АсосӣБойгонӣ

Навгонӣ

Нишасти матбуотии Раиси шаҳри Хуҷанд баргузор гардид.

06 Январ 2015

Дар маҷлисгоҳи Мақомоти иҷроияи ҳокимияти давлатии шаҳри Хуҷанд нишасти матбуотӣ доир шуд, ки дар он Раиси шаҳр Раҷаббой Аҳмадзода ба намояндагони воситаҳои ахбори оммаи шаҳру вилоят ва ҷумҳурӣ оид ба фаъолияти Мақомоти иҷроияи ҳокимияти давлатии шаҳри Хуҷанд дар соли 2014 дар самти пешбурди хоҷагии халқ маълумот дод. Аз ҷумла зикр кард, ки корхонаҳои саноатии шаҳр давоми соли 2014 ба миқдори 490 миллион сомонӣ маҳсулот истеҳсол карданд, ки нисбат ба ҳамин давраи соли 2013-ум 82, 1 миллион сомонӣ зиёд аст. Дар ин давра шумораи корхонаҳои саноатӣ ба 153 адад расид, ки нисбат ба ҳамин давраи соли гузашта 46 адад афзуд. Аммо 4 корхона: ҶС «Лаъл», ҶДММ «Некон», Идораи сохтмони №1 ва ҶДММ «Ворис» фаъолият надошт. Барои азнавсозии технология ва модернизатсияи корхонаҳои саноатии навташкил зиёда аз 44 миллион сомонӣ сармояҳои хориҷӣ ва дохилӣ масраф шуда, 1000 ҷойи нави корӣ таъсис ёфт.

Муфассал... Шарҳ додан

Барномаи солинавии шаҳри Хуҷанд беҳтарин дар вилоят.

03 Январ 2015

Бо мақсади дарёфти чеҳраҳои нави ҳунарӣ истеъдодҳои ҷавон ва ҷалби шахсони лаёқатманд ба фарҳангу ҳунар аз санаи 15 то 31 декабр дар майдони «Ситораҳои Хуҷанд», дар назди арчаи асосӣ озмуни барномаи фарҳангии солинавии шаҳру ноҳияҳои вилояти Суғд баргузор гардид. Давоми 16 рӯз истеъдодҳои ҷавони шаҳру ноҳияҳои вилоят дар назди ҳакамон ва сокинону меҳмонони шаҳри Хуҷанд барномаҳои ҷолибу рангини худро пешниҳод намуданд.
Дар асоси низомнома аҳли фарҳанги шаҳру ноҳияҳо барои интихоби жанр ва тарзи пешниҳоди барномаи солинавӣ ихтиёр доштанд. Санаи 31 декабри соли сипаришуда, дар чорабиниҳои ниҳоии солинавӣ ҳайати ҳакамони бо салоҳият, ки аз ҷониби Раёсати фарҳанги вилояти Суғд таъсис дода шуда буд, натиҷаҳои озмуни солинавӣ эълон гардид.

Муфассал... Шарҳ додан

Ба шахсони эҳтиёҷманд аробачаи маюбӣ тӯҳфа карда шуд.

(1 овоз, миёна 5.00 аз 5)

30 Декабр 2014

Дар арафаи таҷлили ҷашн ва санаҳои таърихӣ ба оилаҳои ниёзманд ва камбизоат расондани кӯмак аз ҷониби Макомоти иҷроияи ҳркимияти давлатии шаҳри Хуҷанд ба ҳукми анъана даромадааст.
Тибқи дастури Раиси шаҳри Хуҷанд Раҷаббой Аҳмадзода ба 5 нафар шахсони эҳтиёҷманд аробачаи маюбӣ тақдим карда шуд.
Раиси шаҳри Хуҷанд Раҷаббой Аҳмадзода ба манзили истиқоматии яке аз ин чунин шахсоне, ки ба аробачаи маюбӣ эҳтиёҷ дошт, Негматҷон Неъматов рафт.
Негматҷон Неъматов сокини шаҳри Хуҷанд кӯчаи Стаханов № 10, бинобар сабаби беморӣ таи чанд вақт аст,ки имкони роҳ гаштан надорад.
Пайвандони номбурда ба Раиси шаҳри Хуҷанд барои ҳалли мушкилоти харидории чунин аробача муроҷиат намуда буданд.
Раҷаббой Аҳмадзода номбурдаро бо соли нав табрик намуда, аробачаро тӯҳфа намуд.

Муфассал... Шарҳ додан

Шоми солинави ва тӯҳфаҳои ғолибон.

03 Январ 2015

Ба истиқболи Соли нави мелодӣ дар майдони «Ситораҳои Хуҷанд» шоу- консерти солинавӣ баргузор гардид. Дар оғози чорабинӣ Раиси шаҳри Хуҷанд Раҷаббой Аҳмадзода кулли ҳозирон ва меҳмонони ин ҳамоиши солинавиро бо соли нави 2015 табрик намуд.
«Соли сипаригаштаистода барои сокинони маркази вилоят дар баробари мардуми шарифи кишварамон соли пешрафту ободонӣ рушду натиҷаҳои назаррас буд. Моро ба ин дастовард дастуру ҳидоятҳои Ҷаноби Олӣ, Президенти Ҷумҳурии Тоҷикистон, мӯҳтарам Эмомалӣ Раҳмон раҳнамо буд. Бо эътимоди қавӣ таъкид намудани ҳастам, ки соли нави 2015 низ идомаи ин корҳои созандигию ободонӣ ва пешрафти ҳамаи соҳаҳо хоҳад буд. Дар ин самт мардуми сарбаланди шаҳри бостонии Хуҷанд бо азми қавӣ ва меҳнати фидокоронаи худ ин натиҷаҳоро афзун хоҳанд кард».

Муфассал... Шарҳ додан

Раиси шаҳр ба қудакони ятиму ниёзманд китоби тозанашрро тӯҳфа кард.

(1 овоз, миёна 5.00 аз 5)

30 Декабр 2014

Раиси шаҳри Хуҷанд Раҷаббой Аҳмадзода толибилмони синфҳои ибтидоии мактабҳои шаҳри Хуҷанд, ки ятим ва ё аз оилаи ниёзманд маҳсуб меёбанд, бо соли нави мелодӣ табрик намуд.
«Шумо фарзандони азиз ҳамеша таҳти ғамхории Президенти Ҷумҳурии Тоҷикистон Ҷаноби Олӣ мӯҳтарам Эмомалӣ Раҳмон ҳастед. Бинобар он имрӯзу ҳамеша Шумо тамоми имконият ва шароитҳоро барои таҳсил, ба камол расидан ва соҳибкасб шудан хоҳед дошт.»
Баъди суханони табрикӣ Раиси шаҳри Хуҷанд ба ҳамаи 200 нафар наврасони ҳузурдошта тӯҳфаҳои солинавӣ ва китобҳои тозанашри кӯдакона «Шоҳпаланг» ва «Тути кал»-ро тӯҳфа намуд.
Лозим ба ёдоварист, ки китобҳои номбурда ба қалами нависанда Муҳаммад Субҳон таалуқ дошта бо маблағгузории Мақомоти иҷроияи ҳокимияти давлатии шаҳри Хуҷанд бо теъдоди ҳазор нусха аз чоп баромадааст.

Муфассал... Шарҳ додан