АсосӣБойгонӣ

Навгонӣ

«Сайри харбуза» дар Хуҷанд.

25 Июл 2015

Шоми дирӯз дар маҷмаи таърихӣ ва фарҳанги фароғатии ба номи Камоли Хуҷандӣ «Сайри харбуза» доир гардид.
Дар чорабинӣ муовинони Раиси вилояти Суғд Анвар Яъқубӣ Назира Абдуллозода Ғаффорӣ ва Раиси шаҳри Хуҷанд Раҷаббой Аҳмадзода иштирок намуданд.
Ба чорабинӣ ҳамчунин меҳмонони хориҷи кишвар, ки ба ярмаркаи иқтисодии «Суғд-2015» даъват шуда буданд, ширкат намуданд.
Дар саҳни ҳавлии боғи фарҳангӣ ноҳияҳои кишрварзии вилоят, ноҳияи Спитамен, Ҷ. Расулов, Б. Ғафуров, Конибодом чанд намуди харбузаҳои ширинро ба намоиш гузошта, аз ин намуди меваи полезӣ дастурхонро оро дода буданд. Ҳамчунин ба ҳаводорони ин намуди мева шаклҳои ороиш ва пешниҳоди харбуза манзур гардид.
Ҳамчунин меҳмонон мақбараи рамзии Хоҷа Камоли Хуҷандиро зиёрат намуда, хона-музеи ин орифи бузург ошно гаштанд.

Муфассал... Шарҳ додан

Иштироки журналисти ҷавон дар форуми байналмиллалии парлумони ҷавонон

(1 овоз, миёна 5.00 аз 5)

25 Июл 2015

Аз санаи 27 июн то 4 июли соли равон дар шахри Маскав аввалин Форуми байналхалқӣ тахти унвони "Муколамаи шаҳрвандӣ, дипломатияи ҷамъиятӣ ва дӯстии халқҳо" дар доираи лоиҳаи Парлумони ҷавонони назди Думаи Федератсияи Русия баргузор гардид. Дар ҷамъомади мазкур, аъзои Парлумони ҷавонон ва фаъолони ҷомеаи шаҳрвандии кишварҳои Тоҷикистон, Арманистон, Белорусия, Приднестровскии Молдова ва шаҳру навоҳии Русия ширкат доштанд. Тоҷикистонро дар ин чорабинӣ ҳафт нафар аъзои Парлумони ҷавонони кишвар муаррифӣ намуданд.
Дар доираи ин чорабинӣ ҷавонон бо раиси Думаи вилояти Маскав Игор Бринсалов, раиси Думаи шаҳри Москва Алексей Шапошников, муовини Раиси Думаи давлатӣ Сергей Железняк сӯҳбат намуда доири дастгирии ҷавонон дар кишварҳояшон ва таҳкими дӯстии ҷавонони ин кишварҳо изҳори назар намуданд.

Муфассал... Шарҳ додан

Ярмаркаи «Суғд 2015» дар шаҳри Хуҷанд

24 Июл 2015

Имрӯз дар шаҳри Хуҷанд Ярмаркаи минтақавии савдо «Суғд - 2015» кори худро оғоз намуд.
Дар ярмарка соҳибкорону корхонаю муассисаҳо аз кишварҳои Русия, Чин, Эрон, Лаҳистон, Белорус, Олмон, Афғонистон, Фаронса, Қазоқистон ва дигар минтакҳои Тоҷикистон молу маҳсулоти худро ба намоиш гузоштанд.
Дар расми кушоди ин намоиш Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода иштирок намуданд.
Зимни суханронии худ Раиси вилояти Суғд Абдураҳмон Қодирӣ кулли меҳмононеро, ки барои иштирок ба вилояти Суғд ташриф овардаанд, хайрамақдам гуфт.

Муфассал... Шарҳ додан

500 рӯзи ободонӣ ба ҷашни Истиқлолият

24 Июл 2015

Вобаста ба дастуру супоришҳои Президенти Ҷумҳурии Тоҷикистон Эмомалӣ Раҳмон ва истиқболи ҷашни Истиқлолияти давлатии Тоҷикистон ва эълон шудани 500 рӯзи ободонӣ, дар шаҳри Хуҷанд корхонаю ташкилотҳои мухталиф омодагиро оғоз намуданд.
Раиси шаҳри Хуҷанд Раҷаббой Аҳмадзода аз корҳои таъмир ва тармими бинои маъмурии Шабакаи барқи шаҳри Хуҷанд дидан намуд.
Роҳбарияти коргоҳ ният доранд то санаи 15 августи соли равон намуди берунаи биноро пурра азнавсозӣ намуда, қисми аввали таъмирро ба охир расонанд. Ҳамчунин пешбинӣ мешавад, ки дохили бино ва саҳни ҳавлии бинои маъмурии барқчиён аз таъмири хушсифат бароварда мешавад. Барои ин корҳо зиёда аз 500 ҳазор сомонӣ маблағ пешбинӣ гардидааст.

Муфассал... Шарҳ додан

Робитаи шаҳрҳои Хуҷанд ва Могилев таҳким меёбад.

23 Июл 2015

Имрӯз дар доираи баргузории Ярмаркаи минтақавии савдо «Суғд - 2015», ки бо иқдоми Мақомоти иҷроияи ҳокимияти давлатии вилояти Суғд дар шаҳри Хуҷанд санаҳои 24-25 июл баргузор мегардад, мулоқоти соҳибкорони шаҳри Хуҷанд бо роҳбарияти корхонаҳои бонуфуз ва шаҳрдории шаҳри Могилеви Ҷумҳурии Белорус баргузор гардид.
Мулоқоти кориро Раиси шаҳри Хуҷанд Раҷаббой Аҳмадзода ифтитоҳ намуда, меҳмононро ба маркази вилояти Суғд, - шаҳри Хуҷанди бостонӣ хайрамақдам гуфт.