АсосӣБойгонӣ

Навгонӣ

Футболбоздухтарони «Хуҷанд» беҳтарин дар вилоят

30 Апрел 2016

Дар варзишгоҳи Донишгоҳи Давлатии ҳуқуқ бизнес ва сиёсати Тоҷикистон мусобиқаи футбол байни бонувон барои дарёфти «Ҷоми Умед» ба анҷом расид.
Дар ин мусобиқа, ки таи 5 рӯз идома ёфт 7 даста аз шаҳру ноҳияҳои Хуҷанд, Гулистон, Б. Ғафуров, Мастчоҳ, Спитамен, Зафаробод ва дастаи ДДҲБСТ иштирок намуданд.
Бонувони футболбоз ҳунари баланди футболбозӣ нишон дода, дар давраҳои ниҳоӣ дар баробари пешнҳоди мусобиқаи шавқовару байни дастаҳои барои ишғоли ҷойҳои ифтихорӣ сабқати пуршиддат намуданд.
Ниҳоят дастаи “Хуҷанд” бо 18 имтиёз ғолиби ин мусобиқа гардид. Футболбоздухтарони МТМУ № 13 ноҳияи Б. Ғафуров бо 15 имтиёз зинаи дуюмро ишғол намуда, дастаи “Мастчоҳ” бошад бо 12 имтиёз зинаи сеюмро касб кард.

Муфассал... Шарҳ додан

Табрикоти Раиси шаҳр ба муносибати Рӯзи байналмилалии якдилии меҳнаткашон

30 Апрел 2016

alt Ҳамшаҳриёни азиз!
Иди баҳору меҳнат ва Рӯзи байналмилалии якдилии меҳнаткашонро барои ҳар яки Шумо ва тамоми ҳамшаҳриён аз номи мақомоти иҷроияи ҳокимияти давлатии шаҳр табрик намуда, бароятон тансиҳативу хотирҷамъӣ, рӯзгори ободу осуда ва дар кору зиндагии ҳамарӯзаатон комёбиҳо орзу менамоям.
Ин иди умумиҷаҳонӣ на танҳо санаи 1 май дар айёми зебои сол ҷашн гирифта мешавад, балки ин санаи фархунда таҷассуми олитарин арзишҳои инсонист, ки меҳнаткашони тамоми ҷаҳонро новобаста аз миллату халқият ва наҷод ба дӯстиву рафоқат ҳидоят менамояд. Қиммати ин иди умумибашариро тоҷику тоҷикистонӣ, ки дар гузаштаи начандон дур парокандагиҳои халқу миллатро дида, туфайли иродаи қавӣ ва сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон боз ба ҳам омадааст, нащз медонад.

Муфассал... Шарҳ додан

Дастоварди арзандаи толибилмони шаҳри Хуҷанд.

30 Апрел 2016

Солҳои охир толибилмони муассисаҳои таълимии шаҳри Хуҷанд дар олимпиадаҳои вилоятиву ҷумҳуриявӣ ва байналмилалӣ фаъолона иштирок варзида, ба дастовардҳои назаррас ноил мегарданд. Пирӯзӣ дар озмунҳои фикрии хонандагон нишони он аст, ки сатҳи таълиму тарбия сол то сол боло меравад. Санаҳои 23-25-уми апрели соли 2016 дар шаҳри Новосибирски Федератсияи Руссия Олимпиадаи кушоди минтақавии «Золотая середина» бо иштироки муҳассилини муассисаҳои таълимии давлатҳои ИДМ баргузор гардид.
Дар ин Олимпиадаи бонуфуз се нафар хонандагони МТУҒ (хусусӣ)-и «Гулчини маърифат» Фазлиддин Шукуров, Хусрав Асимов ва Миҷгона Обидҷонова ширкат варзида, пирӯзӣ ба даст оварданд.
Фазлиддин Шукуров аз фанни биология сазовори мақоми аввал, Хусрав Асимов ва Миҷгона Обидҷонова аз фанни таърих соҳиби ҷойи дуюм гаштанд.

Муфассал... Шарҳ додан

Бозгашти Камол ба Ватан

30 Апрел 2016

Дар толори театри давлатии мусиқии тамошобини ҷавони ба номи Одилҷон Назаров аз тарафи толибилмони МТҒ «Мактаби Рустамов Ю.Д» бахшида ба 695-солагии Камоли Хуҷандӣ намошиномаи адабӣ бо номи «Бозгашти Камол ба Ватан» намоиш дода шуд. Намоишномаро аҳли зиё, сарварони муассисаҳои таълимӣ, омӯзгорону хонандагон тамошо карданд. Ба саҳнагузорандаи намоишнома омӯзгори фанни забон ва адабиёти МТҒ «Мактаби Рустамов Ю.Д» Муяссарахон Ҷӯраева ва оҳангсози он Абдураҳмон Тошматов мебошанд, ки як саҳнаи хеле ҷолибро аз рӯзгор ва зиндагиномаи шоири бузург Шайх Камоли Хуҷандӣ бо ширкати толибилмон ба намоиш гузоштанд. Намоишномаи адабӣ аз тифлии шоир ощоз гардида, сафар ба Каъбатуллоҳ, зиндагӣ дар Табрез ва шаҳри Сарой ва поёни умри Шайх Камолро инъикос менамуд. Зимни иҷрои нақшҳо толибилмон аз эҷодиёти Камоли Хуҷандӣ ғазалиёт қироат намуданд.

Муфассал... Шарҳ додан

Машварати омӯзгорони фанни забони русӣ

30 Апрел 2016

Дар ширхоргоҳ-кӯдакистони №24 иттиҳодияи методии омӯзгорони забони русӣ бо иштироки 27 нафар омӯзгорони фанни забони русии ширхоргоҳ-кӯдакистонҳои шаҳри Хуҷанд баргузор гардид.
Дар толори мусиқии ширхоргоҳ-кӯдакистон тарбиятгирандагони гуруҳи омодагӣ ба мактаб таҳти суруди шух ворид гардиданд. Сипас ба кӯдакон суҳбат дар бораи шаҳри Хуҷанд, ҷойҳои таърихии шаҳр, дарёи Сир, осорхона, театри Камоли Хуҷандӣ, муҷассамаҳои шаҳр гузаронида шуд. Тарбиятгирандагон таҳти мусиқии зинда васфи Хуҷанд, Тоҷикистон ва модар шеърҳо қироат карданд. Омӯзгори фанни забони русии ширхоргоҳ-кӯдакистони №24 Светлана Набиева бо гузаронидани машщулият ба кӯдакон дар бораи фаслҳои сол, ҳодисаҳои табиат ва табиати нотакрори диёр маълумот дод.
Ҳамаи иштирокчиёни иттиҳодияи методӣ ба се даста: «Офтобак», «Фаввора» ва «Ситора» тақсим шуда, байни ҳам мубодилаи афкор намуданд.

Муфассал... Шарҳ додан