АсосӣБойгонӣ

Навгонӣ

Шиносоӣ бо ҷараёни мумфаршкунии кӯчаи Себзор

(2 овоз, миёна 4.50 аз 5)

04 Июл 2013

Дирӯз Раиси вилояти Суғд, мӯҳтарам Қоҳир Расулзода ҳамзамон бо ҷараёни таъмиру мумфаршкунии кӯчаҳои ба номи Хуҷанд ва Себзори шаҳри Хуҷанд шинос шуд.

Қоҳир Расулзода аз ҷараёни сусти корҳо интиқод намуд. Раиси вилоят барои анҷоми босифати корҳо супориш дода, таъкид дошт, ки корҳоро дар мӯҳлатҳои пешбинишуда ба сомон расонанд.

Хотиррасон менамоем, ки бо дастгирии ҳамаҷонибаи Мақомоти иҷроияи ҳокимияти давлатии вилоят корҳои мумфаршкунии роҳҳои мошингарди шаҳри Хуҷанд имсол вусъати тоза гирифта, ба ҳусни шаҳр зебоии дигаре зам менамояд.

Муфассал... Шарҳ додан

Боздид аз рафти сохтмони кӯдакистони президентӣ

03 Июл 2013

Раиси вилоят ба мақомоти дахлдори вилоятӣ супориш дод, ки барои ишғоли вазифаи роҳбари кӯдакистон миёни кормандони ташкилоту муассисаҳо озмун эълон карда шавад.Мувофиқи нақша дар боғча тамоми шароити зарурӣ муҳайё мегарданд. Дар ин ҷо майдончаҳои гуногуни истироҳативу варзишӣ, толорҳои компютерӣ, рақсӣ, утоқҳои муҷаҳҳаз бо лавозимоти маишии кӯдакон, ошхонаву хонаи тиббии муосир ва ғайра ташкил карда мешаванд.Зимни сафари кории худ ба вилояти Суғд Сарвари давлат Эмомалӣ Раҳмон аз ин иншоот дидан карда, пешниҳод намуд, ки бо истифода аз технологияҳои пешқадами бинокорӣ ва масолеҳи сабуки сохтмонӣ ошёнаи сеюми ин биноҳо сохта шавад. Ин имконият медиҳад, шумораи кӯдаконе, ки муассиса метавонад қабул намояд, то ба 1000 нафар расонда шавад.Тавре иттилоъ дода шуд, ин иншоот, ки бо номи боғчаи бачагонаи инноватсионии президентӣ ёд мешавад, бо маблағгузории Мақомоти иҷроияи ҳокимияти давлатии вилоят сохта мешавад. Ҳудуди боғчаи мазкур 3 гектарро фаро гирифта, он ба яке аз калонтарин муассисаҳои томактабии вилоят табдил хоҳад ёфт.

Муфассал... Шарҳ додан

Тани сиҳат - тоҷи давлат: Fамхорӣ ба модару кӯдак

01 Июл 2013

Яке аз самтҳои муҳими соҳаи иҷтимоӣ нигаҳдории тандурустӣ аст. Саломатии миллат сарвати бебаҳост, ки тавоноии давлатро бидуни он тасаввур кардан ғайриимкон мебошад. Аз ин рӯ, Ҳукумати Ҷумҳурии Тоҷикистон ба рушду тараққиёти ин соҳа таваҷҷӯҳи хоса зоҳир намуда, баҳри ғанӣ гаштани базаи моддӣ ва техникии он пайваста ғамхорӣ менамояд.

Таваллудхонаи шаҳрии Хуҷанди бостонӣ яке аз чунин муассисаҳои тиббӣ буда, дар он ҷо давомдиҳандагони насли инсонӣ чашм ба олами ҳастӣ мекушоянд. Тифлакони дӯстрӯй ба дунё омада, бо ҳастии худ кулбаеро равшан, кошонаеро пур аз шодию фараҳ мегардонанд.

Муфассал... Шарҳ додан

Истироҳатгоҳи назди мактабӣ: Таътил хуш мегузарад

02 Июл 2013

Имрӯзҳо омӯзгорону толибилмони мактаби таҳсилотии миёнаи умумӣ, литсею гимназияҳо соли хониши 2012-2013-умро бо муваффақият ҷамъбаст намуда, ба истироҳат баромадаанд. Яке онро дар осоишгоҳ мегузаронад, дигаре бо хушсифат таъмир намудани хонаву макони зисташ машғул мебошад. Наврасон бошанд ба корҳои хона ба волидайнашон кӯмак мерасонанд. Қисме аз хонандагони мактабҳо дар истироҳатҳои берун аз шаҳр ё назди дабиристон истироҳат менамоянд.

Маъмурияти гимназияи «Ганҷ» низ бо мақсади хушу хотирмон гузаштани таътили тобистонаи хонандагон дар назди таълимгоҳ истироҳатгоҳ бо номи «Ганҷина» ташкил карданд. Имрӯз дар он 20 нафар хонандагони синфҳои 1-5-ум фароғат мекунанд.

Муфассал... Шарҳ додан

Муаррифии китоби нав: Адабиёти форсизабони Чин

30 Июн 2013

Таҳти чунин унвон китоби навбатии докторанти Донишгоҳи давлатии Хуҷанд ба номи академик Б.Fафуров Низомиддин Муродӣ ба дасти хонандагон расид. Китоби мазкур, ки ҷилди нахустин буда, тадқиқоти аввалин перомуни адабиёти форсизабони Чин ва таъсири бузургони адаби форсу тоҷик ба адабиёти классикии уйғур мебошад, бо теъдоди 150 нусха дар Муассисаи нашриявии «Ирфон»-и Вазорати фарҳанги Ҷумҳурии Тоҷикистон омода ва дар матбааи «Ношир»-и шаҳри Хуҷанд интишор шудааст.

Ба хотири муаррифии китоби нав дар толори Кохи матбуот бо иштироки аҳли илму адаб маҳфили музайяне доир гардид. Ноиб-ректор оид ба илми ДДХ ба номи академик Б.Fафуров, доктори улуми филология, профессор Матлубахон Хоҷаева дар ибтидои маҳфил зикр намуд, ки воқеан, докторант Низомиддин Муродӣ аз олимони хеле пурсамар ва лаёқатманд маҳсуб мешаванд.

Муфассал... Шарҳ додан