АсосӣБойгонӣ

Навгонӣ

Дар хонаи пиронсолон «Ҳуҷраи варзиш» ташкил карда шуд.

07 Июл 2016

Бахшида ба Иди Фитр ва рӯзи маюбону пиронсолон, ки ҳамасола санаи 8 июль қайд карда мешавад, дар муассисаи давлатии Маркази митақавии пиронсолон ва маюбони шаҳри Хуҷанд чорабинии идона ва хайриявӣ баргузор гардид.
Дар оғози он мудири бахши Агентии давлатии ҳифзи иҷтимоии шаҳри Хуҷанд Камолҷон Комилов, Директори Маҷмаи фарҳангию фароғатӣ ва таърихии «Қалъаи Хуҷанд» Иброҳим Иброҳимов ва директори Китобхонаи оммавии ба номи Т. Асирӣ Абдуғаффор Маллаев ширкат намуда, ҳозиронро бо Иди саиди Фитр табрик намуданд.
Ҳоло дар ин муассисаи иҷтимоӣ 53 нафар шахсони ба парасторӣ ниёзманд истиқомат дошта, ба ғамхории ҳамаҷонибаи мақомоти давлатӣ фарогир ҳастанд.

Муфассал... Шарҳ додан

Иди саиди Фитр муборак, ҳамдиёрон

05 Июл 2016

alt

Ҳамшаҳриёни азиз!
Фарорасии Иди саиди Фитрро ба ҳамаи шумо табрик гуфта, бароятон тани сиҳат, хонаи обод, саодати рӯзгор ва баракати бешуморро орзу менамоям.
Иди саиди Фитр яке аз суннатҳои муҳимтарини мардуми мусулмон ва нишонаи эҳтирому гиромидошти оини деринаи халқ бар пояи мазҳаби ҳанафия ба шумор рафта, дар қатори дигар ҷашну маросимҳои милливу мардумӣ дар кишвари мо бо хушҳоливу шодии зиёд таҷлил мегардад.
Боиси ифтихор аст, ки ба шарофати истиқлолияти кишварамон, таҳти сарварии Асосгузори сулҳу Ваҳдати миллӣ-Пешвои миллат, Президенти кишвар, муҳтарам Эмомалӣ Раҳмон миллати мо дар озодии виҷдон, дину ақида, адои маросимҳои суннатию динӣ ба имкониятҳои фаровон ноил гардид.

Муфассал... Шарҳ додан

Иди хайру саховату меҳрубон

05 Июл 2016

Дини мубини Ислом яке аз динҳои тозатарину боадолаттарини рӯи дунёст. Зеро дар он адолати иҷтимоӣ нигоҳ дошта шуда, табақаҳои гуногуни ҷамъиятро бо ҳам муттаҳид месозад. Иди саиди Фитр яке аз ду иди ин дини мубин аст, ки он пас аз анҷоми моҳи шарифи Рамазон таҷлил мегардад. Моҳи шарифи Рамазон дар худ як қатор фазилатҳоро ғунҷониш додааст, ки давоми ин моҳ мардум онро иҷро мекунад. Оид ба фазилатҳои ин моҳи шариф ва таҷлили Иди Фитр пурсиши навбатии сарироҳии мо гузаронида шуд, ки посухҳои сокинон ва меҳмонони Хуҷанди бостониро манзури хонандагони арҷманд месозем.
Дилафрӯзхон Носирова, модари ду фарзанд, соҳибхона:
-Моҳи шарифи Рамазон моҳи мағфирату ибодат, моҳи накӯкориву эҳсон, хайрхоҳиву савобҷӯӣ аст. Бинобар ин, ҳар шахс новобаста аз он, ки ӯ рӯза дошт ва ё на, метавонад то қадри имкон ба шахсони муҳтоҷ дасти ёрӣ дароз намуда, ҳоҷатбарори онҳо бошад.

Муфассал... Шарҳ додан

Раиси шаҳр дар меҳмонии шахсони кӯҳансолтарини Хуҷанд.

05 Июл 2016

Дар доираи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Эмомалӣ Раҳмон Мақомоти иҷроияи ҳокимияти давлатии шаҳри Хуҷанд давоми моҳи шарифи Рамазон ва дар арафаи Иди саиди Фитр шахсони ниёзманду имконияташон маҳдудро аёдат намуда кӯмаки яквақтаина расонд.
Раиси шаҳри Хуҷанд Шарифзода Шариф Файз дар арафаи таҷлили Иди Саиди Фитр 10 нафар шахсони эҳтиёҷманд, собиқадорони меҳнат, Шаҳрвандони фахрии шаҳри Хуҷанд ва нафарони кӯҳансолтарини Хуҷандро аёдат намуд.
Сараввал Шарифзода Шариф Файз ба аёдати хонаводаи Одиловҳо омад. Дар ин манзил ҷанговари матин, барқароркунандаи сохти конститутсионӣ, шодравон Одилҷон Калонов умр ба сар бурдааст. Раиси шаҳр падари хонавода Дадоҷон Калоновро бо Иди Фитр табрик намуда, зикр намуд, ки мақомоти давлатӣ барои расондани кӯмаки ҳамаҷониба ба онҳо ҳамеша омода аст.

Муфассал... Шарҳ додан

Никоҳи хешутаборӣ манъ шуд

05 Июл 2016

Дар Ҷумҳурии Тоҷикистони азизамон аз оғози моҳи июли соли равон мувофиқи қонунгузории Парлумони кишвар мавриди амал қарор гирифтани манъи издивоҷи хешутаборӣ, махсусан амакбачаҳо, аммабачаҳо, холабачаҳо ва тағобачаҳо бо ҳамдигар хеле бамаврид ва тақозои замон аст.
Аслан, оила муассисаи қадимиест, ки аз замони офариниши инсон мавҷуд аст ва агарчи умри чандинҳазорсола дорад, ҳаргиз куҳна нашудааст. Инсон дар оила ба камол мерасад ва зиндагиаш ба мавҷудияти оила марбут аст. Оилае, ки дар доираи қонунҳои шаръӣ бунёд шудааст, василаи камолоти моддӣ ва маънавии инсон мебошад. Вайрон гардидани оила ва ё берун аз доираи машраъ таъсис ёфтани он ҳалокати миллат ва ҳатто ҳалокати инсониятро дар пай дорад.

Муфассал... Шарҳ додан