АсосӣБойгонӣ

Навгонӣ

Иҷлосия навбатии маҷлиси вакилони шаҳри Хуҷанд баргузор гардид

11 Июн 2016

Имрӯз дар маҷлисгоҳи Мақомоти иҷроияи ҳокимияти давлатии шаҳри Хуҷанд иҷлосияи шашуми Маҷлиси вакилони халқи шаҳри Хуҷанд, даъвати панҷум баргузор гардид.
Дар он иҷрокунандаи вазифаи Раиси шаҳри Хуҷанд Шарифзода Шариф Файз, муовини Раиси вилояти Суғд Назира Ғаффорӣ ширкат намуданд.
Иҷлосияро муовини Раиси шаҳри Хуҷанд Умедахон Муродӣ ифтитоҳ намуда, ба маълумоти вакилон ва иштирокдорони иҷлосия расонд, ки аз 39 нафар вакилон 34 нафар ҳозиранд, ки барои оғози кори ҷаласа имконият медиҳад.
Баъди тасдиқи ҳайати котибот ва рӯзномаи иҷлосия, ки иборат аз 8 масъала буд, намояндагони мардум ба баррасии масъалаи якуми рўзнома «Оид ба рафти иҷрои Амри Президенти Ҷумҳурии Тоҷикистон аз 24 феврали соли 2016, АП 681 “Дар бораи шаҳр, ноҳия, шаҳрак, деҳот, деҳа, маҳаллаи беҳтарин, хона ва оилаи намунавӣ дар Ҷумҳурии Тоҷикистон” муовини Раиси шаҳри Хуҷанд Умеда Муродӣ баромад намуд.

Муфассал... Шарҳ додан

Вохӯрӣ бо раиси Кумитаи бонувони ҷумҳур

10 Июн 2016

Дар толори Мақомоти иҷроияи ҳокимияти давлатии шаҳри Хуҷанд вохӯрии бонувони фаъоли шаҳри Хуҷанд бо раиси Кумитаи кор бо занон ва оилаи назди Президенти Ҷумҳурии Тоҷикистон Қосимзода Идигул Тағо баргузор гардид, ки дар он сардори Раёсати кор бо занон ва оилаи Мақомоти иҷроияи ҳокимияти давлатии вилояти Суғд Нодира Мирзозода иштирок дошт.
Муовини Раиси шаҳр Бурҳонзода Умеда Муродӣ вохӯриро бо сухани ифтитоҳӣ оғоз бахшида, изҳор дошт, ки тибқи нақшаи Кумитаи кор бо занон ва оилаи назди Президенти Ҷумҳурии Тоҷикистон мулоқоти раиси кумита бо бонувони шаҳри Хуҷанд доир мегардад ва меҳмони олиқадрро ба Хуҷанди бостонӣ хайрамақдам гуфта, риштаи суханро ба Идигул Қосимзода дод.
Мавсуф аз пазироии гарми сокинони Хуҷандшаҳр изҳори сипос намуда, хушҳолӣ кард, ки чеҳраҳои намоёну шинохтаи ҷумҳуриро дар ин толор мебинад.

Муфассал... Шарҳ додан

Шариф Шарифзода Файз раиси Шӯрои шаҳрии Ҳаракати ҷамъиятии Ваҳдати миллӣ ва эҳёи Тоҷикистон интихоб шуд

10 Июн 2016

Дар Маркази фарҳанги шаҳри Хуҷанд ҷаласаи навбатии Шӯрои шаҳри Хуҷандии Ҳаракати ҷамъиятии Ваҳдати миллӣ ва эҳёи Тоҷикистон баргузор гардид.
Кори он таҳти рёсати муовини раиси шаҳр Муродӣ Умедахон Бурҳонзода гузашт. Мавсуф қабл аз оғози ҷаласа ҳозиринро аз фавти ходими давлатию ҷамъиятӣ, нахуст президенти Ҷумҳурии Тоҷикистон Қаҳҳор Махкамов дар синни 84 солгӣ хабардор карда, таклиф намуд, ки хотираи некаш бо лаҳзае оромӣ пос дошта шавад.
Нахуст масъалаи ташкилӣ баррасӣ шуд. Раиси Шӯрои шаҳрӣ Раҷаббой Аҳмадзода бинобар гузаштан ба кори дигар аз вазифаи раиси Шӯрои шаҳрии Ҳаракати ҷамъиятии Ваҳдати миллӣ ва эҳёи Тоҷикистон озод ва ба ҷойи ӯ Раиси шаҳри Хуҷанд Шариф Шарифзода Файз бо як овоз интихоб шуд.

Муфассал... Шарҳ додан

Дурнамои макроиқтисодӣ ва ҷойгиркунии оқилонаи қувваҳои истеҳсолкунанда

10 Июн 2016

Дар Донишкадаи иқтисод ва савдои ДДТТ бо иштироки ҳайати васеи меҳмонони олиқадр, профессорон, омӯзгорон ва донишҷӯён конфронси байналмилалии илмӣ-амалӣ бахшида ба 25-солагии Истиқлолияти давлатии Ҷумҳурии Тоҷикистон дар мавзӯи “Дурнамои макроиқтисодӣ ва ҷойгиркунии оқилонаи қувваҳои истеҳсолкунанда” баргузор гардид.
Директори Донишкадаи иқтисод ва савдои ДДТТ д.и.и., профессор Инъомҷон Аминов ба кори конфронс ҳусни оғоз бахшида, меҳмонони арҷманд ва аҳли нишастро ба донишкада хайрамақдам гуфт. Муовини Раиси вилояти Суғд Назира Ғаффорӣ зимни суханронии хеш меҳмонони аз хориҷи кишвар ташрифовардаро ба Суғди бостонӣ шодбош гуфт ва имкониятҳои иқтисодиву тиҷоратии вилоятро тавассути намоишномаи таҳияшуда дар баромади хеш манзури ҳозирин намуд.

Муфассал... Шарҳ додан

Шарифзода Шариф Файз раиси Шӯрои ҷамъиятии шаҳр интихоб гардид.

08 Июн 2016

Имрӯз ҷаласаи навбатии Шӯрои ҷамъитии шаҳри Хуҷанд баргузор гардид.
Кори ҷаласаро муовини Раиси шаҳри Хуҷанд, муовини Раиси Шӯрои ҷамъиятӣ Умеда Муродӣ оғоз намуда ба ҳозирон иттилоъ дод, ки аз 14 нафар аъзоёни Шӯро 13 нафар нафар иштирок доранд.
Аъзоён масъалаҳои барои баррасӣ пешниҳод намударо иборат аз се банд,- тасдиқи ваколати аъзои Шӯрои ҷамъиятӣ, ки намояндаи худро дар Шӯрои ҷамъиятӣ иваз намудаанд, рафти иҷрои Қарори Раиси шаҳри Хуҷанд аз 27.01.2015, №78 «Дар бораи амалӣ намудани нақша-чорабиниҳои «Барномаи рушди туризм дар Ҷумҳурии Тоҷикистон дар давраи солҳои 2015-2017» ва татбиқи Барномаи вилоятии «Соли 2016-Соли маҳалла, деҳа ва шаҳраки обод» дар маҳаллаҳои шаҳр баррасӣ намуданд.

Муфассал... Шарҳ додан