АсосӣБойгонӣ

Навгонӣ

Толибзода Таҳмина - ғолиби озмуни шаҳрии «Донояк»

23 Апрел 2016

Тибқи иҷрои нақша ва фармоиши шуъбаи маориф бо мақсади татбиқ намудани қарори Ҳукумати Ҷумҳурии Тоҷикистон аз 04.10.2011, № 457 «Дар бораи Барномаи давлатии рушди соҳаи тарбияи томактабӣ барои солҳои 2012 – 2016 », бо назардошти Қонуни Ҷумҳурии Тоҷикистон дар бораи таълиму тарбияи томактабӣ ва Консепсияи миллии тарбия дар Ҷумҳурии Тоҷикистон, баланд бардоштани сифати таълиму тарбия, рушди қобилияти фикрию ақлонӣ, тарбияи ҳисси зебопарастӣ, хештаншиносӣ, парвариши меҳру муҳаббати кӯдакон нисбат ба шеъру сухан, санъати миллӣ, парваридани ахлоқӣ ҳамидаи инсонӣ бахшида ба 25 – солагии Истиқлолияти Ҷумҳурии Тоҷикистон, Соли фарди солим дар ҳамаи муассисаҳои таълимии томактабӣ даври якуми озмуни «Донояк» гузаронида шуд. Дар ин озмун зиёда аз 180 нафар тарбиятгирандагон иштирок карда, 33 нафар ғолиб гардида, ба озмуни шаҳрии «Донояк» роҳхат гирифтанд.

Муфассал... Шарҳ додан

Фестивал-озмуни «Либосҳои миллӣ» баргузор гардид

20 Апрел 2016

Бо мақсади тарғиби фарҳанги либоспӯшии миллӣ, боло бурдани завқи зебоипарастӣ ва дастгирии истеҳсолкунандаи ватанӣ давоми чанд сол аст, ки дар шаҳри Хуҷанд фестивал озмуни «Либосҳои миллӣ» баргузор мегардад.
Мувофиқи Қарори Раиси шаҳри Хуҷанд аз 11 марти соли 2016, №143 дар Театри мазҳакаю-мусиқии ба номи К. Хуҷандӣ фестивал-озмуни навбатии «Либосҳои миллӣ» баргузор гардид.
Қабл аз оғози чорабинӣ иҷрокунандаи вазифаи Раиси шаҳри Хуҷанд Шариф Шарифзода аз намоиши маҳсули дастони бонувони ҳунарманди мактаби рассомии бачагонаи шаҳр ва занони соҳибкори аз қарзҳои амонатии ТАҚХ «ИМОН ИНТЕРНЕШНЛ» истифодабурдаанд, дидан намуд. Ҳангоми шиносоӣ бо маҳсулоти дастии занони ҳунарманд Шариф Шарифзода зикр намуд, ки барои боз ҳам бештару хубтар намудани имкониятҳои ҷавонзанону бонувони хонашини ҳунарманд ташкили маҳфилҳои ҳунарӣ дар муассисаҳои таълимии фарҳангии шаҳр мувофиқи мақсад аст.

Муфассал... Шарҳ додан

Лавҳаи ёдгории қурбониёни садамаи Чернобил бунёд гардид.

16 Апрел 2016

Ҳамасола санаи 26 апрел чун Рӯзи бартарафкунандагони садамаи неругоҳи барқии атомии Чернобил қайд карда мешавад.
Соли равон аз ин ҳодисаи мудҳиши таърихӣ 30 сол сипарӣ мегардад.
Дар Боги фарҳангию фароғатии «Ғалаба»-и маркази вилоят ҳамоиши иштирокдорон ва аъзоёни оилаи бартарафкунандагони садамаи нерӯгоҳи Чернобил ба хотири ифтитоҳи муҷассамаю лавҳаи ёдгорӣ бахшида ба хотираи қурбониёни ин садама баргузор гардид.
Дар ин чорабинии муҳим иҷрокунандаи вазифаи Раиси шаҳри Хуҷанд Шариф Шарифзода, намояндаи Мақомоти иҷроия ҳокимияти давлатии вилояти Суғд Тоҷибой Султонӣ ширкат намуданд.
Дар оғоз зери оҳанги оркестри симфонӣ Шариф Шарифзода, Тоҷибой Султонӣ ва сарвари Шӯрои ҷамъияти ҷумҳуриявии маюбони бартарафкунандагони садамаи барқии атомии Чернобил Фаридун Ҳакимов пардаро аз лавҳаи ёдгорӣ бардоштанд.

Муфассал... Шарҳ додан

Дар Хуҷанд дастрасӣ ба хизматрасонии ТАҚХ «ИМОН ИНТЕРНЕШНЛ» боз ҳам осонтар шуд.

20 Апрел 2016

Дар маркази шаҳри Хуҷанд, хиёбони ба номи И Сомонӣ боз як нуқтаи хизматрасонии ТАҚХ «ИМОН ИНТЕРНЕШНЛ» ба фаъолияти оғоз намуд.
Ин нуқтаи хизматрасонӣ минбаъд барои сокинони маркази вилоят ва меҳмонони шаҳр имконияти интиқол ва қабули маблағҳо, мубодилаи асъор, гирифтани маълумот оиди намудҳои хизматрасониро фароҳам меорад.
Ташкили чунин як нуқтаи хизматрасонии молиявӣ аз ҷониби ташкилот дар мавзеи мувофиқ барои боз ҳам беҳтару осон шудани дастрасии шаҳрвандон ба хизматрасониҳои ТАҚХ «ИМОН ИНТЕРНЕШНЛ» мусоидат хоҳад кард.

Муфассал... Шарҳ додан

Хуҷанд се моҳи фаъолияти худро ҷамбаст намуд.

15 Апрел 2016

Дар маҷлисгоҳи Маркази фарҳанг ҷаласаи фаъолони шаҳри Хуҷанд бо иштироки муовини Раиси вилояти Суғд Заробиддин Файзуллозода ва и.в. Раиси шаҳри Хуҷанд Шариф Шарифзода баргузор гардид.
Ҳамчунин дар ҷаласаи номбурда муовинони Раиси шаҳр, роҳбарони воҳидҳои сохторӣ, сохторҳои қудратӣ, корхонаю ташкилотҳо муассисаҳои таълимию тиббӣ, сарварони бозорҳо ва вакилони мардумӣ ширкат намуданд.
Ҷаласаи мазкур ба натиҷаҳои соҳаҳои мухталифи дар се моҳи авали соли равон бахшида шуда буд.
Иҷрокунандаи вазифаи Раиси шаҳр Шариф Шарифзода кори маҷлиси ҷамбастиро ифтитоҳ намуда, суханро барои маърӯзаи асосӣ ба муовини Раиси шаҳр Маъруф Мамадҷонзода дод.
(Маърӯзаро тавассути http://www.khujand.tj/tg/baaholi/sokinin дастрас намудан мумкин аст).