АсосӣБойгонӣ

Навгонӣ

Марафони саломатии вилосипедронӣ дар шаҳри Хуҷанд.

(3 овоз, миёна 4.00 аз 5)

30 Июл 2016

Субҳи имрӯз аз назди Маҷмааи ҳавзҳои шиноварии ба номи «20-солагии Истиқлолияти Тоҷикистон» то майдони Парчами Ҷумҳурии Тоҷикистон, Марафони саломатии вилосипедронӣ баргузор гардид. Чорабинии варзишии мазкур дар асоси нақша чорабиниҳои Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Федератсияи футболи кишвар бахшида ба истиқболи 25 солагии Истиқлолияти давлатии Ҷумҳурии Тоҷикистон ва бо мақсади рушди оммавии варзиши намуди вилосипедронӣ баргузор гардид.
Қабл аз оғози чорабинии мазкур мудири Бахши ҷавонон, варзиш ва сайёҳии шаҳр Бахтиёр Исматҷонов кулли иштирокдорони марафони саломатиро барои дастгирии ташаббус изҳори сипос намуд.

Муфассал... Шарҳ додан

Фавти бемаҳали рассом

28 Июл 2016

Рассоми мониқалам, саррассоми Театри ба номи Хоҷа Камоли шаҳри Хуҷанд Акбари Маҳмудзодро кулли аҳли фарҳангу ҳунар мешинохтанду эҳтиромаш мекарданд. Вай зода ва парвардаи Хуҷанди бостон, дастпарвари Омӯзишгоҳи рассомии ба номи Мирзораҳмат Олимови пойтахт ва Донишгоҳи олии рассомии Театрии шаҳри Маскав буд.
Фаъолияти меҳнатиашро соли 1985 баъди хатми донишкадаи олии соҳавӣ ба ҳайси расссом-ороишгар дар Театри ба номи Хоҷа Камол оғоз карда, то лаҳзаи вопасини умри хеш дар ин даргоҳи муқаддас ба сифати рассом-таҳиягар ва минбаъд саррассом софдилона меҳнат кард.
Дирӯз бошад, ин ҷавонмарди ҳунарманд дар айни камолоти умри худ-55 солагӣ ба таври ногаҳонӣ аз олам чашм пӯшид.

Муфассал... Шарҳ додан

Шарифзода Шариф Файз бо сокинони маҳаллаи «Бофанда» мулоқот намуд.

(1 овоз, миёна 5.00 аз 5)

23 Июл 2016

Дар доираи нақша-чорабиниҳои тасдиқгардидаи Мақомоти иҷроияи ҳокимияти давлатии шаҳри Хуҷанд ва тибқи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон мулоқоти навбатии Раиси шаҳри Хуҷанд Шарифзода Шариф Файз бо сокинон баргузор гардид.
Ин навбат Раиси шаҳри Хуҷанд дар мактаби таҳсилоти умумии №2 бо сокинони маҳаллаи «Бофанда» мулоқот доир намуд.
Дар қисмати муқаддимавии чорабинӣ Шарифзода Шариф Файз аз дастовардҳои хоҷагии халқи шаҳр дар давраи нимсолаи авали соли равон ба ҳозирон маълумоти мухтасар дода, зикр намуд, ки мардуми шаҳр дар баробари кулли сокиноникишвари азизамон ба истиқболи ҷашни пурифтихори миллӣ 25 солагии Истиколияти давлатии Ҷумҳурии Тоҷикистон омодагии ҳамаҷониба мебинанд.

Муфассал... Шарҳ додан

Таҷлили Рӯзи наклиётчиён бо иштироки Раиси шаҳр

25 Июл 2016

Имрӯз бахшида ба рӯзи кормандони нақлиёти автомобилӣ дар шаҳри Хуҷанд чорабинии тантанавии кормандони соҳаи нақлиёти автомобилӣ бо иштироки Раиси шаҳри Хуҷанд Шарифзода Шариф Файз баргузор гардид. Дар ин ҳамоиши идона кормандон, ранандагон ва маъмурияти муассисаҳои нақлиёти оркашонӣ ва мусофиркашонии маркази вилоят ширкат намуданд.
Дар оғоз Раиси шаҳри Хуҷанд тамоми ҳозирон ва кормандони соҳаро бо иди касбиашон табрик гуфта, изҳори умедворӣ намуд, ки фаъолияти ҳамарӯзаи нақлиётчиён барои рушди ҳамаи соҳаҳо мусоидат менамояд.
«Дар маркази вилояти Суғд шаҳри Хуҷанд соҳаи нақлиёт яке аз самтҳои афзалиятноки хоҷагии халқ маҳсуб ёфта, рушди кулли соҳаҳо ва набзи шаҳрдорӣ бо фаъолияти нақлиётчиён алоқаманд аст.

Муфассал... Шарҳ додан

Ҳамкориҳои Хуҷанду Нижегородск таҳким меёбад.

(1 овоз, миёна 5.00 аз 5)

22 Июл 2016

Дар толори маҷлисҳои «Кохи Рӯдакӣ» бо иштироки соҳибкорони ватанӣ ва намояндагони соҳибкории вилояти Нижегородски Федератсияи Русия вохӯрӣ доир гардид.
Дар ин вохӯрӣ муовини Раиси вилояти Суғд Анвар Яъқубӣ, Раиси шаҳри Хуҷанд Шариф Шарифзода ва ҷонишини Губернатор, ҷонишини раиси мақомоти ҳокимияти вилояти Нижегородск, вазири саноат, савдо ва соҳибкории вилояти Нижегородски Федератсияи Русия Люлин Евгений Борисович иштирок карданд ва сухан ронданд.
Вохӯриро Раиси шаҳри Хуҷанд Шариф Шарифзода ифтитоҳ бахшида, меҳмононро ба шаҳри бостонии Хуҷанд хайрамақдам гуфт. Зимни суханрониаш аз дӯстии халқҳои тоҷику рус, аз он ҷумла шаҳри Хуҷанд бо шаҳрҳои вилояти Нижегородск изҳори хушнудӣ карда, зикр сохт, ки халқи тоҷик аз азал мардуми меҳмоннавозу меҳнатқарин ва сулҳҷӯ буду ҳаст.