АсосӣБойгонӣ

Навгонӣ

Намояндаи шаҳри Хуҷанд Чемпиони Тоҷикистон оид ба Брекданс

(1 овоз, миёна 5.00 аз 5)

19 Июл 2016

Дирӯз дар пойтахти Тоҷикистон шаҳри Душанбе дар толори «New ERA Dance & Fitness Studio» мусобиқаи марҳалавии интихобии ҳарсолаи брекданс бо номи Red Bull BC One баргузор гардид. Дар он 20 нафар беҳтаринҳо аз шаҳру ноҳияҳои Ҷумҳурӣ барои ширкат дар марҳалаи Осиёи миёнагӣ мусобиқа намуданд. Мусобиқаро, ки бо иштироки бештар аз 1000 нафар мухлисон баргузор гардид довари дараҷаи олӣ аз Венесуела Ту Ҷӣ сардоварӣ кард. Дар натиҷаи мубориза тезу тунд аъзои гуруҳи брекдансчиёни шаҳри Хуҷанд Саидакмал Саидзода бо номи Bboynimble ғолиби мусобиқа ҳамзамон Чемпиони Тоҷикистон оид ба Брекданс гардид ва ба роҳхат мусобиқаи Осиёи Маркази ки моҳи август дар шаҳри Алмаато баргузор мегардад соҳиб шуд. Ҷои дуввум ва севвум насиби варзишгарон аз шаҳри Қӯрғонтеппа ва Душанбе гардиданд, ки намояндаи шакҳри Қӯрғонтеппа Хуршед Ҳомидов бо номи bboyKhura соҳиби роҳхати дуввум гардид.

Муфассал... Шарҳ додан

Моҳонаи ободонӣ дар маҳаллаи Чашмаи арзана

18 Июл 2016

Вохӯрии навбатии Раиси шаҳр Шариф Шарифзода бо сокинони кумитаи маҳаллаи Чашмаи арзана баргузор гардид. Дар он вакилони мардумӣ дар Маҷлиси вакилони халқи вилояти Суғд Абдулатиф Раҳимов ва Маҷлиси вакилони халқи шаҳри Хуҷанд Иброҳим Набизода, роҳбарони сохторҳои Мақомоти иҷроияи ҳокимияти давлатии шаҳр, фаъолони маҳалла иштирок карданд.
Раиси шаҳр Шариф Шарифзода сухан аз таърихи бунёди маҳаллаи Чашмаи арзана оғоз карда, ба сокинон доир ба иқдоми созандаву бунёдкоронаашон ва ба макони ободу сабзпӯш табдил додани ин мавзеи кӯҳсор арзи сипос гуфт. Ҳамзамон аз омадагии мардуми кишвар ба ҷашни 25-солагии Истиқлолияти давлатии Ҷумҳурии Тоҷикистон ҳарф зада, изҳор дошт, ки ҳадафи имрӯзаи Ҳукумати Ҷумҳурии Тоҷикистон фароҳам овардани зиндагии шоиста барои мардуми кишвар мебошад.

Муфассал... Шарҳ додан

Дармонгоҳи стомотологии хусусии «Садаф-Хуҷанд» ифтитоҳ гардид.

16 Июл 2016

Дар хиёбони ба номи И. Сомонии маркази вилоят Дармонгоҳи стомотологии хусусии «Садаф-Хуҷанд» ба фаъолият оғоз намуд.
Дар расми кушоди дармонгоҳи номбурда Салимзода Нусратулло Файзулло Вазири тандурустӣ ва ҳифзи иҷтимоии аҳолии Ҷумҳурии Тоҷикистон, муовини Раиси вилояти Суғд Назира Ғаффорӣ ва Раиси шаҳри Хуҷанд Шарифзода Шариф Файз ширкат намуданд.
Дармонгоҳи мазкур аз панҷ шӯъба иборат буда, 12 нафар кормандон ҳамарӯза барои хизматрасонии ниёзмандон омода ҳастанд.
Ба меҳмонон иттилоъ дода шуд, ки бештар аз 10 номгӯй таҷҳизоти муосири барои ташхис муолиҷа ва дигар амалиётҳои тиббии соҳаи дандонпизишкӣ аз давлатҳои Олмон ва Италия оварда шуда, дар ин самти хизматрасонӣ имкониятҳои боз ҳам бештар ва босифат ба сокинон пешниҳод карда мешавад.

Муфассал... Шарҳ додан

Нишасти матбуотии Раиси шаҳри Хуҷанд.

(1 овоз, миёна 5.00 аз 5)

18 Июл 2016

Раиси шаҳри Хуҷанд Шариф Шарифзода бо намояндагони воситаҳои ахбори оммаи дар шаҳр фаъолиятбаранда нишасти матбуотӣ доир намуд. Дар ин конфронси матбуотӣ, ки дар толори маҷлисҳои Мақомоти иҷроияи ҳокимияти давлатии шаҳри Хуҷанд сурат гирифт, муовинони Раиси шаҳр, сардорони раёсатҳо ва мудирони шуъбаву бахшҳои шаҳри Хуҷанд ширкат варзиданд.
Роҳбари маркази иттилоот ва таҳлили дастгоҳи Раиси вилояти Суғд Музаффар Юнусов иштирокдори нишасти матбуотӣ буд.
Раиси шаҳри Хуҷанд Шариф Шарифзода аз дастоварду муаммоҳои соҳаҳои мухталифи хоҷагии халқ сухан карда, оид ба даромади буҷети маҳаллӣ ва иҷрои андоз, соҳаҳои саноат ва иқтисод, маориф ва тиб, фарҳангу ҷавонон, варзиш ва сайёҳӣ, алоқаву нақлиёт ва сохтмону ободониҳо маълумоти муфассал пешниҳод намуд.

Муфассал... Шарҳ додан

Машқи тирпарронӣ

16 Июл 2016

Бо мақсади такмили маҳорату малакаи ҷангии аскарону афсарони дар захира буда, дар асоси нақшаи кории комиссариати ҳарбии шаҳр рӯзи гузашта дар машқгоҳи ҳарбии Гарннизони ҳарбии вилоят воқеъ дар мавзеи «Чоруқдаррон» машқи тирпарронӣ гузаронида шуд.
Дар он зиёда аз 600 нафар собиқ аскарону афсарони мустаъфӣ, ки шаҳрвандони шаҳри Хуҷанд ҳастанд, хусусан, собиқадорони ҷанги Афғонистон, иштирокчиёни барқарорунии сохти конститутсионии ҷумҳурӣ иштирок намуданд.
Чорабинӣ таҳти фармондеҳии комиссари ҳарбии шаҳр, полковник Эҳсон Ғанихоҷаев гузашт, ки дар он ҳайати шахсии комиссариати ҳарбии шаҳр ва як зумра афсарону аскарони қисми низомии маскуни шаҳр дар гузаронидани ин чорабинӣ кӯмак карданд.
Муовини аввали Раиси шаҳри Хуҷанд Ғайбуллозода Хайрулло ҳамчун сарпарасти соҳа ба машқгоҳ омада бо рафти машқҳо шинос шуд.

Муфассал... Шарҳ додан