АсосӣБойгонӣ

Навгонӣ

Раиси шаҳр дар Иди Наврӯзи Хонаи пиронсолон иштирок намуд.

17 Март 2016

Имрӯз Раиси шаҳри Хуҷанд Раҷаббой Аҳмадзода ва корманди масъули Дастгоҳи иҷроияи Президенти Ҷумҳурии Тоҷикистон Алишер Шарипов барои табрикоти наврӯзии бошандагони хонаи пиронсолони шаҳри Хуҷанд омаданд.
Раиси шаҳри Хуҷанд қаблан аз ҳама ба шароити зист ва саломатии шахсони дар муассисаи иҷтимоӣ қарор дошта таваҷҷӯҳ намуда таъкид намуд, ки сиёсати иҷтимоии давлату ҳукумат ва эътибори хосаи Пешвои миллат, Президенти Ҷумҳурии Тоҷикистон Эмомалӣ Раҳмон нисбати шахсони ба парасторӣ ниёздошта мақомоти маҳаллиро вазифадор менамояд, ки ҳамеша шароиту зиндагии нафарони бепарастор монда зери назорати худ дошта бошанд.
Баъдан ба тамоми 57 нафар бошандагони ин муассиса тӯҳфаҳои наврӯзӣ тақдим карда шуда, барои онҳо аз ҳисоби Мақомоти иҷроияи ҳокимияти давлатии шаҳри Хуҷанд дастурхони наврӯзӣ ороста шуд.
Ҳунармандону ҳаваскорони санъати шаҳр бошад ба чорабинии идона бо барномаи консертии ҷолиб шукӯҳи хоса бахшиданд.

Шарҳ додан

Беҳтарин донандагони забони англисӣ муайян гаштанд

17 Март 2016

Бо мақсади муайян намудани дараҷаи саводнокӣ, қобилияту истеъдод ва дарёфт намудани «Беҳтарин донандаи забони англисӣ» дар ҳамаи муассисаҳои таълимии шаҳри Хуҷанд байни хонандагони синфҳои чаҳорум озмун гузаронида шуд. Ғолибони даври якуми озмуни «Беҳтарин донандаи забони англисӣ» тибқи дархости муассисаҳои таълимӣ ба даври ниҳоии озмуни шаҳрӣ пешниҳод карда шуданд.
Ҳадафи асосии озмун баланд бардоштани ҳавасмандӣ ва донишандӯзии хонандагон ба фанни забони англисӣ, ташаккули тафаккури мантиқии хонандагон, бедор намудани завқу шавқи онҳо дар инкишофи нутқ, тарбияи зебоипарастӣ, муайян намудани беҳтарин донандаи забони англисӣ мебошад.

Муфассал... Шарҳ додан

Мулоқоти судманд дар мактаби №13

16 Март 2016

Дар асоси накшаи Мақомоти иҷроияи ҳокимияти давлатии шаҳри Хуҷанд аз ҷониби масъулини Комиссия оид ба ҳуқуқи кӯдаки назди Мақомоти иҷроияи ҳокимияти давлатии шаҳри Хуҷанд дар муассисаҳои таълимии маркази вилоят вохурию мулоқотҳои иттилоотӣ маърифатӣ доир менамоянд.
Ҳайати гурӯҳи корӣ, ки аз намояндаи Шӯъбачаи пешгирии ҷинояткорӣ ва ҳуқуқвайронкунии байни ҷавонону ноболиғони Шӯъбаи Вазорати корҳои дохилии Ҷумҳурии Тоҷикистон дар шаҳри Хуҷанд, шӯъбаи маориф ва сармутахассиси комиссияи оид ба ҳуқуқи кӯдак Мадина Салимова иборатанд ин навбат бо омӯзгорону хонандагони мактаби миёнаи № 13 мулоқот намуданд.
Ҳайати корӣ бо хонандагон дар самти пешгирии падидаҳои номатлуб, ҷиноятсодиркунии ноболиғон, тарзи пӯшидани сару либос, пеширӣ намудани онҳо аз фирефта шудан ба ҳизбу ҳаракатҳои экстремистӣ, сӯҳбати судманд анҷом доданд.

Муфассал... Шарҳ додан

Дар Наврӯзи Хуҷанд 100 дег суманак пухта мешавад

16 Март 2016

Дар асоси нақшаи Мақомоти иҷроияи ҳокимияти давлатии шаҳри Хуҷанд дар тамоми 22 маҳаллаҳои шаҳр ва кӯчаю биноҳои баландошёнаи истиқоматӣ тантанаҳои наврӯзӣ бо гузоштани деги суманак доир гашта истодааст. Назар ба маълумоти шӯъбаи кор бо маҳаллаҳои мақомоти маҳаллӣ дар рӯзҳои таҷлили ин иди аҷдодӣ дар тамоми кӯчаю маҳаллаҳо 100 деги суманак пухта мешавад.
Дар баробари ин ташаббуси Мақомоти иҷроияи ҳокимияти давлатии шаҳри Хуҷандро соҳибкорону саховатмандон дастгирӣ намуда, хатнатӯйии кӯдаконро аз оилаҳои ниёзманд баргузор хоҳанд кард.
Ҳамзамон Мақомоти иҷроияи ҳокимияти давлатии шаҳри Хуҷанд тасмим гирифтааст ба наздик ду ҳазор шахсони эҳтиёҷманд кӯмаки яквақтаи моддӣ расонда онҳоро аёдат намояд.

Шарҳ додан

Дар шаҳри Хуҷанд Фестивали «Либосҳои миллӣ» баргузор мегардад.

16 Март 2016

Ҷиҳати иҷрои дастуру супоришҳои Пешвои миллат, Президенти Ҷумҳурии Тоҷикистон Эмомалӣ Раҳмон,ҳамчунин бо мақсади тарғибу ташвиқи либоси миллӣ, тарбияи зебоипарастӣ, баланд бардоштани мақому манзалати либоси миллӣ, тақвияту густариш бахшидан ба истеҳсолу истифодаи анвои гуногуни либосу матоъҳои миллӣ, аз қабили атласу шоҳӣ, рушди санъати алочабофӣ, гулдасту адрасбофӣ ва ба муносибати 25 - солагии Истиқлолияти давлатии Ҷумҳурии Тоҷикистон ҳамчунин дар асоси қарори Раиси вилояти Суғд аз 18 феврали соли 2016, № 100 «Оид ба баргузории Фестивали вилоятии «Либосҳои миллӣ» Раиси шаҳри Хуҷанд Раҷаббой Аҳмадзода доири моҳи апрели соли 2016 баргузор намудани Фестивали шаҳрии «Либосҳои миллӣ» қарори дахлдор имзо намуд.
Тибқи ин қарор бо мақсади дар сатҳи баланд баргузор намудани ин фестивал ҳайати кумитаи тадорукот, низомнома, нақшаи чорабиниҳо, хароҷот ва мукофотпулии Фестивал тасдиқ карда шудааст.