АсосӣБойгонӣ

Навгонӣ

Ҷавонону варзишгарон дар ободонии шаҳр саҳм гузоштанд.

20 Декабр 2014

Тибқи дастури Раиси шаҳри Хуҷанд Раҷаббой Аҳмадзода имрӯз дар шаҳри Хуҷанд шанбегии умумишаҳрӣ гузаронида шуд.
Корхонаю муассисаҳои гуногун дар варзишгоҳи «Лочин», боғи «20 солагии Ғалаба» мавзеи фароғатию варзишии назди «Кӯпруки Ҷашнӣ» ва дигар мавзеи шаҳр муташаккилона ба шанбегӣ баромада барои ба тартиб даровардани мавзеҳои номбурда ва аз партов тоза намудани онҳо майдону гулгаштҳо саҳм гирифтанд.
Зиёда аз ҳазор нафар ҳашарчиён,ки аз ҳисоби ҷавонон варзишгарон муҳассилини синфҳои болоии мактабҳои шаҳр, кормандони ташкилотҳои дар минтақаҳои зикргардида ҷойгир шуда иборат буданд, барои беҳтар намудани намуди зоҳирии шаҳр иштироки фаъолона намуданд.
Лозим ба ёдоварист, ки шанбегии мазкур дар идомаи корҳои ободонӣ ва маъракаи ниҳолшинонӣ сурат мегирад, ки дар асоси нақшаи Мақомоти иҷроияи ҳокимияти давлатии шаҳри Хуҷанд пешбинӣ шудааст.

Шарҳ додан

Кори комиссияи даъвати тирамоҳӣ натиҷагирӣ шуд.

(1 овоз, миёна 5.00 аз 5)

20 Декабр 2014

Бо иштироки Раиси шаҳри Хуҷанд Раҷаббой Аҳмадзода ҷаласаи ҷамбастии комиссияи даъвати тирамоҳии ҷавонон ба сафи Артиши Миллӣ баргузор гардид.
Дар оғоз Раиси комиссияи даъват, муовини аввали Раиси шаҳри Хуҷанд Иброҳим Иброҳимов доири фаъолияти комиссияи мазкур маълумот дода, фаъолияти пурсамари нозирони минтақавии Шӯъбаи Вазорати корҳои дохилии Ҷумҳурии Тоҷикистон дар шаҳри Хуҷанд, раисони кумитаҳои маҳаллаҳои «Бофанда», «Раззоқ», «Хуҷанд», чун намунаи ибрат боҳогузорӣ намуд.
Ҳамчунин қайд гардид,ки дар сурати фаъолияти натиҷабахши мутасаддиёни дигар маҳаллаҳо имкон буд нақшаи даъватро боз ҳам пештар иҷро намудан мумкин буд.
Мавсуф аз роҳбарияти маҳаллаҳои боқимондаро даъват намуд, ки барои мавсими даъвати соли оянда аз марҳилаи имрӯза оғоз намоянд.

Муфассал... Шарҳ додан

Раиси шаҳр ҷаласаи худро дар соҳили дарё гузаронд.

(1 овоз, миёна 5.00 аз 5)

18 Декабр 2014

Субҳи имрӯз Раиси шаҳри Хуҷанд Раҷаббой Аҳмадзода дар мавзеи варзишӣ ва истироҳатию фароғатӣ,ки дар назди кӯпруки «Ҷашнӣ» мавҷуд аст, ҷаласаи корӣ гузаронд. Дар кори ин ҷаласа роҳбарони соҳаи ободонӣ, муҳити зист, варзиш ва сайёҳӣ, заминсозӣ, идораи санитарию эпидемологӣ,сохтмонӣ-меъморӣ, ҳифзи ҳуқуқ ва соҳибкорони дар ин мавзеъ фаъолият дошта, ширкат намуданд.
Дар мавзеи мазкур чанд ошхона, нуқтаҳои хизматрасонӣ ва муассисаҳои варзишӣ ҷойгир шудааст. Ба истиснои варзишгоҳ ва майдончаҳои варзишӣ тамоми нуқтаҳои хизматрасонӣ ин макон мавсимӣ буда, дар фасли зимистон фаъолияти онҳо қатъ мегардад. Новобаста ба ин аз ҷониби Раҷаббой Аҳмадзода дастур дода шуд,ки соҳибкорон ва мутасддиёни соҳаи дахлдор, бояд мавзеи вобасташудаи худро обод нигоҳ доранд.

Муфассал... Шарҳ додан

Дар шаҳри Хуҷанд маъракаи ниҳолшинонӣ идома дорад.

(1 овоз, миёна 5.00 аз 5)

20 Декабр 2014

Имрӯз роҳбарон ва кормандони воҳидҳои сохтории Мақмоти иҷроияи ҳокимияти давлатии шаҳри Хуҷанд,Сарраёсати ободонӣ хоҷагию манзилӣ ва коммуналии шаҳр дар назди кӯпруки «Ҷашнӣ», хиёбонҳои «Сирдарё» ва ба номи Раҳим Ҷалил дар маъракаи ниҳолшинонӣ ширкат намуданд.
Раиси шаҳри Хуҷанд Раҷаббой Аҳмадзода ба корҳои ободонӣ ва ниҳолшинонӣ иштирок намуда, кулли сокинони маркази вилоятро даъват намуд, ки дар корҳои ободонӣ ва кабудизоркунии шаҳри Хуҷанд саҳм гузоранд.
Тибқи нақша то фасли баҳор бо кӯмаки сокинон, корхонаю ташкилотҳо ва мақомоти дахлдор то 100 ҳазор бех ниҳолу дарахтони ороишӣ, сояафкан ва мевадиҳанда шинонда мешаванд.
Бо ин мақсад дар марҳилаи аввал зиёда аз ҳазор бех ниҳоли навъи «Ардач» харидорӣ шуда, дар кӯчаю хиёбонҳои шаҳр шинонда хоҳад шуд.

Муфассал... Шарҳ додан

Барномаи консертии шаҳру ноҳияҳои вилоят дар шаҳри Хуҷанд идома дорад.

18 Декабр 2014

Дар майдони «Ситораҳои Хуҷанд» чорабиниҳои фарҳангии солинавӣ идома доранд.
Чуноне, ки қаблан маълумот дода будем шурӯъ аз санаи 15 декабр дар назди арчаи солинавӣ дар баробари ҳунарнамоии санъаткорони ҷавони шаҳри Хуҷанд озмуни барномаҳои солинавии муассисаҳои таълимии олӣ ва миёнаи махсуси идома дорад.
Ҳамчунин тибқи нақшаи тасдиқнамудаи Раёсати фарҳанги вилояти Суғд барномаи солинавии ҳунармандони шаҳру ноҳияҳои вилояти Суғд низ сурат мегирад.
То имрӯз дар назди сокинону меҳмонони маркази вилоят санъаткорони шаҳри Истравшан, ноҳияҳои Ҷаббор Расулов, Спитамен баргузор гашта имрӯз бошад аҳли фарҳанги ноҳияҳои Мастчоҳ ва Кӯҳистони Мастчоҳ барномаи солинавии худро пешкаш хоҳанд кард.