АсосӣБойгонӣ

Навгонӣ

Ифтитоҳи ду майдончаи варзишии «Суғдиён»

10 Август 2016

Имрӯз бо иштироки Раиси шаҳри Хуҷанд Шарифзода Шариф Файз ду майдончаи варзишии ҷавобгӯ ба тамоми талаботҳои баргузории футболи хурд бо номи «Суғдиён бо тантана ифтитоҳ гардид.
Майдончаҳои мазкур бо алафи сунъӣ руйпӯш гардида ба масоҳати 44 ба 24 метр сохта шудааст.
Соҳибкори инфиродӣ Муминҷон Азизов давоми ду моҳ бо кӯмаки ширкати сохтмонии «Замон» ба маблағи умумии 200 ҳазор сомонӣ майдончаи мазкурро бунёд намудааст.
Бо назардошти он, ки майдончаи мазкур дар шафати мактаби таҳсилоти умумии № 14 шаҳри Хуҷанд бунёд гардидааст, минбаъд муҳассилини ин мактаб имкон доранд аз соати 08.00 то соати 15.00 дарсҳои тарбияи ҷисмонӣ ва чорабиниҳои варзиширо ҳамарӯза дар ин майдончаҳои замонавӣ баргузор намоянд.

Муфассал... Шарҳ додан

Табрикоти Раиси шаҳри Хуҷанд ба муносибати Рӯзи варзишгарон

09 Август 2016

alt Ҳамшаҳриёни азиз!
Варзишгарони муҳтарам!
Аз номи мақомоти иҷроияи ҳокимияти давлатии шаҳри Хуҷанд Шумоёнро бо Рӯзи варзишгарон табрику таҳният гуфта, бароятон тансиҳативу хонаободӣ, бахту иқболи баланд ва дастовардҳои бузурги варзиширо таманно дорам.
Воқеан, варзиш дар ҳар давру замон қосиди сулҳу дӯстӣ ва муаррификунандаи ҷаҳони маънавию солимии миллату давлат буд ва минбаъд низ боқӣ хоҳад монд. Бо шарофати сиёсати хирадмандонаи Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон варзиш дар Тоҷикистони соҳибистиқлол ҳамчун ҷузъи муҳими таркибӣ ва пураҳамияти арзишҳои фарҳангӣ гашта, рушду инкишоф додани он дар байни табақаҳои васеи омма яке аз омилҳои муҳими солимгардонии ҷомеа ба ҳисоб меравад.

Муфассал... Шарҳ додан

7-уми август рӯзи шаҳри Хуҷанд дар маҷмааи фарҳангию таърихии «Қалъаи Хуҷанд»

(2 овоз, миёна 5.00 аз 5)

05 Август 2016

alt

Ҳамшаҳриёни азиз!
Хуҷанди куҳану ҳамешаҷавон, ки дар радифи шаҳрҳои Бухорою Самарқанд аз даврони муқаддам то ба имрӯз аз марказҳои машҳури илму фарҳангу тиҷорати Осиёи Марказӣ ба ҳисоб меравад, бо иқлими хуш, сокинони ҳунарманду меҳмоннавозаш таваҷҷӯҳи ҷомеаи ҷаҳониро ба худ ҷалб менамояд.
Ба шаҳри Хуҷанд, ки бо сифатҳои «тирози ҷаҳон», «арӯси дунё» ном баровардааст, набераи Каюмарси Одам – Ҳушанг асос гузоштааст, ки сарчашмаҳои таърихӣ бар он гувоҳанд. Дар замони шоҳи каёнӣ – Кайқубод ва дар аҳди Дороб Хуҷанд боз ҳам ободу зебо гардидааст.

Муфассал... Шарҳ додан

Рӯзи фарҳанги Хуҷанд дар Боғи Камол

08 Август 2016

Давоми чанд моҳи охир ҷиҳати иҷроиши Қарори Раиси вилояти Суғд Абдураҳмон Қодирӣ дар Маҷмаи таърихию фарҳангии ба номи К. Хуҷандӣ, рӯзҳои фарҳанги шаҳру ноҳияҳои вилояти Суғд баргузорр гардид. Тибқи нақшаи тасдиқгардида шоми якшанбе, санаи 7 август дар ниҳоят Рӯзи фарҳанги шаҳри Хуҷанд баргузор гардид.
Ин шом садои мутантани карнай бошандагон ва меҳмонони шаҳрро барои таҷлили чорабинии «Рӯзи фарҳанги Хуҷанд дар Боғи Камол» даъват кард.
Боғи Камол ба назари мо аз ҳаррӯза дида он рӯз назарработару дилфиребтар менамуд.
Дар ин чорабинӣ шахсиятҳои бузурги шаҳр-улмову удабо ва фузало шуаро ширкат карданд. Чорабинӣ бо тановули оши плави хуҷандӣ дар чойхонаи ба номи Камол оғоз ёфт.

Муфассал... Шарҳ додан

Хуҷанд 25 солагии Истиқлолиятро бо 25 иншооти нав таҷлил хоҳад кард.

(4 овоз, миёна 4.75 аз 5)

04 Август 2016

Ба истиқболи ҷашни бузурги миллӣ ,-25 солагии Истиқлоляти давлатии Ҷумҳурии Тоҷикистон шаҳри Хуҷанд ҳамаҷониба омодагӣ мебинад. Яке аз амалҳои ободкорию созандагӣ ба ифтихори ин санаи таърихӣ ин бунёди 25 иншоотӣ ҷашнӣ иборат аз сохтмонҳои биноҳои баландошёнаи истиқоматӣ, марказҳои савдо, боғчаю мактаб ва дигар муассисаҳои иҷтимоӣ маҳсуб меёбад.
Раиси шаҳри Хуҷанд Шарифзода Шариф Файз аз рафти корҳои сохтмонии панҷ обеъктҳои сохташаванда аз ҷумла маркази савдои «Анис», меҳмонхонаи чаҳорситорадори «Сирдарё» ва бинои навбунёди манзили истқоматӣ, ки дар марҳилаи охирони корҳои сохтмонӣ қарор доранд, боздиди корӣ анҷом дод.