АсосӣБойгонӣ

Навгонӣ

Шаҳри Хуҷанд намояндаҳои бародаршаҳри худ,- Шимкентро пазироӣ намуд.

26 Август 2016

Рӯзи гузашта гурӯҳи калони меҳмонони расмӣ аз шаҳри Шимкенти Ҷумҳурии Қазоқистон, ки бо шаҳри Хуҷанд аҳди бародаршаҳрӣ дорад, таҳти роҳбарии Сафири фавқулодда ва мухтори Ҷумҳурии Қазоқистон дар Ҷумҳурии Тоҷикистон ҷаноби Нурлан Сейтимов ба шаҳри Хуҷанд ташриф оварданд.
Дар минтақаи сарҳадии «Ойбек»-и вилоят меҳмононро, ки ба ҳайати онҳо роҳбарияти вилояти Қазоқистони Ҷанубӣ ва шаҳри Шимкенти ин вилоят, сиёсатмадорону соҳибкорон, ҳунармандон ва кормандони воситаҳои ахбори оммаи вилояти Қазоқистони Ҷанубӣ шомил буданд, муовини Раиси вилояти Суғд Анвар Яъқубӣ ва муовини раиси шаҳри Хуҷанд Абдураҳим Рашидӣ бо риояи суннатҳои меҳмоннавозӣ пешвоз гирифтанд.

Муфассал... Шарҳ додан

Мусобиқаи шашкаи русӣ байни наврасон

26 Август 2016

Мусобикаи навбатии бахшида ба 25 солагии Истиқлолияти давлатии Ҷумҳурии Тоҷикистон оид ба шашкаи руси байни писарон ва духтарон дар Муассисаи давлатии "Мактаби варзишии бачагон ва наврасони №2" шаҳри Хуҷанд баргузор гардид.
Дар мусобиқаи мазкур 30 нафар дӯстдорони ин намуди варзиш иштирок намуданд.
Байни писарон ҷойи якум ва мақоми бозингари беҳтарини шашкаи русиро байни ҳамсалони худ Олимҷон Раҷабов соҳиб гашта, ҷои дуюмро Насимзода Парвиз ва ҷойи сеюмро Масаидов Фирдавс ба даст оварданд.
Байни духтарон ҷои якумро Заррина Набиева ишғол намуд. Ҷойҳои дуюму сеюмро Меҳрангез Ҳасанова ва Умеда Боқиева ишгол намуданд. Ғолибони мусобиқа бо Диплом ва тухфахои хотиравӣ сарфароз гардонида шуданд.

Шарҳ додан

Маорифи шаҳр набояд пешсафиро аз даст диҳад

25 Август 2016

Дар машварати августии кормандони маорифи шаҳри Хуҷанд, ки дар толори маҷлисҳои Донишкадаи политехникии Донишгоҳи техникии Тоҷикистон ба номи академик М.Осимӣ сурат гирифт, Раиси шаҳри Хуҷанд Шариф Шарифзода, муовини ӯ Умеда Муродӣ ва сардори Раёсати маорифи вилояти Суғд Осим Каримзода иштирок намуданд.
Машваратро мудири шуъбаи маорифи шаҳри Хуҷанд Илҳом Султонов ифтитоҳ карда, аз дастоварду камбудиҳои соҳаи маорифи шаҳри Хуҷанд сухан кард. Аз он ҷумла, қайд намуд, ки машварати августии имсола оид ба вазифа ва уҳдадориҳои кормандони соҳаи маориф дар партави Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон сурат гирифта, ҳадафи асосӣ муайян намудани самти фаъолият дар соли хониши нав аст.

Муфассал... Шарҳ додан

Мусобиқаи валейболи соҳилӣ

26 Август 2016

Дар майдони варзишии назди соҳили Сирдарё давоми ду рӯз мусобиқаи кушоди шаҳри Хуҷанд оид ба волейболи соҳилӣ баргузор гардид. Тибқи иҷрои нақшаи чорабиниҳо оид ба ташкил ва баргузории озмунҳо, мусобикахо ва чорабиниҳои фарҳангӣ бахшида ба 25-солагии Истиқлолияти давлатии Ҷумҳурии Тоҷикистон ки аз ҷониби Роҳбари Дастгоҳи ичроияи Президенти Ҷумҳурии Тоҷикистон, Макомоти ичроияи хокимияти давлатии шахри Хуҷанд ва Бахши чавонон, варзиш ва сайёхӣ дар майдони варзишии назди сохили Сирдарё мусобиқаи кушоди шаҳри Хуҷанд оид ба волейболи соҳилӣ гузаронида шуд.
Дар мусобиқаи варзишии мазкур 4 дастаи волейболбозон соҳилӣ байни ҳам мусобиқа намуданд.
Лозим ба қайд аст, ки хусусияти хоси ин намуди варзиш аз он иборат аст, ки як даста аз ду нафар волейболбоз иборат буда, майдон бозӣ дар регзори соҳили дарё барпо карда мешавад.

Муфассал... Шарҳ додан

Теннисбозони навраси шаҳри Хуҷанд беҳтарин дар вилояти Суғд

25 Август 2016

Дар шаҳри Хуҷанд чорабиниҳои оммавӣ ва варзишӣ бахшида ба 25 солагии Истиқлолияти давлатии Ҷумҳурии Тоҷикистон идома дорад. Чунин як чорабинӣ дар толори варзишии «Ҷашнӣ»-и маркази вилоят аз рӯи намуди тенниси рӯи мизӣ байни кӯдакон ва наврасон баргузор гардид. Дар ин мусобиқаи шавқовар 40 нафар варзишгарони наврас дар 4 даста аз шаҳрҳои Хуҷанд Истаравшан ва ноҳияи ба номи Б Ғафуров ширкат намуданд.
Аз рӯи натиҷаи ба даст омада дастаи теннисбозони ҷавонону наврасони шаҳри Хуҷанд сазовори ҷойи якум, дастаи шаҳри Истаравшан сазовори ҷойи дуюм ва дастаи ноҳияи ба номи Бобоҷон Ғафуров сазовори ҷои сеюм гардиданд. Ғолибони мусобика бо диплом ва тӯҳфаҳои Бахши ҷавонон варзиш ва сайёҳии шаҳри Хуҷанд сарфароз гардонида шуданд.