АсосӣБойгонӣ

Навгонӣ

Донишҷӯи ДПДТТ гирандаи стипендияи Менделеев

20 Феврал 2017

Ҳамасола аз ҷониби ташкилоти ғайритиҷоратии русиягии фонди институти Аврупоии тадқиқотӣ беҳтарин донишҷӯёни вилоят ба гирифтани мукофоти идрорпулии ба номи Дмитрий Иванович Менделеев сазовор мешаванд.
Дирӯз дар факултети филологияи тоҷики Донишгоҳи давлати Хуҷанд маросими супоридани идрорпулӣ ба ғолибони навбатӣ доир шуд. Хуршеда Содиқова танзимгари ин ташкилот аз номи ин ҷамъият кулли ҷавононро ба муносибати эълон шудани соли 2017- соли ҷавонон табрик намуда, қайд кард, ки ташкилоти мазкур бо мақсади тақвияти дониши донишҷӯён ва мустаҳкам намудани робитаи ҷавонони кишвар бо Русия ин ҷоизаро ташкил намуда, то имрӯз наздик ба 110 нафар донишҷӯёни фаъол чунин идрорпулиҳоро додааст.

Муфассал... Шарҳ додан

Ярмаркаи ҷойҳои холии корӣ бахшида ба «Соли ҷавонон»

(1 овоз, миёна 5.00 аз 5)

20 Феврал 2017

Тибқи нақшаи якҷояи Агентии шуғли аҳолӣ ва ҷавонон, варзиш ва сайёҳӣ бо мақсади бо ҷои корӣ таъмин намудани шаҳрвандон ва ҷавонони маркази вилоят ярмаркаи ҷойҳои холии корӣ бахшида ба соли 2017 “Соли ҷавонон” дар мавзеи Регистони бозори марказии Панҷшанбе баргузор гардид.
Дар ярмаркаи мазкур беш аз 500 нафар сокинони маркази вилоят, ҷавонон хатмкунандагони коллеҷҳо ва литсейҳои касби техникӣ иштирок намуданд.
Дар ярмарка аз ҷониби 30 корхонаю ташкилотҳо беш аз 300 адад ҷойҳои корӣ пешниҳод гардида, дар натиҷа зиёда аз 60 нафар сокинони шаҳр ба корхонаҳо соҳиби роҳхат гардиданд.

Муфассал... Шарҳ додан

Поси хотири ҷанговарони байналмиллал

(2 овоз, миёна 5.00 аз 5)

15 Феврал 2017

Ҳамасола санаи 15-уми феврал кулли ҷанговарони байналмиллали вилояти Суғд ба ҳам меоянд. Зеро дар ин сана соли 1989 охирон сарбози артиши Шуравӣ аз хоки Афгонистон бароварда шудааст.
Ба муносибати 28-умин солагрди баровардани артиши Шӯравӣ аз хоки Афғонистон ва ба хотири гиромидошти шаҳидони ин муҳорибаҳои хунин, пос доштани номи неки ҳалокгаштагон, субхи имрӯз дар маркази вилоят шаҳри Хуҷанд маросими гулчамбаргузорӣ ва ёдбуди аскарону афсарони дар Ҷумҳурии Афғонистон ҷонбохта баргузор гашт.
Дар чорабинии мазкур Раиси шаҳри Хуҷанд Шарифзода Шариф Файз ширкат намуда, бо ҷанговарони байналмиллал ва шахсони касбу кори гуногун дар пояи муҷассамаи шаҳидони ин набард гулчамбар гузоштанд.

Муфассал... Шарҳ додан

Ҷавонон дар маҳаллаҳо боз ҳам фаъолтар мешаванд.

(2 овоз, миёна 5.00 аз 5)

16 Феврал 2017

Бо мақсади татбиқи босамари фаъолият дар самти кор бо ҷавонони кумитаи маҳаллаҳои шаҳри Хуҷанд аз ҷониби Бахши кор бо ҷавонон варзиш ва сайёҳии шаҳри Хуҷанд барои муовинони раиси кумитаи маҳаллҳо оиди кор бо ҷавонон семинари омӯзишӣ гузаронида шуд.
Дар семинар мудири бахш Бахтиёр Исматҷонов бобати нақша-чорабиниҳои пешбинигаштаи мақомоти маҳаллӣ бахшида ба эълон гардидани соли 2017 “Соли ҷавонон” маълумот дода таъкид намуд, ки амалишавии тамоми нақшаҳои тасдиқгардида аз масъулияту ташаббускории масъулини кор бо ҷавнони маҳаллаҳои шаҳр вобаста аст.

Муфассал... Шарҳ додан

Хотираи неки адиби ваҳдатсаро абадӣ шуд

(2 овоз, миёна 5.00 аз 5)

15 Феврал 2017

Шоири зиндаёд Неъмат Оташ яке аз фаъолтарини шоирони маҳфили «Адибони Ваҳдатсаро»-и Шӯрои вилоятии Ҳаракати ҷамъиятии Ваҳдати миллӣ ва эҳёи Тоҷикистон буд. Ҳамчун аъзои ин маҳфил анқариб ба тамоми шаҳру ноҳияҳои вилоят сафар карда, доир ба аҳамияти ваҳдати миллӣ, дӯстиву рафоқат ҳарф мезад ва ҳатман чанд шеъру ғазалҳои ба Ваҳдат бахшидаашро қироат мекард.
Соли 2015 санаи 7 ноябр бошад, ин шоири зиндадилу дарёдил ба таври ногаҳонӣ дар синни 62 солагӣ аз олам чашм пӯшид. Ӯ ҷанговари байналмилал буд. Дар ҷанги Афғонистон ба сифати тарҷумони госпитали ҳарбии советӣ иштирок карда, барои корнамоиҳои ҷангиаш бо ордени «Ситораи Сурх»-и ҷангӣ, медалҳои «Барои шуҷоати ҷангӣ» ва «Аз халқи миннатпазири афғон» қадршиносӣ шудааст.