АсосӣБойгонӣ

Навгонӣ

Шаҳри Хуҷанд дар мусобиқаи каратэ-до дар ҷойи аввал.

27 Январ 2015

Дар толори варзишии “Ҷашнӣ”-и шаҳри Хуҷанд санаҳои 24-25 январи соли равон чемпионати кушоди шаҳри Хуҷанд оид ба каратэ-до байни кӯдакон, наврасон, ҷавонон ва калонсолон бахшида ба таътили зимистона баргузор гардид. Дар мусобиқа аз 7 минтақа,- аз ноҳияҳои Зафаробод, Ҷаббор Расулов, Конибодом, Бобоҷон Ғафуров, Мастчоҳ, ва шаҳрҳои Истиқлолу Хуҷанд ҳамагӣ 362 нафар иштирок намуданд. Аз он писарон 319 нафар ва духтарон - 43 нафар ро ташкил доданд.
Аз рӯи натиҷаҳои ниҳоӣ дастаи варзишгарони шаҳри Хуҷанд бо 22 медали тилло, 14 медали нуқра ва 24 медали биринҷӣ натиҷаи аз ҳама беҳтарро нишон доданд. Дар маросими ҷамбастӣ мудири Бахши ҷавонон варзиш ва сайёҳии шаҳри Хуҷанд Бахтиёр Исматҷонов ва Раиси Федератсия каратэ-до дар вилояти Суғд Вадим Джо-Чун-Си иштирок намуда ба ғолибон ҷоизаҳои ғолибиятро супориданд. Ҳамчунин ноҳияҳои ба номи Б Ғафуров ва Зафаробод мутаносибан ҷойҳои дуюм ва сеюмро ишғол намуданд.

Шарҳ додан

Мусобиқаи футболи толорӣ анҷом ёфт.

27 Январ 2015

Дастаи “Рахш” и шаҳри Хуҷанд дар бозии ниҳои барои дарёфти Ҷоми вилоят оид ба футболи толорӣ дастаи “Хуросон” и шаҳри Истаравшанро бо ҳисоби 4:0 шикаст дода ғолиби Ҷом гардид. Бозӣ бисёр ҷолибу шавқовар гузашт, дастаҳо аз аввал саркарда ба ҳуҷум гузаштанд, дар дақиқаи 4 уми бози Музафар Ҳасанов ҳисобро кушод,пас аз ин бозингарони “Хуросон” каме фаъол шуда ба ҳуҷум гузаштанд,то анҷоми қисми аввал Бонкирҳо боз ба пеш баромаданд Даврон Раҳматов дар дақиқаи 16 ум туби дуюмро вориди дарвозаи меҳмонон кард. Дар қисми дуюми бози копитани дастаи “Рахш” Мубориз Асадбеков пас аз як ҳуҷуми таҳрезишуда хисобро ба 3:0 расонд, дар дақиқаи 43 уми бози Даврон Раҳматов туби чоруми дастаи худро ба ҳадаф расонд.

Муфассал... Шарҳ додан

Корҳои ободонӣ дар шоҳроҳи нав оғоз гардид.

26 Январ 2015

Дар шаҳри Хуҷанд новобаста аз сардшавии ҳаво корҳои ободонӣ ва кабудизоркунӣ идома дорад. Рӯзи шанбеи гузашта зиёда аз 300 нафар кормандони хоҷагию коммуналӣ, идораи махсуси партовкашонӣ, хоҷагии кабудизоркунӣ, КВДК «Хуҷандобуканал», идораи истифодабарандагони манзили соҳили рост ба шанбегӣ баромаданд.
Дар шанбегӣ ҳашарчиён зиёда аз 400 бех ниҳоли ҳамешасабзи навъи «Ардач»- ро дар қади шоҳроҳи «Автомагистральная» шинонда ҷӯйборҳоро ба тартиб дароварданд.
Лозим ба ёдоварист, ки тибқи дастури Раиси шаҳри Хуҷанд Раҷаббой Аҳмадзода барои таъмиру азнавсозии шоҳроҳи мазкур ситоди корӣ таъсис дода шуда, тибқи нақшаи омоданамудаи Мақомоти иҷроияи ҳокимияти давлатии шаҳри Хуҷанд то таҷлили Иди Наврӯз қисмати асосии корҳои тахту ҳамвор намудани ин шоҳроҳ ва насби сутунпояҳои чароғҳои равшанидиҳанда бояд ба анҷом расонда шавад.

Шарҳ додан

Ҷамъбасти соли бобарор

(1 овоз, миёна 5.00 аз 5)

27 Январ 2015

Бахши ҷавонон, варзиш ва сайёҳии Мақомоти иҷроияи ҳокимияти давлатии шаҳри Хуҷанд натиҷаҳои фаъолияти худро барои соли 2014 ҷамъбаст кард. Дар маҷлис роҳбарони мактабҳои варзишии шаҳр, ширкатҳои сайёҳӣ, мураббиён ва варзишгарон, мудирони кор бо ҷавонони донишгоҳҳои шаҳр ва ҷавонони фаъол иштирок доштанд.
Дар оғоз мудири бахш Бахтиёр Исматҷонов оид ба фаъолияти бахши ҷавонон, варзиш ва сайёҳии Мақомоти иҷроияи ҳокимияти давлатии шаҳри Хуҷанд дар соли 2014 назди ҳозирин маърeза кард.
Мувофиқи гуфти Бахтиёр Исматҷонов бахш дар соли сипаришуда баҳри татбиқ намудани Қонунҳои Ҷумҳурии Тоҷикистон «Дар бораи ҷавонон ва сиёсати давлатии ҷавонон», «Тарбияи ҷисмонӣ ва варзиш» ва «Дар бораи туризм» фаъолияти хешро хуб ба роҳ монд.
Мувофиқи маълумоти оморӣ дар шаҳри Хуҷанд шумораи умумии ҷавонон дар соли 2014 ба 61600 нафар расид, ки аз онҳо 32800 нафарашон писарон ва 28800 нафарашон духтарон мебошанд.

Муфассал... Шарҳ додан

Табрикоти Раиси шаҳри Хуҷанд бахшида ба Рӯзи кормандони соҳаи меҳнат ва ҳифзи иҷтимоии аҳолӣ

24 Январ 2015

Ҳамшаҳриёни азиз!
Рӯзи кормандони соҳаи меҳнат ва ҳифзи иҷтимоии аҳолӣ, ки 25 январ ҷашн гирифта мешавад, аз ҷумлаи санаҳои таърихие ҳаст, ки аҳли меҳнат чун анъана дар ин айём таҷлил мегиранд.
Дар ин рӯзҳои фархунда, ки мардуми шарифи кишварамон бо руҳбаландӣ аз Паёми навбатии Президенти кишвар, Ҷаноби олӣ, мӯҳтарам Эмомалӣ Раҳмон ба Маҷлиси Олии Ҷумҳурии Тоҷикистон баҳри боз ҳам пойдору мустаҳкам гардонидани давлати соҳибистиқлоламон, баланд гаштани сатҳи зиндагии мардум меҳнат карда истодаанд, рушди соҳаи меҳнат ва ҳифзи иҷтимоии аҳолӣ аз ҳар вақта дида аҳамиятноктар аст.
Ғояҳои ваҳдат аз таърихи пурғановати халқамон сарчашма мегирад ва дар даврони истиқлолият ин ормони азалии миллати тоҷик ба воқеият табдил ёфт.