АсосӣБойгонӣ

Навгонӣ

Хуҷанд мизбони Фестивали «Гулҳо» ва «Оши палав»

(1 овоз, миёна 5.00 аз 5)

18 Июн 2015

Дар Маҷмааи фарҳангию таърихии “Қалъаи Хуҷанд”-и маркази вилоят бо мақсади тарғиби фарҳанги зебопарастӣ, корҳои созандагӣ ва ба истиқболи 18–умин солгарди Рӯзи Ваҳдати миллӣ, ҳамзмон «Соли рушди фарҳанг ва гулҳо» бори нахуст Фестивали “Гулҳо” ва “Оши палав” баргузор гардид.
Мизбони фестивал МИҲД шаҳри Хуҷанд дар шахси Раиси шаҳр Раҷаббой Аҳмадзода меҳмононро аз тамоми шаҳру навоҳии вилоят хайрамақдам гуфт. Ба инҷо Раиси вилоят Абдураҳмон Қодирӣ ташриф овард ва бо ҷараёни тайёр намудани ин таоми миллии ниёгон шинос гардид. Абдураҳмон Қодирӣ ва раиси шаҳри Хуҷанд ҳамзамон аз гӯшаи дигари Маҷмаа, ки аз ҷониби иштирокчиёни Фестивали «Гулҳо» бо гулҳои гуногун ва бо тарҳу намудҳои ҷавобгӯ ба талаботи озмун оро дода шуда буданд, дидан карданд.
Бояд тазаккур дод, ки дар фестивали мазкур меҳмонон аз минтақаҳои гуногуни Тоҷикистон, аз ҷумла аз пойтахти Ватанамон шаҳри Душанбе, намояндагони корпусҳои дипломатӣ, ташкилотҳои байналмилалӣ, шахсиятҳои шинохта, олимону зиёиён, хабарнигорони расонаҳои хабарии дохиливу хориҷӣ, иштирокчиёни Фестивали дӯстии ҷавонони Тоҷикистон ва теъдоди зиёди сокинон ширкат доштанд.

Муфассал... Шарҳ додан

Профессор Бароат Ҳоҷибоева соҳиби ҷоизаи ба номи И. Бунин гашт.

(1 овоз, миёна 5.00 аз 5)

14 Июн 2015

Эътибору Доктори илми филологӣ, профессор, олими шинохта Бароат Ҳоҷибоева дар кишвари мо ва берун аз он мақоми хоса дорад.
Чанде пеш аз Донишгоҳи гуманитарии шаҳри Москва паёми хуше ба аҳли илму адаби шаҳру вилоят расид.
Бо қарори Шӯрои муассисони Донишгоҳи гуманитарии шаҳри Москва устоди Донишгоҳи Давлатии Хуҷанд, профессор Бароат Ҳоҷибоева бо мукофоти ба номи нависанда ва шоири бузурги рус Иван Бунин сарфароз гардонида шуд. Ҳамзамон бо қарори Шӯрои донишгоҳи номбурда олимаи тоҷик бо медали ифтихории Қаҳрамони Иттифоқи Советӣ, Алия Молдогулова, ки дар Ҷанги Бузурги Ватанӣ корнамоиҳои ҷангии зиёде нишон дода, қаҳрамонона ҳалок гаштааст, қадрдонӣ гардид.
Ба ин муносибат дар ҳавлии Бароат Ҳоҷибоева маросими тантанавии супоридани ин мукофотҳо баргузор гардид.

Муфассал... Шарҳ додан

Табрикоти Раиси шаҳри Хуҷанд ба муносибати Рӯзи кормандони соҳаи саноати сабук

(1 овоз, миёна 5.00 аз 5)

11 Июн 2015

Ҳамшаҳриёни азиз!
Бо самимияти афзун кормандони корхонаҳои саноати сабук, собиқадорони меҳнат ва кулли алоқамандони соҳаи саноати сабукро аз номи мақомоти иҷроияи ҳокимияти давлатии шаҳр бо иди касбиашон сидқан муборакбод менамоям.
Саноати сабук соҳаи ҳаётан муҳими кишвар маҳсуб меёбад, зеро дар ҳамаи давру замон давлатро маҳз саноати сабук аз бӯҳрони иқтисодӣ бароварда метавонаду бас. Бо назардошти ин, ки саҳми саноати сабук ва кормандони он дар ғанӣ гардонидани буҷети давлатӣ бузург арзёбӣ мегардад, давлату ҳукумати кишвар ва мақомоти маҳаллии ҳокимияти давлатӣ баҳри рушду такомули соҳа ва дастгириву ғамхорӣ нисбат ба заҳматкашони соҳа таваҷҷӯҳи бештар зоҳир мекунанд.

Муфассал... Шарҳ додан

Раиси шаҳри Хуҷанд шахсони ниёзмандро аёдат намуд.

(1 овоз, миёна 5.00 аз 5)

11 Июн 2015

Тибқи дастуру супорищҳои Президенти Ҷумҳурии Тоҷикистон Эмомалӣ Раҳмон дар интиҳои ҳафта қабули шаҳрвандон аз ҷониби Раиси шаҳри Хуҷанд доир мегардад.
Рӯзи шанбеи сипаришуда чанде аз шаҳрвандон барои гирифтани кӯмак ба Раиси шаҳри Хуҷанд муроҷиат намуда буданд. Раиси шаҳри Хуҷанд Раҷаббой Аҳмадзода ба хабаргирии се нафар аз муроҷиаткунандагон рафт.
Сокинони шаҳр Ҳасанов Бурибой, Дадобоев Пӯлодҷон ва Ҳабибова Қумрӣ аз ҷумлаи онҳое буданд, ки барои гирифтани кӯмак дархост намуда буданд.
Ҳангоми аёдат собиқадорони меҳнат Бурибой Ҳасанов ва Қумрӣ Ҳабибова аз Раиси шаҳри Хуҷанд хохиш намуданд, ки барои бозбинии маблағи нафақааш ва дарёфти ҷойи кори муносиб барои фарзандрнашон мусоидат намояд.

Муфассал... Шарҳ додан

«Бибиҳо» фаъолияти худро дар бинои таъмиршуда идома медиҳанд.

(1 овоз, миёна 5.00 аз 5)

10 Июн 2015

Раиси шаҳри Хуҷанд Раҷаббой Ахмадзода дар маросими аз нав ба истифодадиҳии қисми бинои мактаби санъати ба номи Лоиқ Шералӣ дар маркази вилоят иштирок намуд.
Бинои мазкур аз оғози соли ҷорӣ дар таъмир қарор дошта, корҳои таъмиру азнасозиро Идораи сохтмони асосиии шаҳр ба анҷом расондааст.
Дар баробари мавриди истифода қарор гирифтани ин қисми бино фаъолияти Ансамбли фолклорию этнографии «Бибиҳо» дар он идома меёбад.
Раиси шаҳрро ҳунармандони ансамбли мазкур бо роҳбари худ,- Ҳунарманди халқии Ҷумҳурии Тоҷикистон Сайрам Исоева самимона истиқбол намуданд.