АсосӣБойгонӣ

Навгонӣ

Оғози корҳои таҷдид ва азнавсозии роҳи мошингарди “Душанбе - Қӯрғонтеппа”

26 Октябр 2017

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо лоиҳаи таҷдид ва азнавсозии роҳи мошингарди “Душанбе - Қӯрғонтеппа” шинос шуда, барои оғози корҳои сохтмонӣ асос гузоштанд.

Ба Президенти мамлакат муҳтарам Эмомалӣ Раҳмон иттилоъ доданд, ки марҳилаи аввали лоиҳа 33,2 километрро дар бар гирифта, дар натиҷаи амалӣ гаштани он, роҳ аз категорияи “III“-юм ба категорияи “1-Б” гузаронида мешавад ва паҳноии он аз 16 то 25 метрро ташкил медиҳад.

Тибқи лоиҳа роҳ бо харҷи наздики 97 миллион доллар маблағҳои грантӣ ва қарзии Бонки Осиёии Рушд, Фонди ОПЕК ва беш аз 17 миллион доллар саҳми Ҷумҳурии Тоҷикистон бунёд мешавад.

Муфассал... Шарҳ додан

Мулоқот бо Президенти Бонки Осиёии Рушд Такехико Накао

26 Октябр 2017

Имрӯз дар Қасри миллат Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Бонки Осиёии Рушд Такехико Накаоро ба ҳузур пазируфтанд.

Сарвари давлат муҳтарам Эмомалӣ Раҳмон Бонки Осиёии Рушдро яке аз шарикони боэътимод ва стратегии Тоҷикистон арзёбӣ намуда, таъкид доштанд, ки аз соли 1998 то имрӯз ҳаҷми маблағгузории ин бонк ба соҳаҳои гуногуни иқтисодиву иҷтимоии кишвари мо қариб 1,6 миллиард доллари амрикоиро ташкил медиҳад.

Президенти Ҷумҳурии Тоҷикистон муҳтарам Эмомалӣ Раҳмон аз дастгирии молиявии Бонки Осиёии Рушд дар татбиқи лоиҳаҳо дар соҳаҳои маориф, энергетика, нақлиёт, гумрук, обёрӣ, пешгирии офатҳои табиӣ ва маблағгузории хурд изҳори қаноатмандӣ намуда, ба роҳбарияти бонк барои ҳамкорӣ ва саҳмгузорӣ дар рушди иқтисодиёти Тоҷикистон арзи сипос карданд.

Муфассал... Шарҳ додан

Таҳкими робита бо шаҳрвандон вусъат меёбад

25 Октябр 2017

Бо иқдоми Раиси шаҳри Хуҷанд Маъруф Муҳаммадзода бо мақсади ободу зебо намудани шаҳри азизамон ва таҳкими робитаи мардум бо Мақомоти иҷроияи ҳокимияти давлатии шаҳри Хуҷанд барои ҳалли мушкилоти бавуҷудомада почтаи электронии Этот e-mail адрес защищен от спам-ботов, для его просмотра у Вас должен быть включен Javascript фаъол гардид.
Минбаъд шаҳрвандон метавонанд доир ба камбудию ноқисиҳое, ки дар ин ё он гӯшаи шаҳр ба чашмашон меафтад, тариқи почтаи номбурда ирсол намоянд. Ҳамзамон сокинон метавонанд доир ба пешрафту рушди шаҳри бостонии Хуҷанд фикру андешаҳои хешро манзур кунанд.
Ифшо накардани ному насаби муаллифон кафолат дода мешавад.
Ҳар маводи дастрасгардида, ба Раиси шаҳри Хуҷанд Маъруф Муҳаммадзода дастрас ва аз ҷониби масъулин чораандешӣ карда мешавад.

Муфассал... Шарҳ додан

Маҷлиси Ҳукумати Ҷумҳурии Тоҷикистон

25 Октябр 2017

Имрӯз дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар кори маҷлис нахуст масъалаи кадрҳо баррасӣ карда шуд.

Сипас “Дар бораи ҷамъбасти натиҷаҳои рушди иҷтимоию иқтисодии Ҷумҳурии Тоҷикистон дар нуҳ моҳи соли 2017” ва Оид ба лоиҳаи Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2018” ва Дурнамои нишондиҳандаҳои Буҷети давлатӣ барои солҳои 2019-2020 ҳисоботи вазирони рушди иқтисод ва савдо ва молияи ҷумҳурӣ шунида шуд.

Таъкид гардид, ки маҷмуъи маҳсулоти дохилии ҷумҳурӣ дар моҳҳои январ-сентябри соли ҷорӣ ба 42,4 миллиард сомонӣ ва рушди воқеии он ба 6,8 фоиз баробар гардид.

Муфассал... Шарҳ додан

«Китобхонаи беҳтарин» муайян мешавад

24 Октябр 2017

Бо иқдоми бахши ҷавонон ва варзиш ва шуъбаи маорифи шаҳри Хуҷанд озмуни шаҳрии “Китобхонаи беҳтарин” байни китобхонаҳои муассисаҳои таҳсилоти умумӣ бахшида ба «Соли ҷавонон» ва Иҷлосияи XVI-уми Шӯрои Олии Ҷумҳурии Тоҷикистон баргузор мегардад.
Озмуни шаҳрии "Китобхонаи беҳтарин" бо мақсади эҳё ва рушди фаъолияти китобхонаҳои мактабӣ, бедор намудани ҳисси масъулият нисбат ба эҳтироми китоб, завқи китобхонӣ, эҳтиёт намудани китоб, китобдӯстӣ, зебоипарастӣ, завқи эстетикии хонандагон баланд бардоштани сатҳи тарбияи онҳо ташкил карда мешавад.
Озмуни мазкур бо мақсади мустаҳкам намудани пойгоҳи моддӣ-техникии китобхонаи мактабӣ, ғанӣ гардонидан ва таъмин намудани онҳо бо миқдори зарурии адабиёти бадеӣ ва бачагона роҳандозӣ гардида, ҳамзамон баҳри баланд намудани нуфузи китобхона ҳамчун ҷузъи муҳим ва ҷудонашавандаи раванду таълиму тарбия нигаронида шудааст.

Муфассал... Шарҳ додан