АсосӣБойгонӣ

Навгонӣ

Оғози фаъолияти мағозаи «Ҷома» дар шаҳри Хуҷанд.

(3 овоз, миёна 4.33 аз 5)

22 Ноябр 2015

Имрӯз дар маркази вилоят, - шаҳри Хуҷанд боз як маркази савдо ба фаъолият шурӯъ намуд.
Дар маросими ботантанаи ба истифода додани он Раиси шаҳри Хуҷанд Раҷаббой Аҳмадзода иштирок намуд.
Раиси шаҳри Хуҷанд, ки ҳамзамон вазифаи раиси Федератсияи футболи шаҳри Хуҷандро ба зимма дорад, дар оғоз кулли ҳозирон, дӯсторони варзиш ва варзишгарон- футболбозони дастаҳои «Хуҷанд» ва «Истиқлол»-ро ки дар чорабинӣ хузур доштанд бо Рӯзи парчами миллӣ табрик намуда, кушодашавии боз як маркази савдои замонавии фурӯши либосу ашёҳои варзиширо иқдоми нек арзёбӣ намуд.

Муфассал... Шарҳ додан

“Дарёи муҳаббат” оилаи беҳтарини Хуҷандро муайян намуд.

(3 овоз, миёна 4.33 аз 5)

20 Ноябр 2015

Бахшида ба “Соли оила”, ки аз ҷониби Президенти Ҷумҳурии Тоҷикистон Эмомалӣ Раҳмон соли ҷорӣ эълон гашта буд, дар шаҳри Хуҷанд тибқи Қарори Раиси шаҳри Хуҷанд озмун-маҳфили “Дарёи муҳаббат” барои тарғиби арзишҳои оила ва оиладорӣ шурӯъ аз моҳи апрел оғоз гардида буд.
Марҳилаи аввали озмуни номбурда байни кӯчаҳои маҳалла ва маҳаллаҳои шаҳр давоми сол доир гашта, имрӯз 6 оилаи беҳтарин,- ғолибони давраи аввал ҷамъ омада маҳфили шаҳрии “Дарёи муҳаббат”-ро баргузор намуданд.
Дар оғози маҳфил Раиси шаҳри Хуҷанд Раҷаббой Аҳмадзода ҳозиронро бо Рӯзи Парчами давлатӣ табрик намуда, барои иштирокдорони ин озмун, оилаҳои беҳтарини шаҳр комёбӣ орзу намуд.

Муфассал... Шарҳ додан

Табрикоти Раиси шаҳри Хуҷанд ба ифтихори Рӯзи Парчами давлатии Ҷумҳурии Тоҷикистон

(2 овоз, миёна 4.50 аз 5)

19 Ноябр 2015

Ҳамдиёрони азиз!
Дар ин лаҳзаҳои хотирмони таърихӣ, яъне дар остонаи таҷлили ҷашни муқаддаси бисту панҷумин солгарди истиқлолияти Ватани азизамон бо камоли эҳтиром ва самимияти афзун санаи барои ҳар яки мо – тоҷику тоҷикистониён бо маънои томаш бошукӯҳу муқаддас Рӯзи Парчами давлатиро аз номи мақомоти иҷроияи ҳокимияти давлатии шаҳри Хуҷанд табрику муборакбод намуда, бароятон саломатӣ, рӯзгори пурсаодат ва сарбаландиро орзу мекунам.
Парчам ҳанўз аз замонҳои хеле қадим рамзи давлатдорӣ, шукўҳу ифтихор ва нангу номус будааст. Бозёфтҳои бостоншиносӣ, ҳафриёт, навиштаҷот ва деворнигораҳои мухталиф, ки то имрўз боқӣ мондаанд, аз ин гувоҳӣ медиҳанд.

Муфассал... Шарҳ додан

Мусобиқаи варзишӣ бахшида ба Рӯзи Парчам.

19 Ноябр 2015

Бо дастгирии Мақомоти иҷроияи ҳокимияти давлатии шаҳри Хуҷанд ва нақшаи чорабиниҳои Бахши ҷавонон, варзиш ва сайёҳӣ бахшида ба таҷлили Рӯзи парчами давлатии Ҷумҳурии Тоҷикистон санаи 19 ноябри соли 2015 дар толори варзишии «Ҷашнӣ»-и шаҳри Хуҷанд ҷамъбасти мусобиқаҳои шаҳри Хуҷанд оид ба волейбол ва баскетбол, ки давоми моҳҳои октябр ва ноябри соли 2015 байни писарон ва духтарони мактабҳои таҳсилоти миёнаи умумӣ, литсей ва гимназияҳо баргузор гардида буданд ҷамъбаст гардид.
Дар мусобиқаҳои номбурда 70 даста ва зиёда аз 700 нафар хонандагони муассисаҳои таълимии маркази вилоят иштирок намуданд.
Ин мусобиқа бо чунин натиҷаҳо ҷамбаст гардиданд.

Муфассал... Шарҳ додан

Чавгонбозону човандозон маҳорати худро ба эрониён намоиш доданд.

18 Ноябр 2015

Бо ташаббуси Президенти Ҷумҳурии Тоҷикистон яке аз намудҳои варзиши қадимаю суннатии мардуми тоҷик чавгонбозӣ аз нав эҳё мегардад.
Дар оғози соли равон дар шаҳри Хуҷанд бо иштироки сарвари давлат майдони чавгонбозӣ кушода шуда, он барои баргузории мусобиқаи чавгонбозон бо тамоми шароитҳои мавҷуда мавриди истифода қарор дода шуд.
Барои омода гаштани дастаи чавгонбозони вилоят бошад бо дастгирии Раиси вилояти Суғд Абдураҳмон Қодирӣ 6 нафар завқмандони ин намуди варзиши ниёгон дар Ҷумҳурии Исломии Эрон омӯзиши тахассусӣ гузаштанд.