АсосӣБойгонӣ

Навгонӣ

Дар маҳаллаи «Сари баландӣ» таъмири кӯчаҳо идома дорад.

(2 овоз, миёна 5.00 аз 5)

11 Ноябр 2015

Дар шаҳри Хуҷанд таъмири роҳҳои дохили маҳаллаҳо идома дорад. Бо максади ҳарчӣ бештар фаро гирифтани корҳои таъмиру барқарорсозии роҳҳои маркази вилоят, Раиси шаҳри Хуҷанд Раҷаббой Аҳмадзода дар ҷаласаи кории худ дар оғози ҳафта ба ширкатҳои роҳсозӣ ва муассисаи идораи истифодабарии роҳхои шаҳр супориш дода буд, ки барои таъмири роҳҳо имконияту захираҳои мавҷуда бояд истифода гарданд. Зеро ҳавои мусоид дар ин рӯзҳо ҷиҳати пешрафти корҳои тармиму барқарорсозии роҳҳо созгор мебошад.
Дар кӯчаи ба номи Сайфӣ Қозиеви шаҳри Хуҷанд кормандони идораи «Суғдроҳ» давоми ду рӯз аст, ки мумфаршкунии пурраро оғоз карда, ният доранд, то интиҳои ҳафта ба анҷом расонанд. Барои таъмири кӯчаи мазкур беш аз 310 ҳазор сомонӣ сарф шуда, ки 90 ҳазор сомонӣ аз ҳисоби сокинону соҳибкорони кӯча ва миқдори боқимондаи маблағ аз ҳисоби Мақомоти иҷроияи ҳокимияти давлатии шаҳри Хуҷанд мебошад.

Муфассал... Шарҳ додан

Боздиди кории Раиси шаҳр аз корхонаҳои навбатии саноатии шаҳр.

(2 овоз, миёна 5.00 аз 5)

11 Ноябр 2015

Мусаллам аст, ки фаъолияти мунтазами корхонаю ташкилотҳо барои таъмини саривақтии буҷаи маҳаллӣ ва беҳдошти сатҳи зиндагии мардум омили муҳим маҳсуб меёбад.
Бо мақсади ошноӣ пайдо намудан аз ҳолати имрӯза ва фаъолияти коргоҳи «САТН» Раиси шаҳри Хуҷанд Раҷаббой Аҳмадзода ба когоҳи номбурда омад.
Боиси зикр аст, ки махсулоти ин коргоҳ пурра аз пахта буда, фаъолияти коргоҳ шурӯъ аз коркарди пахта, омода намудани ришта то маҳсулоти тайёр ба роҳ монда шуда аст.
Раиси шаҳри Хуҷанд Раҷаббой Аҳмадзода ҳангоми мулоқот бо роҳбарияти коргоҳи мазкур зикр намуд, ки тибқи дастури Президенти Ҷумҳурии Тоҷикистон Эмомалӣ Раҳмон корхонаҳои саноатӣ бояд ашёи хомро дар дохили кишвар коркард намуда, барои таъмини талаботи истеҳсолкунандагони ватанӣ фаъолият баранд.

Муфассал... Шарҳ додан

Раиси шаҳр милитсионерони Хуҷандро бо ид табрик намуд.

(2 овоз, миёна 5.00 аз 5)

09 Ноябр 2015

Кормандони шӯъбаи Вазорати корҳои дохилии Ҷумҳурии Тоҷикистон дар шаҳри Хуҷанд рӯзи милитсияи тоҷикро бо иштироки Раиси шаҳри Хуҷанд Раҷаббой Аҳмадзода бо танатана қайд намуданд. Дар ҷамъомади идона Раиси шаҳри Хуҷанд кули кормандони милитсияро бо ин иди касбӣ табрик намуда аз садоқату вафодории касбии ин ҳомиёни ватан сухан кард.
«Дар шаҳри Хуҷанд барои ҳифзи мардум аз ҷинояткорону вайронкунандагони қонун фаъолияти пурсамари мақомоти корҳои дохилаи шаҳр аз он дарак медиҳад, ки заминаҳои аввалини моддӣ барои ҳифзи зиндагии осоиштаи мардум фароҳам оварда шуда, ва дар ин соҳа тадриҷан кадрҳои соҳибмаълумоту ботаҷриба ба воя мерасиданд.

Муфассал... Шарҳ додан

Хуҷандро беш аз 100 ҳазор гулҳои зимистона оро хоҳанд дод.

11 Ноябр 2015

Дар шаҳри Хуҷанд дар асоси нақшаи Мақомоти иҷроияи ҳокимияти давлатии шаҳри Хуҷанд муассисаи кабудизоркунӣ ба нарму побел намудани майдонҳои кӯчаю хиёбонҳои шаҳр ва шинондани гулҳои ба сармо тобовар идома дода истодаанд. Ҳамчунин кормандони ин муассиса барои сари вақт таъмин намудани гулу буттаҳои орошӣ дар фасли баҳори соли оянда ба чидану захира намудани тухмии гулҳои ороишӣ шурӯъ намуданд. Ҳамчунин бо тавсияи мутахассисони соҳаи гулпарварӣ кормандон ҷамъоварӣ намудани решапояи гулҳои орошии баҳоронаи навъи «Кана»-ро дар хандақ низ оғоз намуданд. Ин тадбир ба масъулини кабудизоркунӣ ва гулкории шаҳр имкон медиҳад, ки бе хароҷоти иловагӣ шаҳри бостонии Хуҷандро дар соли оянда низ бо гулҳои ороишии гуногун таъмин намоянд.

Муфассал... Шарҳ додан

Муроҷиати шаҳрвандон ба мақомоти маҳаллӣ дар рӯзи қабул.

(2 овоз, миёна 5.00 аз 5)

08 Ноябр 2015

Бо мақсади баррасӣ ва ҳалли саривақтии мушкилоти сокинони шаҳри Хуҷанд ва иҷроиши дастуру супоришҳои Президенти Ҷумҳурии Тоҷикистон Эмомалӣ Раҳмон дар Мақомоти иҷроияи ҳокимияти давлатии шаҳри Хуҷанд қабули шаҳрвандон баргузор гардид. Дар рӯзи қабул оҳбарони воҳидҳои сохтори мақомоти маҳаллӣ, масъулини соҳаҳои ҳифзи иҷтимоӣ, сохтмон, меъморӣ, шуғли аҳолӣ ва ғайра доири масъалаҳои дахлдори худ бо сокинон сӯҳбату мулоқот гузарониданд.
Ин ҳафта бештари масъалаҳои сокинон марбут ба гирифтани кӯмаки иҷтимоӣ, дастрас намудани масолоҳи сохтмон, таъмин гаштан бо қитъаи замини наздиҳавлигӣ ва баҳсҳои манзилию оилавӣ буд.