АсосӣБойгонӣ

Навгонӣ

Паёми телевизионии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи Конститутсия

06 Ноябр 2017

Ҳамватанони азиз!
Дар таърихи навини мардуми мо қабули Конститутсияи давлати соҳибистиқлоламон яке аз рӯйдодҳои муҳимтарини сарнавиштсоз буда, ин санаи муборак ҳар сол бо рӯҳбаландии хосса таҷлил мегардад.
6 ноябри соли 1994 дар давраи ниҳоят ҳассоси сиёсиву иҷтимоӣ, дар замоне, ки ҳанӯз оташи ҷанги шаҳрвандӣ аланга мезад, аз ҷониби мардуми тамаддунсози мо бо дарки масъулияти бузург тавассути раъйпурсии умумихалқӣ қонуни асосии давлат - Конститутсияи Ҷумҳурии Тоҷикистон қабул карда шуд.
Бисту се соли амали Конститутсия собит сохт, ки халқи тамаддунсозу фарҳангӣ ва ободгари мо он замон тавонист санаде қабул намояд, ки дар ҳақиқат таҷассумгари манфиатҳои миллӣ буда, рушди бонизоми давлат ва ҳаёти осудаи ҷомеаро таъмин менамояд.

Муфассал... Шарҳ додан

Мулоқот бо вакилони Парлумони Аврупо

06 Ноябр 2017

Нимаи дуюми рӯзи 3 ноябр дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳайати вакилони Парлумони Аврупоро таҳти роҳбарии хонум Иветта Григулле Петерс, ки бо мақсади иштирок дар ҷаласаи 6-уми Кумитаи ҳамкории байнипарлумонии Тоҷикистон ва Иттиҳоди Аврупо дар Душанбе қарор доранд, ба ҳузур пазируфтанд.
Дар ҷараёни мулоқот ҳамкории Тоҷикистон бо Парлумони Аврупо, масъалаҳои рушди ҳамкории байнипарлумонӣ ва натиҷаҳои ҷаласаи шашуми Кумитаи байнипарлумонии Иттиҳоди Аврупо ва Ҷумҳурии Тоҷикистон баррасӣ карда шуд.
Президенти мамлакат муҳтарам Эмомалӣ Раҳмон Иттиҳоди Аврупоро аз ҷумлаи шарикони муҳимми Тоҷикистон дар арсаи байналмилалӣ номида, аз сатҳи имрӯзаи муносибатҳои гуногунҷанба изҳори қаноатмандӣ карданд.

Муфассал... Шарҳ додан

Паёми шодбошии Раиси шаҳри Хуҷанд Маъруф Муҳаммадзода ба муносибати Рӯзи Конститутсия

04 Ноябр 2017

Ҳамшаҳриёни азиз!
Таҷлили имсолаи Рӯзи Конститутсия бо рӯйдоди басо муҳиму таърихӣ ва фараҳбахш – таҷлили ҷашни 25 - солагии Иҷлосияи 16-уми Шӯрои Олии Ҷумҳурии Тоҷикистон рост омад, ки барои мардуми кишварамон санади сарнавиштсоз аст.
Қабули Конститутсия арзишмандтарин дастоварди мардум ва давлати тоҷикон дар интиҳои асри гузашта ба шумор рафта, натиҷаи мантиқии талошҳои ҷомеаи адолатпарвар дар роҳи расидан ба марҳалаи тозаи рушду инкишофи хеш ва муаррифии кишвари мо ба оламиён мебошад.
Бисту се сол муқаддам дар кишвари мо тавассути райъпурсии умумихалқӣ нахустин Конститутсияи Тоҷикистони соҳибистиқлол, яъне бахтномаи халқамон қабул гардид ва мо ин рӯзи воқеан таърихиро ҳар сол бо доир намудани силсилаи чорабиниҳои сазовори ин санади тақдирсоз таҷлил мекунем.

Муфассал... Шарҳ додан

Конститутсия-чароғи роҳи рушди давлати соҳибистиқлоли тоҷикон

04 Ноябр 2017

Имрӯз дар Кохи «Суғдиён»-и шаҳри Хуҷанд маҷлиси тантанавӣ ба муносибати 23-юмин солгарди Конститутсияи Ҷумҳурии Тоҷикистон бо иштироки фаъолон, роҳбарони мақомоти қудратӣ ва аҳли зиёи шаҳр баргузор гардид.
Раиси шаҳри Хуҷанд Маъруф Муҳаммадзода ҳозиринро бо Рӯзи Конститутсияи Ҷумҳурии Тоҷикистон таҳният гуфта, аз ҷумла таъкид намуд, ки қабули Конститутсияи Ҷумҳурии Тоҷикистон воқеан ба рӯйдоди нодири таърихи миллат- баргузории иҷлосияи Шонздаҳуми Шӯрои Олии Ҷумҳурии Тоҷикистон пайванди мустаҳкам дорад, зеро масъалаи қабули ин ҳуҷҷати раҳнамои миллат маҳз дар ин иҷлосия таҳти раҳнамоии Асосгузори сулҳу Ваҳдати миллӣ - Пешвои миллат, Президенти кишвар, муҳтарам Эмомалӣ Раҳмон ба миён гузошта шуда, барои омода намудани матни конститутсия аз ҳисоби донишмандону ҳуқуқшиносон ва коршиносони сиёсӣ ҳайати корӣ ташкил гардид.

Муфассал... Шарҳ додан

Иҷлосияи тақдирсоз миллатро аз нобудӣ эмин дошт

03 Ноябр 2017

Дар толори бинои КВД «Хуҷандобуканал» маҷлиси тантанавӣ ба истиқболи 23 солагии Конститутсияи Ҷумҳурии Тоҷикистон баргузор гардид. Абдуносир Қодиров чорабиниро ифтитоҳ намуда, нақши Конститутсияро дар эъмори давлатдории миллӣ ва рушди қонунгузории кишвар муҳим арзёбӣ намуд. Таъкид гардид, ки Конститутсия маҳсули андешаи миллӣ ва арзишҳои бунёдии халқи кишвар мебошад, зеро ин ҳуҷҷати сарнавиштсоз маҳз ба шарофати андешаву ҳуввияти миллӣ, таҳаммулгароӣ ва ҷасорату матонати сиёсии мардуми дорои маърифати баланди ҳуқуқӣ қабул гардида, барои устувории пояҳои давлати мустақил мусоидат намуд.
Сипас, Олимҷон Ҳасанов, вакили Иҷлосияи таърихии 16-ум баромад намуда, зикр кард, ки «Конститутсия аз тарафи халқ қабул шуд ва имрӯз дар қатори даҳгонаи беҳтарин Конститутсияҳои ҷаҳонӣ ҷой гирифтааст».

Муфассал... Шарҳ додан