АсосӣБойгонӣ

Навгонӣ

Озмуни «Калидчаи заррин» ҷамъбаст гардид

28 Июн 2016

Бо мақсади бештар ба роҳ мондани таълиму тарбияи ҳунарӣ дар муассисаҳои таҳсилоти томактабӣ, рушди қобилиёти фикрӣ, ақлӣ, тарбияи зебоипарастӣ, парвариши меҳру муҳаббати кӯдакон нисбат ба шеъру сухан, маҳорати эҷодӣ, инкишоф додани кори ташфиқоту тарғиботӣ оиди бехатарӣ аз сӯхтор ва дар сатҳи арзанда омода намудани кӯдакон ба мактаб дар кӯдакистони №9 озмуни шаҳрии «Калидчаи заррин» баргузор гардид.
Озмун аз рӯи шартҳои зерин: саломномаи дастаҳо, эстафета байни дастаҳо – «Ки сӯхторро тезтар хомӯш мекунад?», саҳнача дар мавзӯи «Оташ дӯст ва душмани инсон», саволу ҷавоб тавассути тестҳо ва суруди умумӣ оид ба бехатарӣ аз сӯхтор гузаронида шуд. Дар озмун 48 нафар тарбиятгирандагон аз муассисаҳои таҳсилоти томактабии №31,9,18 ва 33 бо номи дастаҳои «01», «Сипар», «Далерон» ва «Ҷасур» байни ҳам қувваозмоӣ намуданд.

Муфассал... Шарҳ додан

Ваҳдат ва нақши он дар осоиштагии ҷомеа

28 Июн 2016

Дар толори маҷлисгоҳи Донишкада бо иштироки ҳайати васеи профессорон, устодон, донишҷӯён ва кормандони муассиса бахшида ба таҷлили 19-умин солгарди Рӯзи Ваҳдати миллӣ конфронси илмӣ-амалӣ баргузор гардид. Конфронсро директори Донишкада, доктори илми иқтисод, профессор Иномҷон Аминов ифтитоҳ карда, оид ба аҳамият, ҷабҳаҳои омӯзиш ва ҳифзу гиромидошти Ваҳдати миллии тоҷикон, ки санаи 27-уми июни соли 1997 бо ба имзорасии Созишномаи истиқрори сулҳ ва ризоияти миллӣ ба даст омадааст, ибрози андеша намуд.
Мудири шуъбаи рушди иҷтимоӣ ва робита бо ҷомеаи Мақомоти иҷроияи ҳокимияти давлатии шаҳри Хуҷанд Каримов М. табрикоти Раиси шаҳри Хуҷанд Шарифзода Шариф Файзро ба аҳли Донишкада иброз намуд. Номбурда перомуни аҳамияти Рӯзи Ваҳдати миллӣ фикрронӣ карда, дар ин раванд хизматҳои шоён ва бузурги Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмонро шоистаи таҳсин ва арҷгузорӣ арзёбӣ намуд.

Муфассал... Шарҳ додан

Танатанаи Иди Ваҳдат дар Кохи Рӯдакӣ

27 Июн 2016

Субҳи имрӯз дар Кохи ба номи Рӯдакии маркази вилоят ҷамъомади идона бахшида ба 19-умин солгарди Ваҳдати миллӣ бо иштироки аҳли ҷамоатчигии шаҳр ва собиқадороони меҳнату аҳли зиё баргузор шуд.
Раиси шаҳри Хуҷанд Шарифзода Шариф Файз бо маърӯзаи идона баромад карда, аз нақш ва мақоми Ваҳдати миллиро дар рушду нумӯи соҳаҳои хоҷагии халқ зикр намуда, гуфт, ки «маҳз ба ба имзо расидани Созишномаи умумии истиқрори сулҳ ва Ваҳдати миллӣ санаи 27 июни соли 1997 оташи ҷаги бародаркуш басанда гардид ва сулҳи деринтизор ба диёри мо омад».

Муфассал... Шарҳ додан

Гузашти айём

(1 овоз, миёна 5.00 аз 5)

28 Июн 2016

Дирӯз бойониамро варақгардон кунам, ин сурат пайдо шуд. Ва тамошои он хотироти маро ба солҳои вазнини 90-уми қарни гузашта бурд. Он солҳо камина дар шӯъбаи «Ҳаёти Советҳо»-и рӯзномаи вилоятии «Ҳақиқати Ленинобод» ба сифати мухбири шӯъба- масъули инъикоси ҳаёти ҷавонон бо ҳамроҳиии устоди зиндаёд, муаррихи маъруфи тоҷик Ҳасанбой Шарифов кор мекардам. Дар ин сурат як лаҳзаи таърихӣ акс ёфтааст. Моҳи майи соли 1993 роҳбари Фронти халқии Тоҷикистон Сафаралӣ Кенҷаев ба Хуҷанд омада дар идораи рӯзнома оид ба вазъи сиёсии кишвар бо журналистони расонаҳои хабариии ватанию хориҷӣ мусоҳиба ороста буд. Суратгири зиндаёд Шариф Мамадҷонов ин лаҳзаро аккосӣ карда ба ман низ як сурат дода буд.
Шӯъбаи моро он шабу рӯзҳо шӯъбаи сиёсӣ ҳам гӯем хато намешуд. Зеро, робитаи кории мо бо Ҳукумати вилоят сахт қавӣ ва тақозои вазифа бо ҳар гуна масъалҳои мубрами онвақтаина сару кордор мешудем.

Муфассал... Шарҳ додан

Таътили хонандагони Гимназияи № 4 бомаърифат мегузарад.

24 Июн 2016

Дар муассисаҳои таълимии шаҳри Хуҷанд давраи таътили тобистона барои муҳассилини худ чорабиниҳои мухталиф баргузор менамоянд.
Ҳайати омӯзгорон гимназияи № 4 қарор доданд дар таътили хонндагон робитаи худро бо хонандагони худ нигоҳ дошта, фаъолияти китобхонаи мактабро ҷоннок намоянд. Тибқи нақшаи тасдиқгардида минбаъд хонандагони ин муассисаи таълимӣ имкон доранд аз адабиётҳои бадеӣ ва мактабӣ истифода баранд.
Назар ба маълумоти роҳбарияти мактаб то имрӯз асосан хонандагони синфҳои аз 2 то 11 чун хонандагони фаъол ба қайд гирифта шуда аз китобҳои ҳам дарсӣ ва ҳам бадеӣ истифода мебаранд.
Дар китобхонаи мактаб то имрӯз теъдоди китоб китобҳои дарсӣ зиёда аз 32230 дона, китобҳои дарсӣ бо забони русӣ 7601 дона, китобҳои тозанашр бо забони русӣ 690 дона, китоби бадеи бо забони тоҷикӣ чопи замони шӯравӣ 989 дона, давоми 15 соли охир ба дасти хонандагон расида 260 дона буда, ҳар сол хонандагон ва омӯзгорон ба зиёда аз 52 номгӯи мачаллаву рӯзномаҳо обуна мешаванд.