АсосӣБойгонӣ

Навгонӣ

Раиси шаҳри Хуҷанд бо Валерей Бондаренко мулоқот намуд.

(2 овоз, миёна 3.50 аз 5)

23 Октябр 2014

Субҳи имрӯз Раиси шаҳри Хуҷанд консули генералии Федератсияи Русия дар шаҳри Хуҷанд Валерий Бондаренкоро қабул намуд. Мавсуф чанде пеш тибқи фармони Вазири корҳои хориҷаи Русия ба ин вазифа таъин гардид. Ӯ дар ин мақом ҳамкасби хеш Александр Копнинро иваз намуда буд.
Раиси шаҳр дар оғози сӯхбат Валерий Бондаренкоро дар ин симматаш табрик намуд.
Валерий Бондаренко изҳор дошт, ки дар вазифаи худ мекӯшад барои рушду ривоҷи самтҳои мухталифи соҳаҳои шаҳри Хуҷанд дар заминаи ҳамкории маркази вилоят бо минтақаҳои Федератсияи Россия мусоидат намояд.
Раҷаббой Аҳмадзода оид ба нишондиҳандаҳои иқтисодиву иҷтимоии шаҳр маълумот дода, захираю имкониятҳои мавҷудаи шаҳри Хуҷандро дар самти саноати сабук, коркарди мева, табодули таҷрибаи соҳибкорон, зикр дошт.

Муфассал... Шарҳ додан

Таъмири куллии кӯчаи ба номи М. Танбӯрӣ.

(2 овоз, миёна 4.50 аз 5)

22 Октябр 2014

Мувофиқи супориши Раиси вилдояти Суғд Абдураҳмон Қодирӣ ва дастури Раиси шаҳри Хуҷанд Раҷаббой Аҳмадзода, бо истифодаи аз ҳавои мусоид таъмири роҳҳои шаҳр идома дорад. Дар кӯчаи ба номи М. Танбӯрӣ барои аз таъмири куллӣ баровардани он корҳои мумфаршкунӣ идома доранд. Зиёда аз 10 нафар таъмирчиёни ҶДММ «Хуҷандроҳ» роҳи мазкурро барои асфалтхобонӣ омода намуда, бо истифодаи воситаҳои техники муосир корҳои мумфаршкуниро бо вусъат идома медиҳанд. Лозим ба ёдоварист, ки кӯчаи номбурда давоми 15 сол охир таъмири капиталӣ нашуда буд.
Масофаи роҳи таъмир 1,4 км буда , ҳаҷми умумии корҳо зиёда аз 3 ҳазор метрии муррабаъро ташкил медиҳад. Корҳои таъмир ҳамчунин як қисми рохи соҳили дарёи Сир,- хиёбони ба номи Р. Набиевро низ дар бар хоҳад гирифт. Барои сари вақт ва хушсифат аз таъмир куллӣ Роҳсозон ният доранд то интиҳои хафта корҳои асфалтхобониро ба итмом расонанд.

Шарҳ додан

Мулоқоти сокинони маҳаллаи «Сирдарё» бо Раиси шаҳри Хуҷанд.

(1 овоз, миёна 5.00 аз 5)

22 Октябр 2014

Раиси шаҳри Хуҷанд Раҷаббой Аҳмадзодав дар маҷлисгоҳи мактаби таҳсилоти умумии № 7 мулоқоти навбатии худро бо сокинони маҳаллаи «Сирдарё» доир намуд.
Қабл аз вохӯрӣ бо сокинон, Раиси шаҳри Хуҷанд аз рафти дарси таълими меҳнат дар мактаби мазкур ошно шуд. Толибаҳои дабистон дар танӯри мактаб бо роҳбарии омӯзгори худ тарзи пухтани намудхои гуногуни самбӯсаро меомӯхтанд. Раҷаббой Аҳмадзода аз сатҳи дарси мазкур изҳори қаноатмандӣ намуда, таъкид намуд,ки муҳассилин бояд аз давраи мактабхонӣ дар танӯр пухтани хӯрокҳои гуногунро комилан омӯзанд. Зеро ҳадаф аз дастури Раиси вилояти Суғд Абдураҳмон Қодирӣ барои беҳтар намудани сифати дарсҳои таълими меҳнат бо ин тарз, омода намудани ҷавондухтарони ба рӯзгордорӣ ва зиндагии мустақил аст.

Муфассал... Шарҳ додан

Муассисаи тиббии ниҳодҳои қудратӣ таъмир ва азнавсозӣ мешавад.

22 Октябр 2014

Бо дастгирии Мақомоти иҷроияи ҳокимияти давлатии вилояти Суғд ва шаҳри Хуҷанд, бинои Муассисаи тиббии Раёсати Вазорати корҳои дохилии Ҷумҳурии Тоҷикистон дар вилояти Суғд таъмир ва азнавсозӣ мешавад.
Ҳоло дар бинои мазкур ҳамарӯза то 100 нафар сохтмончиёну пардозгарон ва таъмиргарон фаъолият дошта, ҳуҷраҳои тиббӣ, саҳни ҳавлӣ азнавсозӣ ва гулкорӣ шуда истодаанд.
Роҳбарияти раёсати номбурда ният дорад то ҷашни 20 солагии қабули Сарқонуни Тоҷикистон онро мавриди истифода қарор диҳад. Пешбинӣ мешавад,ки баъди ба истифода додани он барои муолиҷаи шабонарӯзии 50 нафар кормандони ниҳодҳои қудратии вилоят,- корҳои дохилӣ, хадамоти гумрук, оташнишонҳо ва муҳофизони муассисаҳои ислоҳоти ҷазо имконият пайдо хоҳад шуд.

Муфассал... Шарҳ додан

Ҷаласаи навбатии Шӯрои ҷамъиятӣ баргузор гашт.

20 Октябр 2014

Ҷаласаи Шӯрои ҷамъиятии шаҳри Хуҷанд бо иштироки ҳамаи аъзояш дар ҳузури Раиси шаҳр, Раиси Шӯрои ҷамъиятӣ Раҷаббой Аҳмадзода доир гардид.
Ӯ ба ҳозирин маълум сохт, ки дар ҷаласа ду масъала, нахуст, дар бораи рафти корҳои омодагӣ ба таҷлили 20-солагии Конститутсияи (Сарқонуни) Ҷумҳурии Тоҷикистон ва сонӣ, татбиқи «Барномаи давлатии тайёр кардани кадрҳои омӯзгорӣ барои солҳои 2011-2016» мавриди муҳокима ва баррасӣ қарор мегирад.
Аз рӯи масъалаи якум Мирзоқосим Каримов, мудири шӯъбаи рушди иҷтимоӣ ва робита бо ҷомеаи дастгоҳи Раиси шаҳр маълумот дода, аз ҷумла зикр кард, ки яке аз рӯзҳои фархундаву тақдирсозе, ки боиси ифтихор ва сарбаландии ҳар як тоҷику тоҷикистонӣ мебошад, санаи 6-уми ноябр аст. Зеро маҳз дар ҳамин сана соли 1994 Конститутсияи (Сарқонуни) Ҷумҳурии Тоҷикистон қабул шудааст.