АсосӣБойгонӣ

Навгонӣ

Рӯзи Парчами давлатӣ дар Донишкадаи иқтисод ва савдои ДДТТ

24 Ноябр 2014

Бахшида ба Рӯзи Парчами миллӣ бо иштироки устодону донишҷӯёни Донишкадаи иқтисод ва савдои Донишгоҳи Давлатии Тиҷорати Тоҷикистон чорабинии илмӣ-фарҳангӣ баргузор гардид. Чорабиниро ҷонишини директор оид ба тарбия ва рушди ҷавонон, дотсент Гулчеҳра Аҳророва ҳусни оғоз бахшид.
Намояндаи Мақомоти иҷроияи ҳокимияти давлатии шаҳри Хуҷанд Муяссара Мавлонова паёми табрикотии Раиси шаҳр Раҷаббой Аҳмадзодаро ба ҳайати профессорону омӯзгорон ва донишҷӯён расонд.
Мудири кафедраи ҷомеашиносӣ, номзади илми фалсафа, дотсент Фаррух Турсунов дар мавзӯи «Парчам-рамзи ободиву осоиштагӣ» маърӯзаи илмӣ намуда, ҳамзамон оиди таърихи қабули Парчами давлатӣ маълумот доданд.

Муфассал... Шарҳ додан

Таҷлили Рӯзи Парчами миллӣ дар шаҳри Хуҷанд.

22 Ноябр 2014

Дар шаҳри Хуҷанд бахшида ба Рӯзи Парчами миллӣ тантанаи идона баргузор гардид. Баъди садо додани Суруди миллӣ, Раиси шаҳри Хуҷанд Раҷаббой Аҳмадзода кулли ҳозирон ва ҷамъомадагонро бо ин рӯзи фархунда аз номи Президенти Ҷумҳурии Тоҷикистон Ҷаноби Олӣ, мӯхтарам Эмомалӣ Раҳмон ва Раиси вилояти Суғд Абдураҳмон Қодирӣ табрик намуд ва таъкид намуд, ки «Парчами давлатии Тоҷикистон ҳамқадами соҳибистиқлолии ватанамон буда, дар баробари Конститутсия, Нишон, Суруди Миллӣ ва асъори миллӣ аз ҷумлаи рамзҳо ва муқаддасоти давлатӣ маҳсуб мешавад, ки дар иҷлосияи таърихии XVI-уми Шӯрои Олии Ҷумҳурии Тоҷикистон қабул гардида буд.
Аз он рӯзе, ки миллати соҳибмаърифати мо соҳиби Парчам гардид, дар ҳаёти мамлакату ҷомеаи кишвар бисёр дигаргуниҳои бунёдӣ ба амал омаданд ва барои пешрафти ҳамаи соҳаҳои иқтисодиёт, илму маориф ва маънавиёти мардум шароити мусоид фароҳам оварда шуд.»

Муфассал... Шарҳ додан

Эҳтиром ба парчами миллӣ.

21 Ноябр 2014

Бахшида ба муносибати таҷлили ҷашни Рӯзи парчами давлатӣ дар Донишкадаи политехникии Донишгоҳи техникии Тоҷикистон чорабинии идона баргузор гардид.
Онро бо сухани муқаддимавӣ директори донишкада Дилрабо Мансурова ҳусни оғоз бахшида, қайд кард, ки эълон шудани Рӯзи Парчами Тоҷикистон воқеаест фараҳбахш ва баргузории он дар дили ҳар фарди ватандӯст ва сокини Тоҷикистони азиз эҳсоси дӯст доштан ва парастиш кардани ин сарзаминро дучанд менамояд.
Сармутахассиси шӯъбаи рушди иҷтимоӣ ва робита бо ташкилотҳои ҷамъиятии Мақомоти иҷроияи ҳокимияти давлатии вилоят шоир Ният Ҳаёт паёми табрикотии Раиси вилоят Абдураҳмон Қодириро бахшида ба Рӯзи парчами давлатӣ ба самъи ҳозирин расонда, ҳамзамон аз таърихи пайдоиши парчам ва нақши он дар ҳаёти сиёсии кишвар сухан ронд.

Муфассал... Шарҳ додан

Раиси шаҳри Хуҷанд аз мавзеи сӯхтор дидан намуд.

21 Ноябр 2014

Имрӯз Раиси шаҳри Хуҷанд Раҷаббой Аҳмадзода бо ҳамроҳии муовинони худ, роҳбарони сохторҳои қудратӣ, мудирони шӯъбаҳои дахлдор ба мавзеи сӯхтори марказҳои савдо омад. Ба Раиси шаҳри Хуҷанд доири ҳолатҳои сӯхтори ба амаломада, фаъолияти ситоди шаҳрӣ маълумот дода шуд.
Ҳамчунин зикр гардид, ки аз рӯи натиҷаҳои пешакӣ дар се марказхои савдои дар мавзеи Панҷшанбе ҷойгиршуда,-«Баҳор», «Тоҷир», «Сино» 82 нуқтаҳои савдо оташ гирифта, ҳисороти умумӣ дар марҳилаи имрӯза наздик ба як миллион сомонӣ аст.
Айни замон ба қисме аз соҳибкорон дар марказҳои савдои ба номи «20 солагии Истиқлолияти Тоҷикистон» ,бозори дар микроноҳияи 34 мавҷуд буда барои идомаи фаъолияти соҳибкорӣ бе пардохти иҷорапулӣ шароит фароҳам оварда шудааст. Чунин имконият барои соҳибкорони дигар низ дар сурати хоҳиш доштани онҳо пешниҳод карда мешавад.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба Рӯзи Парчами миллӣ

21 Ноябр 2014

Қадршиносӣ аз Парчами давлатӣ аз гузашта, имрӯз ва ғамхорӣ аз фардои халқ аст.
Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон нақши барҷастаи ин рамзи муҳими давлатиро дар таҳкими сулҳу субот, дӯстию якдилӣ ва Ваҳдати халқи азизамон зикр намуда, барҳақ қайд карда буданд:
«Итминони комил дорам, ки Парчами давлати соҳибистиқлоли Тоҷикистон ҳамчун таҷассуми умеду ормонҳои мо ҳамеша парафшон хоҳад буд ва зери сояи он мо дар роҳи ободии Ватани азизамон ба дастовардҳои рӯзафзун ноил хоҳем шуд.»
Хушбахтона, ба шарофати истиқлолияти давлатӣ тоҷикон соҳиби Парчами миллӣ, яъне таҷассумгари гузаштаи шоён ва ояндаи дурахшони тоҷикон гардиданд.

Муфассал... Шарҳ додан