АсосӣБойгонӣ

Навгонӣ

Машқи варзишии пагоҳӣ,- гарави саломатӣ

27 Феврал 2017

Рӯзи шанбеи сипаригашта бо маысади татбиыи тарзи ҳаёти солим, ҷалби васеи омма ба варзиш ҳамчунин мувофиқи ҷадвали тасдиқгардида дар дар назди Муассисаи давлатии «Қасри ҷавонон»-и ба номи Лоиқ Шералӣ машқи пагоҳирӯзӣ барузор гардид.
Дар машқи пагоҳирӯзӣ зиёда аз 100 нафар варзишгарони Муассисаи давлатии «Мактаби варзишии захираҳои олимпӣ»-и шаҳри Хуҷанд ва хоҳишмандону дӯстдорони варзиш иштирок намуданд.
Лозим ба ёдоварист, ки давоми ду соли охир Бахши ҷавонон варзиш ва сайёҳии шаҳри Хуҷанд дар интиҳои ҳар ҳафта рӯзҳои истироҳат дар мавзеҳои серодами маркази вилоят бо кӯмаки мураббиёни мактабҳои варзишии шаҳр барои варзишгарон ва ҷалби оммаи дӯстдорони тарзи ҳаёти солим машқи пагоҳирӯзӣ доир мегардад.

Шарҳ додан

Ғолибон муайян гаштанд

24 Феврал 2017

Дар заминаи фармоиши сардори Раёсати маорифи вилоят аз 12 декабри соли 2016, №273 санаи 21 феврали соли ҷорӣ дар қисми низомии 3501-и қӯшунҳои дохилии ВКД-и Ҷумҳурии Тоҷикистон дар шаҳри Хуҷанд бо мақсади тарғибу ташвиқи ҳисси ватандӯстӣ дар байни хонандагон, таҳкими дӯстӣ, ташвиқоти хизмат дар сафи Қувваҳои Мусаллаҳи Ҷумҳурии Тоҷикистон ва бахшида ба 24-солагиии таъсисёбии Артиши миллии Ҷумҳурии Тоҷи-кистон, истиқболи сазовори Рӯзи ваҳдати миллӣ ва эълон гардидани соли 2017- «Соли ҷавонон» байни хонандагони синфҳои 8-9 уми муассисаҳои таълимии вилоят даври вилоятии озмуни ҳарбӣ- варзишии «Ватанпарвар» баргузор гардид.
Дар озмун ғолибони даври минтақавӣ аз шаҳру ноҳияҳои Истаравшан, Конибодом, Бобоҷон Ғафуров, Мастчоҳ, Деваштич ва Ҷаббор Расулов иштирок намуданд.

Муфассал... Шарҳ додан

Артиши миллӣ нерӯи бузурги ҳимояи марзу бум

24 Феврал 2017

Ба ифтихори 24-умин солгарди таъсисёбии Қувваҳои мусаллаҳи Ҷумҳурии Тоҷикистон дар толори маҷлисгоҳи Донишкадаи политехникии Донишгоҳи техникии Тоҷикистон ҷамъомади тантанавӣ бо иштироки устодон ва шогирдон доир гардид.
Директори донишкада Дилафрӯз Саидӣ аҳли нишастро бо ин санаи фархунда шодбош намуда, аз ҷумла таъкид дошт, ки Артиши миллии кишвар дар шароити ҳассос ва мушкили кишвар арзи ҳастӣ намуда, бо шарофати ғамхорӣ ва дастгирии пайгиронаи Асосгузори сулҳу ваҳдати миллӣ- Пешвои миллат, Сарфармондеҳи Олии Қувваҳои Мусаллаҳ - Президенти Ҷумҳурии Тоҷикистон мӯҳтарам Эмомалӣ Раҳмон бо гузашти 24 сол ба нерӯи бузурги ҳимояи марзу бум табдил ёфтааст. Ва оромии ҷомеа ба маҳорату мардонагии фарзандони шуҷои миллат вобастагии калон дорад.

Муфассал... Шарҳ додан

Ахтарони ватанпарвар

24 Феврал 2017

Санаи 17 феврал дар Гимназияи №4-и шаҳри Хуҷанд бахшида ба Рӯзи Қувваҳои Мусаллаҳи Ҷумҳурии Тоҷикистон озмуни бошукӯҳи «Ватанпарвар» доир гардид. Дар рафти чорабинӣ таҳти сарварии раиси созмони талабагӣ Роҳат Умарова 120 нафар толибилмони беҳтарин ба сафи Созмони талабагӣ, зинаи Ахтарон қабул карда шуданд.
Яке аз бахшҳои асосии чорабиниро хондани суруди зинда ва қироати шеър дар васфи Ватан, сулҳу ваҳдат ва озодию истиқлолият ташкил дод. Дар ин бахш ҳамагӣ 10 нафар хонандагони болаёқат – Сарваршоҳ Раҷабов, Шоҳрӯз Дилшодӣ, Муҳаммад Зоидов, Муҳаммад Иброҳимов, Гулноза Юсуфова, Азиза Арипова, Малика Каримова, Малоҳат Саиднабиева фаъолона ширкат варзида, маҳорати баланд нишон доданд.

Муфассал... Шарҳ додан

Чорабиниҳои идона дар қисмҳои низомии шаҳри Хуҷанд.

23 Феврал 2017

Имрӯз бахшида ба 24 солагии таъсисёбии Артиши Миллии Ҷумҳурии Тоҷикистон дар тамоми қисмҳои низомии дар шаҳри Хуҷанд ҷойгир буда чорабиниҳои тантанавӣ баргузор гашт.
Аз ҷумла чунин як тантанаи пуршукӯҳи идона дар қисми низомии 3501 Қӯшунҳои дохилии Вазорати корҳои дохилии Ҷумҳурии Тоҷикистон доир гардид.
Дар қисмати расмӣ тамоми сарбозону афсарони дар майдони низомӣ ҷамъомадаро муовини аввали Раиси шаҳри Хуҷанд Хайрулло Ғайбуллозода аз номи Раиси шаҳри Хуҷанд Шарифзода Шариф Файз табрик намуд. Ҳамчунин фармондеҳи қисми низомии 3501 Насриддин Умарзода доири омодагии ҳамешагии ҳайати ин қисми низомӣ сухан гуфта, барои эътибору таваҷҷӯҳ ва дастгирии ҳамаҷониба ба Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон изҳори сипосмандӣ намуд.