АсосӣБойгонӣ

Навгонӣ

Табрикоти Раиси шаҳри Хуҷанд Раҷаббой Аҳмадзода бахшида ба Соли Нави 2015

(2 овоз, миёна 5.00 аз 5)

30 Декабр 2014

Ҳамшаҳриёни азиз ва меҳмонони Хуҷандшаҳр!
Мо бо соли 2014-уми мелодӣ, ки дар хотири мардуми Тоҷикистон ҳамчун соли ҷашнҳо, комёбиҳои бузург ва хоса амалӣ гардидани ҳадафҳои неки бунёдкорона ва дастовардҳои навбатии давлати соҳибистиқлоламон нақш хоҳад баст, хайрбод мегӯем ва Соли нави 2015 – уми мелодиро бо умеду орзуҳои нек ва нияту нақшаҳои нави созанда истиқбол мегирем.
Дар ин лаҳзаҳои идона ҳамаи мардуми шарифу сарбаланди Хуҷанди бостонӣ ва тамоми сокинонро бо фарорасии соли нави 2015-уми мелодӣ, яъне соли идомаи корҳои созандагиву ободкорӣ ва амалӣ гардидани орзуву ормонҳои халқи тоҷик самимона табрик гуфта, ба ҳар кадоми шумо сиҳатмандиву рӯзгори осуда, бахти пояндаву иқболи нек ва зиндагии пурфайзу бобаракат орзу менамоям.

Муфассал... Шарҳ додан

Раиси шаҳри Хуҷанд дар чорабинии солинавии муассисаҳои иҷтимоӣ.

(1 овоз, миёна 5.00 аз 5)

30 Декабр 2014

Раиси шаҳри Хуҷанд дар чорабиниии солинавии мактаб-парваришгоҳи махсуси ёрирасон ва Хонаи пиронсолон ва маюбони шаҳри Хуҷанд иштирок намуд.
Дар оғоз Раиси шаҳри Хуҷанд дар мактаб-парваришгоҳ бо тарбиятгирандагони ин муасссиса мулоқоти самимӣ анҷом дода, кулли ҳозиронро бо фарорасии соли нави мелодӣ самимона табрик намуд. Бо қувваи худи кӯдакони имконияташон маҳдуд ва кӯмаки мураббиён барномаи ҷолиби солинавӣ ба иштирокдорони чорабинӣ манзур гардид. Лозим ба қайд аст, ки бори нахуст дар барномаи солинавӣ толибилмони имконияти шунавоияшон суст иштирок намуда маҳорати худро намоиш доданд.
Раҷаббой Аҳмадзода ба ҳамаи қудакони ҳузурдошта тӯҳфаҳои солинавӣ супорида барои таҳсилу ҳаёти минбаъдаашон комёбӣ орзу намуд.

Муфассал... Шарҳ додан

Ғолибони озмуни «Соли ободонӣ ва гулзоркунӣ» муайян шуданд.

(1 овоз, миёна 5.00 аз 5)

27 Декабр 2014

Дар асоси Қарори Раиси шаҳри Хуҷанд Раҷаббой Аҳмадзода аз санаи 17 феврал бахшида ба 20-солагии Рӯзи қабули Конститутсияи (Сарқонуни) Ҷумҳурии Тоҷикистон дар шаҳри Хуҷанд озмуни «Соли ободонӣ ва гулкорӣ» эълон шуда буд. Тибқи низомномаи озмуни номбурда дар озмун корхонаю ташкилотҳо ва муассисаҳо новобаста аз шакли моликият маҳалла ва кӯчаҳои шаҳр имкони иштирок намудан доштанд.
Дар маҷлиси фаъолон,к ибо иштироки Раиси шаҳри Хуҷанд Раҷаббой Аҳмадзода гузашт, муовини аввали Раиси шаҳри Хуҷанд Иброҳим Иброҳимов доири натиҷаҳои озмун ба ҳозирон маълумот дода қайд намуд, ки озмуни ба ҳадафи асосии худ, ки вусъат бахшидан ба корҳои ободонӣ ва гулзоркунии шаҳр ва тарғиби завқи зебоипарастии сокинон буд, ноил гашт.
Аз рӯи меъёрҳои муқарраргардидаи низомномаи озмун дар байни муассисаҳои шаҳр Беморхонаи шаҳрии №2, Корхонаи воҳидии

Муфассал... Шарҳ додан

Номи Мунзифа Ғаффорова ба кӯчаи нави шаҳр гузошта шуд.

(1 овоз, миёна 5.00 аз 5)

27 Декабр 2014

Раиси шаҳри Хуҷанд Раҷаббой Аҳмадзода ва муовини Раиси вилояти Суғд Хайрулло Амонулло бо ҳамроҳии сокинони маҳаллаи «Ваҳдат» дар расми гузоштани лавҳаи хотиравӣ ва номгузорӣ намудани номи яке аз кӯчаи навбунёди маҳаллаи «Ваҳдат», микроноҳияи 29-и соҳили рости шаҳри Хуҷанд ба номи аввалин доктори илми фалсафа байни занон, профессор ва ходими давлатӣ Мунзифа Ғаффорова иштирок намуданд.
Доири номгузории кӯча ба номи номбурда ва гузоштани лавҳаи хотиравӣ Қарори Маҷлиси вакилони халқи шаҳри Хуҷанд, даъвати IV-ум аз 25 сентябри соли 2014, №279 ба тавсиб расида буд.
Раиси шаҳри Хуҷанд доири хизматҳои арзандаи ин шахси накӯном ва соҳибэҳтиром ҳарф зада, таъкид намуд, ки хизматҳои архандаи чунин шахсон, ки дар пешбурди илми кишвар таҳкими заминаҳои он ҳанӯз дар нимаи аввали садаи бистум баланд бардоштани эътибори зани тоҷик ба таври алоҳида қайд намуд.

Муфассал... Шарҳ додан

Шахсони барӯманд «Шаҳрванди фахрии шаҳри Хуҷанд» гаштанд.

(1 овоз, миёна 5.00 аз 5)

27 Декабр 2014

Бо қарори Раиси шаҳри Хуҷанд барои хизматҳои шоиста, фаъолияти пурсамари меҳнатию ташкилотчигӣ дар ҳаёти ҷамъиятию сиёсӣ, илм ва маориф, тарбияи ҷавонон дар руҳияи ватандӯстию ватанпарастӣ ва иштироки фаъолона дар ҳаёти ҷамъиятии шаҳр ходими ҳизбӣ ва давлатӣ Ҳасанов Олимҷон Толибҷонович, олим ва мураббӣ Назаров Абдушукур Абдураҳимович, ходими давлатӣ ва сиёсӣ Қурбонов Юсуф Ҳоҷибоевич муҳақиқ ва муаррихи шинохта Турсунов Назирҷон Очилович ва ходими давлатию ҳизбӣ Ҳасанова Шуҷоат Ҳасановна ба унвони ифтихории «Шаҳрванди фахрии шаҳри Хуҷанд» сазовор дониста шуданд.
Имрӯз дар ҳузури вакилони Маҷлиси вакилони халқи шаҳри Хуҷанд ва фаъолон Раиси шаҳри Хуҷанд Раҷаббой Аҳмадзода ба номбурдагон Шаҳодатномаи ин унвони ифтихориро супорида, бо соли нави мелодӣ табрик намуд ва ба ҳамаи онҳо тансиҳатию давлати бегазанд орзу намуд.