АсосӣБойгонӣ

Навгонӣ

Гузоштани хишти аввал барои сохтмони кӯдакистон дар маҳаллаи «Чорчароғ»

(1 овоз, миёна 5.00 аз 5)

11 Феврал 2016

Дар асоси даструру супоришҳои Пешвои миллат Президенти Ҷумхурии Тоҷикистон Эмомалӣ Раҳмон дар шаҳри Хуҷанд баҳри боз ҳам беҳтар намудани сатҳу сифати таълиму тарбияи насли наврас ва кӯдакон ва фарогирии ҳар чӣ бештари онҳо ба муассисаҳои томактаби тадбирҳои мушаххас андешида мешавад. Дар кӯчаи Озодии маҳаллаи “Чорчароғ” –и шаҳри Хуҷанд муассисаи томактабӣ барои 240 нафар кӯдакон сохта ба истифода дода мешавад. Дирӯз бо иштироки раиси шаҳр Раҷаббой Аҳмадзода хишти аввал барои сохтмони кӯдакистон гузошта шуд. Чи тавре ки қайд гардид, кӯдакистони мазкур то ҷашни 25-солагии Истиқлолияти давлатии Ҷумҳурии Тоҷикистон мавриди истифодабарӣ қарор дода шуда, 50 нафар бо ҷои корӣ таъмин мегарданд.
Аз рӯи лоиҳа намуди зоҳирии ин муассиса ба Кӯдакистони Президентӣ монанд мебошад.

Муфассал... Шарҳ додан

Мусобиқаи варзишии наврасон бо натиҷаҳои хуб ҷамбаст гардид.

10 Феврал 2016

Ҷиҳати иҷроиши дастури Раиси шаҳри Хуҷанд ва татбиқи Қонуни Ҷумҳурии Тоҷикистон «Дар бораи тарбияи ҷисмонӣ ва варзиш», дар варзишгоҳи «20-солагии Истиқлолияти Тоҷикистон», мусобиқаи шаҳрии Хуҷанд оид ба варзиши сабук байни наврасони солҳои таваллудашон 1999-2000 ва 2001 бахшида ба Рӯзи Артиши миллии Ҷумҳурии Тоҷикистон баргузор гардид.
Дар ин чорабинии варзишӣ 350 нафар наврасон аз мактабҳои варзишӣ миёнаи умумӣ, литсей ва гимназияиҳои маркази вилоят иштирок намуданд.
Дар мусобиқа қувваозмоӣ аз рӯи давидани писарон ба масофаи 100м, 400м, 3000м, 60м бо монеаҳо ва давидани духтарон ба масофаи 100м, 400м, 1500м, 60м бо монеаҳо сурат гирифт. Дар натиҷа варзишгарони наврас маҳорати хубро намоиш доданд.

Муфассал... Шарҳ додан

Ҷаласаи корӣ

(1 овоз, миёна 5.00 аз 5)

08 Феврал 2016

Субҳи имрӯз таҳти раёсати Раиси шаҳри Хуҷанд Раҷаббой Аҳмадзода бо иштироки роҳбарони сохторҳои МИҲД –и шаҳр, муовинони раиси шаҳр ҷаласаи корӣ баргузор гардид.
Бо мақсади сазовор истиқбол гирифтани 25-умин солгарди Истиқлолияти давлатии Ҷумҳурии Тоҷикистон ва иҷрои дастури Роҳбари давлат аз ин пас моҳе як маротиба нишондиҳандаҳои иқтисодию иҷтимоии шаҳр мавриди баррасиву таҳлил қарор дода хоҳад шуд,-гуфт Раҷаббой Аҳмадзода.
Нахсуст вазъи иҷрои буҷет баррасӣ шуд. Бино ба гуфти раиси шаҳр бо вуҷуди нақшаи ҷамъоварии маблағи андоз 103,2 фисад иҷро шудан нақшаи 5 намуди андоз иҷро нашудааст. Бақияи қарзи андоз ташвишовар боқӣ мемонад. Сардори Нозироти андози шаҳр Абдурауф Ҷумъаев изҳор дошт, ки хусусан ҷамъоварии андози амволи манқул ва ғайриманқул ташвишовар буда, кӯмаки мақомоти маҳаллии ҳокимияти давлатиро лозим аст.

Муфассал... Шарҳ додан

Масъулияти бештар дар иҷрои вазифа

(1 овоз, миёна 5.00 аз 5)

09 Феврал 2016

Ҷаласаи Шӯрои ҷамъиятии шаҳри Хуҷандро Раиси Шӯрои ҷамъиятӣ Раҷаббой Аҳмадзода ифтитоҳ намуда, ба аъзои шӯрои маълум сохт, ки дар ҷаласа се масъала мавриди баррасӣ ба муҳокимаронӣ қарор мегирад.
Масъалаи якум, оид ба тасдиқи ваколати аъзои Шӯрои ҷамъиятӣ, ки намояндаи худро дар Шӯрои ҷамъиятӣ иваз намудааст, пешбинӣ шудааст. Ба сабаби вафоти Ҳошим Осимов, раиси собиқадорони ҷангу меҳнат Мӯъминҷон Орифов ва бо сабаби иваз шудани ҷойи кори Зулфия Умарова, вазифаи котиби ҳамонҳангсози Шӯрои ҷамъиятӣ бар уҳдаи сармутахассиси шӯъбаи рушди ҷомеа ва робита бо ҷомеаи шаҳр Умеда Сайдуллоева вогузор карда шавад. Оид ба ин масъала Қарор қабул гардид.
Масъалаи дуюм, оид ба нақшаи фаъолияти Шӯрои ҷамъиятии шаҳри Хуҷанд барои соли 2016 пешниҳод ва бо қарор тасдиқ гардид.

Муфассал... Шарҳ додан

Шанбегӣ барои боз ҳам обод гаштани шаҳр мусоидат намуд.

(1 овоз, миёна 5.00 аз 5)

07 Феврал 2016

Дар асоси супориши Раиси шаҳри Хуҷанд Раҷаббой Аҳмадзода, эълон гаштани «300 рӯзи ободонӣ», нақшаи Мақомоти иҷроияи ҳокимияти давлатии шаҳри Хуҷанд ва бахшида ба таҷлили санаҳои таърихӣ,- Иди Наврӯз, 25 солагии Истиқлолияти давлатии Ҷумҳурии Тоҷикистон, дар маркази вилоят шанбегии умумишаҳрӣ баргузор шуд.
Назар ба маълумоти ситоди ин шанбегӣ шумораи иштирокчиён бештар аз 20 ҳазор нафарро ташкил дода, аз ин шумора бештар аз 12 ҳазор нафар дар корҳои тозаю обод намудани минтақаҳои гуногуни шаҳр саҳм гирифтанд.
Давоми рӯз бо кӯмаки ҳашарчиён ва мутахассисони Сарраёсати ободонӣ ва хоҷагию манзили коммуналии шаҳр 1016 бех ниҳолҳои сояафкан ва мевадиҳанда, 150 бех гулҳои ороишӣ, 1436 дона қаламчаи гул шинонда шуд.