АсосӣБойгонӣ

Навгонӣ

Маркази савдои «Файзи Расул» кушода шуд.

(1 овоз, миёна 5.00 аз 5)

19 Январ 2015

Дар шаҳри Хуҷанд боз як маркази савдо ва хизматрасонӣ кушода шуд.
Бо назардошти талаботи сокинон ва меҳмонони маркази вилоят дар маҳаллаи «Навбаҳор»- шаҳри Хуҷанд маркази савдои ширкати «Файзи Расул» ба фаъолият оғоз намуд. Бахшида дар расми ифтитоҳи ин мағозаи нав Раиси шаҳри Хуҷанд Раҷаббой Аҳмадзода иштирок намуд. Пеш аз фаъолияти расмии мағозаи мазкур Раиси шаҳри Хуҷанд Раҷаббой Аҳмадзода бо ҳозирони ин чорабинӣ мулоқот намуда, баён дошт,ки сиёсати имрӯзаи Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон боис мегардад,ки соҳибкорони муваффақ ҳамрӯза дастгирӣ ёбанд ва рушд намоянд.
Маҳсулои ширкати мазкур қайҳо маҳбубияти худро дар кишвар ва берун аз он пайдо намудааст, имрӯз номгӯи маҳсулот ва сифати онро бештару беҳтар мекунад.

Муфассал... Шарҳ додан

Дар шаҳри Хуҷанд шоҳроҳи нав сохта мешавад.

19 Январ 2015

Барои зебо ва обод намудани шаҳр ба Наврӯзи дар пеш истода нақшаҳои Мақомоти иҷроияи ҳокимияти давлатии шаҳри Хуҷанд амалӣ мешаванд.
Раиси шаҳри Хуҷанд Раҷаббой Аҳмадзода қисмати дуюми рӯзи шанбе бо иштироки мудирони шӯъбаи меъморӣ ва шаҳрсозӣ, Сарраёсати ободонӣ, идораҳои роҳсозӣ, шабакаи барқ, заминсозӣ, «Хуҷандобуканал» ва дигар сохторҳои марбута ситоди сайёрро дар яке аз шоҳроҳҳои маркази вилоят «Автомагистральная» гузаронид.
Дар асоси нақшаи таҷдид ва навсозии роҳҳои шаҳр, шоҳроҳи мазкур бояд дар соли 2015 дар баробари дигар кӯчаҳо шоҳроҳи «Автомагистральная» пурра азнавсозӣ карда хоҳад шуд.
Тибқи лоиҳа шоҳроҳи мазкур 24 метр паҳноӣ ва масофаи 1600 метрро дар бар хоҳад гирифт.
Дар баробари пурра азнавсозии сутунпояҳои равшанидиҳӣ бо фурузонакҳои каммасрафи диодӣ пешбинӣ шуда, шоҳроҳ мумфарш карда мешавад. Баъди таъмир бошад дар ҳар як самт имкон дорад ҳаракати 6 қатори нақлиётро таъмин намояд.

Муфассал... Шарҳ додан

Раиси шаҳри Хуҷанд дархости 53 нафар сокинонро баррасӣ намуд.

17 Январ 2015

Имрӯз тибқи нақшаи Мақомоти иҷроияи ҳокимияти давлатии шаҳри Хуҷанд Раҷаббой Аҳмадзода сокинони маркази вилоятро бо масалаҳои мухталифи ҳалталабашон қабул намуд.
Дар қабули шаҳрвандон ҳамчунин роҳбарони воҳидҳои сохторӣ, мутасаддиёни шӯъбаҳои тандурустӣ, ҳифзи иҷтимоӣ, раисони кумитаҳои маҳаллаҳои шаҳр низ иштирок намуданд. Вобаста ба масъалаи қитъаи замини наздиҳавлигӣ 14 нафар, таъмини хобгоҳ 6 нафар, барои расондани кӯмак ба сохтмони манзил ва гирифтани кӯмаки яквақтаи ройгон 7 нафар, муроҷиат намуданд.Ҳамчунин чанде аз шаҳрвандон ба Раиси шаҳри Хуҷанд Раҷаббой Аҳмадзода доири баҳси манзил, кӯмак барои харидории доруворӣ ва табобат, мусоидат барои сафари ҳаҷ низ муроҷиат намуданд.

Муфассал... Шарҳ додан

Зани номдор Махфират Дадобоева 70 сола шуд.

17 Январ 2015

Дар қасри фарҳанги шаҳри Хуҷанд бо иштироки Раиси шаҳри Хуҷанд Раҷаббой Аҳмадзода ва муовини Раиси вилояти Суғд Хайрулло Амонулло ҷамъомади тантанавӣ бахшида ба 70 солагии собиқадори меҳнат яке аз пешқадамони истеҳсолоти даврони шӯравӣ, ходими намоёни ҳизбӣ Мағфират Дадобоева баргузор гардид.
Мағфират Дадобоева давоми фаъолияти зиёда аз 40 солаи худ дар комбинати щоҳибофии шаҳри Хучанд тавонист аз коргари оддӣ то ба дараҷаи намояндаи халқ дар мақоми қонунгузори Иттиҳоди Шӯравӣ, ходими ҳизбӣ, зани фаъол ва устоди чандин шахсони арзандаи диёр гардад. Соҳибҷашн баробари фаъолияти меҳнатӣ ва шахси ҷамъиятӣ будан, модари мушфики панҷ фарзанд аст.
Ин ва дигар хислатҳои наҷиби соҳибҷашн, нақшу корнамоии ӯ дар истифодаи таҷрибаи пекадам, зинадагиномааш чун соҳибхоназан ва оиладорӣ дар суханони табрикии Раиси шаҳри Хуҷанд Раҷаббой Аҳмадзода ва номаи табрикотии Раиси вилояти Суғд Абдураҳмон Қодирӣ зикр гардид.

Муфассал... Шарҳ додан

Ниҳолшинонӣ дар шаҳри Хуҷанд бо иштироки Раиси вилоят.

17 Январ 2015

Дар маркази вилоят тибқи нақшаи омоданамудаи Мақомоти иҷроияи ҳокимияти давлатии шаҳри Хуҷанд маъракаи ниҳолшинонӣ бо вусъат идома дорад.
Яке аз мавзеҳое, ки бояд азнавсозӣ шуда тарҳи дигар гирад ин майдони шафати роҳи кӯпруки асосии шаҳр аст. Давоми ду ҳафтаи охир кормандони идораи хоҷагии манзилию коммуналӣ ин мавзеро аз дарахту буттаҳои хушкида тоза намуда, барои шинондани ниҳолҳои нави ҳамешасабз омода намуданд.
Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода бо мақсади иштирок дар маъракаи ниҳолшинонӣ ба мавзеи номбурда омаданд.
Раиси шаҳри Хуҷанд Раҷаббой Аҳмадзода Раиси вилояти Суғдро бо нақшаи азнавсозии ин ҷо ошно намуда таъкид намуд, ки давоми як моҳ корҳои ниҳолшинонӣ, панҷарагирӣ ва сабзу обод гардони он ба анҷом расонда мешавад.