АсосӣБойгонӣ

Навгонӣ

Се кӯчаи маҳаллаи «Сари баландӣ» пурра мумфарш мешавад.

30 Октябр 2015

Маҳз бо ҳидояту роҳнамоии Президенти Ҷумҳурии Тоҷикистон Эмомалӣ Раҳмон маркази вилояти Суғд, шаҳри Хуҷанди бостонӣ боз ҳам ободтару зеботар мегардад. То интиҳои ҳафтаи кӯчаҳои «Бӯстон», «Таги сада» ба номи Сайфи Қозиев ва Эшони Шайдои шаҳр пурра мумфаршу таъмир мегарданд.
Дар оғози корҳои таъимру мумфаршкунӣ Раиси шаҳри Хуҷанд Раҷаббой Аҳмадзода иштирок намуда, бо сокинони маҳаллаи «Сари баландӣ», ки бештари кӯчаҳои номбурда дар маҳаллаи мазкуранд, сӯҳбат намуд.
«Мувофиқи дастуру супоришҳои Ҷаноби Олӣ, мӯҳтарам Эмомалӣ Раҳмон, корҳои ободонӣ ва таъмири кӯчаҳои маҳаллаҳои шаҳр идома дорад. Ҳоло мо ният дорем бо истифода аз имконоту ҳавои мусоид корҳои мумфаршкуниро идома диҳем», қайд намуд Раиси шаҳри Хуҷанд.

Муфассал... Шарҳ додан

Иҷлосия сеюми вакилони шаҳри Хуҷанд баргузор гардид.

30 Октябр 2015

Имрӯз дар Маҷлисгоҳи Мақомоти иҷроияи ҳокимияти давлатии шаҳри Хуҷанд иҷлосияи навбатии вакилони мардумӣ баргузор гардид.
Иҷлосияи сеюми вакилон халқ, даъвати панҷумро Раиси Маҷлиси вакилони халқи шаҳри Хуҷанд Раҷаббой Аҳмадзода ифтитоҳ намуда, иттилоъ дод, ки аз 40 нафар вакилон 35 нафар дар кори ҷаласа ширкат намуда, 5 нафар нафар бо сабабҳои узрнок ҳозир нестанд. Ҳамчунин ба иҷлосия роҳбарони воҳидҳои сохтории мақомоти иҷроияи ҳокимияти давлатии шаҳр, мақомоти ҳифзи ҳуқуқ, ташкилоту муассисаҳои шаҳрӣ, муассисаҳои таълимӣ, раисони кумитаи маҳаллаҳо, имом хатибони масҷидҳои ҷомеаи шаҳр, сохторҳои корхонаи воҳиди давлатии коммуналии «Сарраёсати ободонӣ ва хоҷагии манзилию коммуналӣ»-и шаҳр, намояндагони воситаҳои ахбори умум даъват шуда буданд.

Муфассал... Шарҳ додан

Таъмири роҳҳои Хуҷанд идома дорад.

28 Октябр 2015

Дар асоси дастуру ҳидоятҳои Президенти Ҷумҳурии Тоҷикистон Эмомалӣ Раҳмон маркази вилоят,-шаҳри Хуҷанди бостонӣ боз ҳам ободтару зеботар мегардад.
Давоми ҳафтаи равон чанде аз маҳаллаҳои шаҳр ва кӯчаҳои он мумфаршу таъмир мегарданд.
Давоми ҳафтаи равон дар маҳаллаи «Суғдиён» боз 1200 метри квадратӣ рохи байни биноҳои истиқоматӣ пурра мумфарш гардид. Дар баробари роҳсозон роҳи нақлиётгард ва пиёдагарди маҳалларо, ки ба яке аз шоҳроҳҳои асосии Хуҷанд хиёбони ба номи Р. Ҳоҷиев мепайвандад, аз таъмири ҷорӣ бароварданд. Роҳсозони идораи «Суғдроҳ» давоми ду рӯз беш аз як километри роҳро тахту ҳамвор намуда, онро аз таъмири ҷории хушсифат бароварданд.

Муфассал... Шарҳ додан

«Қоғази тоҷик» заминаҳои рушди устувор дорад.

29 Октябр 2015

Раиси шаҳри Хуҷанд Раҷаббой Аҳмадзода дар доираи силсилаи боздиди кории худ аз чанд корхонаҳои саноатӣ ва истеҳсолии маркази вилоят ба корхонаҳои либосдӯзӣ ва коркарду истеҳсоли қоғаз омад. Коргоҳҳои номбурда ба соҳибкори инфиродӣ Раҳимов мутаалиқ буда, давоми се сол фаъолияти пурмаҳсул доранд. Дар сехи дӯзандагии корхона 12 нафар ҳамарӯза ба дӯхтани либоси варзишӣ машғуланд. Музди маоши миёнаи кормандон 800 сомониро ташкил медиҳад. Дар сехи дӯзандагӣ дар як рӯз то 200 дона либоси варзишӣ омода мегардад.
Иктидори моҳона бошад ба омода намудани 1,5 хазор дона либоси варзишӣ мерасад. Айни замон маҳсулоти дӯзандагони ин коргоҳро дар асоси шартнома ба шаҳри Маскави Федератсияи Руссия содир мегардад.

Муфассал... Шарҳ додан

Хатти нави технологӣ боз 36 нафарро бо ҷойи корӣ таъмин намуд.

28 Октябр 2015

Корхонаи ЧДММ «Ҷавонӣ» бо иқдому дастгирии Президенти Ҷумҳурии Тоҷикистон Эмомалӣ Раҳмон ва ҳукумати кишвар чун яке аз корхонаҳои саноатии пуриқтидори шаҳри Хуҷанд маҳсуб ёфта, дар баробари фаъолияти мунтазам бо насби воситаҳои техникии истеҳсолӣ сифати маҳсулоти худро боло мебарад.
Ин нуктаи муҳим ҳангоми боздиди кории Раиси шаҳри Хуҷанд Раҷаббой Аҳмадзода аз коргоҳи номбурда аз ҷониби роҳбарияти корхона зикр гардид. Давоми як ҳафта инҷониб дар сехи рангубордиҳӣ хатти технологии рангдиҳии худкори ширкати «ОМИ»- Италия мавриди истифода қарор дошта, барои афзун гаштани ҳаҷми истеҳсолот мусоидат менамояд. Ин хатти технологӣ аз ҷониби коргоҳ ба маблағи 500 ҳазор доллари Амрико харидорӣ гашта, иқтидори он ба рангдиҳии 5 ҳазор дона шим дар як шабонарӯз мерасад.