АсосӣБойгонӣ

Навгонӣ

Муроҷиати сокинон ба Раиси шаҳри Хуҷанд.

(1 овоз, миёна 5.00 аз 5)

18 Октябр 2014

Тибқи нақшаи пешакӣ тасдиқ гардида, имрӯз Раиси шаҳри Хуҷанд Раҷаббой Аҳмадзода зиёда аз 40 нафар сокинонро қабул намуд. Аз ҷониби Раиси шаҳри Хуҷанд дархосту арзи ҳар кадом аз муроҷиаткунандагон шунида шуда, барои сари вакт баррасӣ ва ҳалли онҳо ба роҳбарони воҳидҳои сохторӣ супоришҳои мушаххас дода шуд. Сокинони маркази вилоят асосан дар масалаи ба навбат гирифтани онҳо чун эҳтиёҷманди беҳтар намудани шароити манзил, ҷудо намудани ҳуҷраи истиқоматӣ дар хобгоҳ,расондани кӯмаки моддӣ ва масолеҳи сохтмонӣ ба Раҷаббой Аҳмадзода муроҷиат намуданд.
Ҳамчунин меъмор ҳайкалтарош Сайидалӣ Шералиев барои фароҳам овардани шароити ташкили маҳфили кулолгарӣ ва варзишӣ барои ҷавонону наврасон аз Раиси шаҳр дархост намуд. Раҷаббой Аҳмадзода ба роҳбарияти сохторҳои дахлдор барои дастгирӣ намуданиин пешниҳод дастуру супориш дод.

Шарҳ додан

Натиҷаҳои нӯҳмоҳа ҷамбаст гардиданд.

(3 овоз, миёна 4.67 аз 5)

17 Октябр 2014

Маҷлиси фаъолони шаҳри Хуҷанд дар толори маҷлиси Кохи фарҳанги шаҳри Хуҷанд доир гардид.
Маҷлиси фаъолонро Раиси шаҳри Хуҷанд Раҷаббой Аҳмадзода оғоз намуд ва арз кард, ки дар маҷлис муовини Раиси вилояти Суғд Хайрулло Амонулло, муовинони раиси шаҳр, мудирони шуъбаҳо, сарварони мактабҳои олӣ ва миёна, раисони кумитаи маҳаллаҳо ва дигар фаъолони шаҳр ҳузур доранд. Масъалаи Маҷлис-натиҷабардорӣ аз фаъолияти нӯҳмоҳаи хоҷагии халқ дар самти иҷтимоиёт ва иқтисодиёти шаҳр аст. Дар ин хусус муовини аввали Раиси шаҳри Хуҷанд Иброҳим Иброҳимов маърӯза намуда, арз намуд, ки оид ба вазъи иҷтимоиву иқтисодӣ дар моҳҳои январ-сентябри соли 2014 нашрияи «Тирози ҷаҳон» омори аниқу муфассалро ба интишор додааст. Сарфи назар аз ин маълумот бояд бигӯям, ки - гуфт Иброҳим Иброҳимов сокинони шаҳри Хуҷанд дар соли ҷашнҳои 600-солагии Мавлоно Абдураҳмони Ҷомӣ, 20-солагии Сарқонуни кишвар, 20-солагии Суруди миллӣ, Соли роҳҳи обод ва соли гулкориву ободонӣ бо шукргузорӣ аз сулҳу суботи кишвар ба даҳҳо дастовард ноил гардиданд.

Муфассал... Шарҳ додан

Рӯзи аъмоёнро дар шаҳри Хуҷанд қайд намуданд.

15 Октябр 2014

Имрӯз дар тамоми ҷаҳон бо унвони «Асои сафед» чун рӯзи таваҷҷӯҳ ва меҳр ба аъмоён маҳсуб меёбад.
Имрӯз дар корхонаи маркази хуҷандии иҷтимоии-эҳёкунии Ҷамъияти нобиноёни Тоҷикистон таҷлили 65 солагии таъсисёбии коргоҳи мазкур ва Рӯзи аъмоён қайд карда шуд.
Сардори ҷамъияти аъмоёни шаҳри Хуҷанд Абдусаттор Ҷалилов маҷлисро ифтитоҳ бахшид.
Намояндаи Мақомоти иҷроияи ҳокимияти давлатии вилояти Суғд Маъруф Алибоев номаи Раиси вилояти Суғд Абдураҳмон Қодириро барои ҳозирон қироат намуд.
Дар навбати худ мудири Шӯъбаи саноат ва энергэтикаи Мақомоти иҷроияи ҳокимияти давлатии шаҳри Хуҷанд Абдураҳим Солиев меҳрномаи Раиси шаҳри Хуҷанд Раҷаббой Аҳмадзодаро ба ҳозирини ин ҳамоиш расонда, ҳамчунин қайд намуд,

Муфассал... Шарҳ додан

Сафири Ҷумҳури Белорус бо Раиси шаҳри Хуҷанд мулоқот намуд.

(1 овоз, миёна 5.00 аз 5)

17 Октябр 2014

Имрӯз Раиси шаҳри Хуҷанд Раҷаббой Аҳмадзода Сафири Фавқулодда ва Мухтори Ҷумҳурии Белорус дар Ҷумҳурии Тоҷикистон Олга Гаврукро, ки дар вилояти Суғд сафари корӣ дорад, ба ҳузур пазируфт.
Раҷаббой Аҳмадзода аз вусъатёбии ҳамкории соҳибкорон ва ширкатҳои гуногуни шаҳри Хуҷанд бо ҳамтоёни худ аз Ҷумҳурии Белорус изҳори қаноатмандӣ намуд.
Гардиши молу маҳсулот корхонаю муассисаҳои шаҳри Хуҷанд соли гузашта 15,5 миллион доллари ИМА ташкил дод, ки он 4,3 фоизи аз ҳаҷми умумии гардиши моли хориҷиро ташкил медиҳад.
Асосан аз кишвари Белорус ба шаҳри Хуҷанд қанду шакар, доруворӣ, маводи истеҳсоли мебел ва худи мебел, воситаҳои нақлиёт, ҳамчунин маҳсулоти қолинӣ ва атриёт ворид мешавад.
Ба ин кишвар бошад аз маркази вилоят ба Ҷумҳурии Белорус шаклу намудҳои гуногуни мева, ресмон ва маводи ҳунарҳои мардумӣ содир мешаванд.

Муфассал... Шарҳ додан

Раиси шаҳри Хуҷанд барои аъмоён даҳ ҳазор сомонӣ маблағ ҷудо намуд.

14 Октябр 2014

Ҳамсола санаи 15 октябр дар Ҷумҳурии Тоҷикистон чун Рӯзи аъмоён қайд карда мешавад. Дар баробари дар ин сана 65 солагии таъсисёбии маркази хуҷандии иҷтимоии-эҳёкунии Ҷамъияти нобиноёни Тоҷикистон низ таҷлил карда мегардад.
Бо мақсади дастгирии иҷтимоӣ аъмоён қарори Раиси шаҳри Хуҷанд Раҷаббой Аҳмадзода № 610 аз санаи 14 октябр ба имзо расид, ки мувофиқи он ба 200 нафар ин гуна шахсон 50 сомонӣ кӯмакпулии яквақта дода мешавад.
Дар баробари ин санаи 15 октябр соати 11.00 дар коргоҳи ҷамъияти номбурда чорабинии махсус бо иштироки аъмоён ва намояндагони Мақомоти иҷроияи ҳокимияти давлатии шаҳри Хучанд баргузор мегардад.

Муфассал... Шарҳ додан