АсосӣБойгонӣ

Навгонӣ

Раиси шаҳр ҷаласаи корӣ доир намуд.

(1 овоз, миёна 5.00 аз 5)

24 Феврал 2015

Имрӯз таҳти раёсати Раиси шаҳри Хуҷанд Раҷаббой Аҳмадзода ҷаласаи корӣ бо иштироки муовинони Раиси шаҳр, роҳбарони воҳидҳои сохторӣ, қудратӣ, раисони кумитаҳои маҳаллаҳо, директорони мактабҳои миёна, имомхатибони масоҷид ва дигар фаъолон доир гардид.
Ба баррасии кори ҷаласа масъалаҳои рафти иҷроиши «Барномаи давлатии мубориза бо ҷинояткорӣ дар Ҷумҳурии Тоҷикистон барои солҳои 2008-2015», Иҷроиши қарори Раиси шаҳри Хуҷанд аз 8 майи соли 2009,№332 «Оид ба пешигирӣ ва профилактикаи ҳодисаҳои худкушӣ ва сӯиқасд ба он», рафти тайёрӣ ба даъвати ҷавонон ба хизмати ҳарбӣ барои соли 2015 ва сатҳи иҷроиши қарори Раиси шаҳри Хучанд аз 28 июни соли 2013 № 324 «Дар бораи тасдиқ намудани ҳайати Комиссияи мақомоти иҷроияи ҳокимияти давлатии шаҳри Хуҷанд оид ба таъмини бехатарии ҳаракати дар роҳҳои шаҳр» гузошта шуд.

Муфассал... Шарҳ додан

Вохӯрии номзадҳо бо интихобкунандагон.

(1 овоз, миёна 5.00 аз 5)

24 Феврал 2015

Дар ҳавзаҳои интихоботии шаҳри Хуҷанд вохӯрии интихобкунандагон бо номзадҳо ба мақомоти намояндагии марказӣ ва маҳаллӣ идома дорад.
Дар мактаби миёнаи № 5 маркази вилоят воҳурии сокинон бо номзад ба вакили Маҷлиси намояндагони Маҷлиси Олиии Ҷумҳурии Тоҷикистон аз ҳавзаи интихоботии № 13 ГулбаҳорТурсунова, номзад ба вакили Маҷлиси вакилони халқи вилояти Суғд аз ҳавзаи интихоботии № 6 Анвар Яъқубӣ ва номзад ба вакили Маҷлиси вакилони халқи шаҳрӣ аз хавзаи интихоботии № 19 Раҷаббой Аҳмадзода баргузор гардид.
Воҳуриро раиси комиссияи ҳавзаи интихоботӣ Мақсуд Иномҷонов ифтитоҳ намуд.
Аз рӯи тартиби қабулгашта шахсони боэътимоди номзадҳо доири барнома ва ҳадафҳои номзадон сухан ронда, ҳозиронро даъват намуданд, ки рӯзи интихобот ба шахсони муаррифинамудаи худ овоз диҳанд.

Муфассал... Шарҳ додан

Марказҳои савдои зарардида аз нав ба фаъолият шурӯъ намуданд.

(1 овоз, миёна 5.00 аз 5)

23 Феврал 2015

Марказҳои савдои «Тоҷир», «Баҳор» ва «Сино», ки бар асари сӯхтор дар таърихи 15-уми ноябри соли 2014 ба коми оташ рафта буданд, пас аз таҷдид дубора ба истифода дода шуданд.
Имрӯз, Раиси вилояти Суғд Абдураҳмон Қодирӣ бо ҳамроҳии Раиси шаҳри Хуҷанд Раҷаббой Аҳмадзода бо мақсади иштирок дар маросими ба истифодадиҳии марказҳои савдо ба ин макон ташриф оварда, бо сифати корҳои сохтмонӣ аз наздик шинос гардид. Тавре таъкид гардид, ҳамаи 3 маркази савдо бо тарҳи наву замонавӣ бунёд гардида, соҳибкорон имкон пайдо намуданд, ки дар дӯконҳои замонавӣ ба кори худ оғоз бахшанд. Зимни боздид Раиси вилоят таъкид намуд, ки бо мақсади дастгирии соҳибкороне, ки аз сӯхтор зарар дида буданд, онҳо давоми як сол аз пардохти иҷорапулӣ озод ҳастанд.

Муфассал... Шарҳ додан

Иштироки Раиси шаҳр дар чорабинии идонаи сарбозон.

(1 овоз, миёна 5.00 аз 5)

24 Феврал 2015

Бахшида ба Рузи таъсисёбии Артиши Миллӣ Раиси шаҳри Хуҷанд дар тамоми қисмҳои низомии дар маркази вилоят қарор дошта чорабиниҳоим идона баргузор гардид.
Раиси шаҳри Хуҷанд Раҷаббой Аҳмадзода барои табрикоти сарбозону афсарон ба қисми низомии 3501 омад.
Ҳайати хизматчиён Раиси шаҳрро гарм пазироӣ намуда, дар машқгоҳи худ ба таври идона саф оростанд.
Дар оғоз меҳмонони чорабинии идонаро роҳбари қисми низомии номбурда поковник Акбаров Хуршед хайрамақдам гуфт.
Дар суханронии табрикотии худ Раиси шаҳр тамоми хизматчиёни ҳарбӣ, ҳомиёни ватанро бо 22 солагии таъсисёбии Артиши Милли Ҷумҳурии Тоҷикистон табрик намуда, изҳори умедворӣ намуд, ки сарбозони ватан ҳамеша барои ҳимояи марзу тамомияти кишвари маҳбубамон содиқона хизмат хоҳанд кард.

Муфассал... Шарҳ додан

Мусобиқаи шоҳмот байни сокинони шаҳр баргузор гардид.

(1 овоз, миёна 5.00 аз 5)

21 Феврал 2015

Тибқи нақша чорабинии Бахши ҷавонон варзиш ва сайёҳии шаҳри Хуҷанд бахшида ба Рӯзи Қувваҳои Мусаллаи Ҷумҳурии Тоҷикистон дар ҷойхонаи «Сирдарё»-и марказт вилоят мусобиқаи шаҳрӣ оид ба шоҳмот байни сокинони маҳаллаҳои шаҳр баргузор гардид.
Дар чорабинии мазкур беш аз 40 нафар дӯстдороин ин намуди варзиш иштирок намуданд.
Бозии мазкур, ки аз ҷониби Кумитаи Иттифоқҳои касабаи кормандони саноати маъдан ва металлургияи вилояти Суғд дастгирӣ ёфта барои ҳавасманд намудани тӯҳфаи хотиравӣ ва Диплом таъсис дода шуд.
Аз рӯи натиҷаҳои ба даст омада ҷойи аввал ба Абдувосиди Рамазонӣ, ҷойи дуюм бошад насиби Абдуқаҳҳор Ёқубов ва ҷойи сеюмро бошад Қадриддин Каримов соҳиб гардид. Ғолибони мусобиқа аз тарафи сарпарастон бо ифтихорнома ва тӯҳфаҳои хотиравӣ қадрдони карда шуданд.