрӯз бо маънои томаш ба рӯзи хайру эҳсон ва ҳиммату таваҷҷӯҳи аҳли ҷомеа нисбати пирон, барҷомондагон ва маъюбон табдил ёфтааст.

Муфассал... Шарҳ додан

Занони фаъоли шаҳри Хуҷанд ба кӯмаки пахтакорон рафтанд.

13 Октябр 2014

Чанде пеш яг гурӯҳ занҳои фаъол ва аъзоёни Шӯрои бибиотунҳо омодагии худро бобати расондани қумак дар чиниши пахта ба деҳконон изҳор намуда буданд.
Бо дастгирии Раиси шаҳри Хуҷанд Раҷаббой Аҳмадзода ин ташаббусро роҳбарияти Ҷамоати Ёваи ноҳияи Б. Ғафуров пазируфта, барои иштироки занони фаъоли маркази вилоят дар чаниши пахта, омодагии худро баён намуданд.
Бо мусоидати Мақомоти иҷроияи ҳокимияти давлатии шаҳри Хуҷанд зиёда аз 50 нафар занон ба пахтазори хоҷагии ҷамоавии ба номи Р Набиев, ки дар мавзеи Навобод ҷойгир аст, ба қумаки деҳқонон рафтанд.
Занони ташаббускори шаҳр то анҷоми рӯз 863 килограмм пахта чида, саҳми худро барои ҳар чи тезтар ҷамоварӣ намудани ҳосили деҳқонон гузоштанд.

Муфассал... Шарҳ додан

Вохурии Раиси шаҳри Хуҷанд бо дружиначиёни ихтиёрӣ.

(2 овоз, миёна 4.00 аз 5)

10 Октябр 2014

Таи чанд сол аст, ки дар шаҳри Хуҷанд гурӯҳи дружиначиёни ихтиёрӣ амал мекунанд, ки дар ҳамкорӣ бо кормандони милитсия барои таъмини тартиботи ҷамъиятӣ ва пешгирӣ намудани ҷинояткорӣ фаъолият мебаранд.
Раиси шаҳри Хуҷанд Раҷаббой Аҳмадзода бо кормандони масъули шӯъбаи корҳои дихилӣ, дружиначиён ва варзишгарон мулоқоти корӣ анҷом дод.
Раиси шаҳри Хуҷанд барои дар мавриди аҳамияти фаъолияти дружиначиён дар таъмини оромӣ ва нигоҳдории тартиботи ҷамъиятӣ сухан гуфта, таъкид намуд, ки минбаъд чунин мулоқот бо ҳайати зикрёфта дар се моҳ як маротиба баргузор гардида, ихтиёрони фаъол ҳатман қадрдонӣ карда мешаванд. Зеро фаъолияти онҳо имкони паст намудани ҷинояткорӣ ва пешгирӣ намудани он имконпазир мегардад.

Муфассал... Шарҳ додан

Сокинони маҳаллаи «Сари баландӣ» бо Раиси шаҳри Хуҷанд мулоқот намуданд.

(1 овоз, миёна 5.00 аз 5)

11 Октябр 2014

Вохӯрии навбатии Раиси шаҳри Хуҷанд Раҷаббой Аҳмадзодав дар маҷлисгоҳи колеҷи тиббӣ доир гардид.
Дар оғоз Раҷаббой Аҳмадзода аз дастовардхои соҳаҳои гуногун дар 9 моҳи соли равон маълумот дода, зикр намуд, ки Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ.Раҳмон дар мавриди таҳкими заминаҳои иқтисодӣ ва иҷтимоии кишвар ҳамеша таъкид дошта, дастгирии соҳибкорӣ, ба сомон расондани корҳои созандагию ободкориро мавриди таваҷҷӯҳ қарор медиҳанд. Асоси фаъолияти Мақомоти иҷроияи ҳокимияти давлатии шаҳри Хуҷанд ва мардуми он низ аз ҳамин дастурҳои сарвари давлат маншаъ мегирад. Ҳамчунин таъкид гардид,ки яке аз нақшаҳои Мақомоти иҷроияи ҳокимияти давлатии шаҳри Хуҷанд ин азнавсозии боғчаҳои бачагона ба хусус он муассисаҳои томактаби,ки дар маҳаллаҳо ҷрйгир шудаанд, мебошад.

Муфассал... Шарҳ додан

Раиси шаҳр сифати корҳои сохтмониро санҷид.

(1 овоз, миёна 5.00 аз 5)

09 Октябр 2014

Дар ҷаласаи кории худ Раиси шаҳри Хуҷанд Раҷаббой Аҳмадзода дар мавриди сифати корҳои сохтмонӣ ва риояи талаботҳои мавҷуда аз ҷониби ширкатҳои сохтмонию соҳибкорон изҳори нигаронӣ намуда буд.
Бо мақсади таҳлили воқеӣ аз вазъи корҳо дар иншоотҳои сохташаванда Раиси шаҳри Хуҷанд Раҷаббой Аҳмадзода ҳамроҳи муовини худ Дадоҷон Абдуллоев, сардори идораи сохтмони асосӣ Музаффар Шокиров, кумитаи заминсозӣ Абдухалил Ёрматов, мутахассиси пешбари шӯъбаи меъморӣ ва шаҳрсозӣ Акмал Ғайбуллоев ва дигарон аз чанд мавзеҳои сохтмонӣ боздиди корӣ ба амал овард.
Раиси шаҳри Хуҷанд аз сохтмони манзили истоқоматии 32 ҳуҷрагӣ, ки аз ҷониби ширкати «МИКО» бунёд мешавад дидан намуда, аз лоиҳаи он, рафти корҳои сохтмонӣ изҳори қаноатмандӣ намуд.