АсосӣБойгонӣ

Навгонӣ

Қабули шаҳрвандон аз ҷониби Раиси шаҳри Хуҷанд.

(1 овоз, миёна 5.00 аз 5)

12 Декабр 2015

Дар Мақомоти иҷроияи ҳокимияти давлатии шаҳри Хуҷанд «Рӯзи қабули шаҳрвандон» доир гардид.
Раиси шаҳри Хуҷанд Раҷаббой Ахмадзода бо иштироки роҳбарони воҳидҳои сохторӣ арзи сокинонро шунида барои баррасӣ, ҳаллӣ онҳо ва барои сари вақт иҷро гаштани онҳо ба масъулин дастуру супоришҳо дод.
Шаҳрвандон бо истифода аз имконият ба Раҷаббой Аҳмадзода доири мушкилоти худ ва мусоидат намудан барои баррасии мунсифонаи онҳо дархост намуданд.
Аз шумораи бештари муроҷиаткунандагон бештари масъала бобати ҷудо намудани замини наздиҳавлигӣ буд, ки теъдоди онҳо 9 нафарро ташкил дод.

Муфассал... Шарҳ додан

Хуҷанд ба пешвози соли нав омодагӣ мебинад.

(1 овоз, миёна 5.00 аз 5)

11 Декабр 2015

Маркази вилоят шаҳри Хуҷанди бостонӣ ба таҷлил ва пешвозисоли нави мелодӣ омодагӣ мегирад.
Дар асоси дастури Раиси шаҳри Хуҷанд Раҷаббой Аҳмадзода дар марказҳои фарҳангӣ-фароғатӣ арчаҳои солинавӣ гузошта шуда, бахши фарҳанги мақомоти шаҳрӣ, корхонаю ташкилотҳо ва муассисаҳои таълимию фарҳангӣ барномаҳои солинавии худро омода менамоянд.
Бо мақсади пурмазмун ва дар сатҳи баландӣ фарҳангӣ таҷлили намудани соли нави мелодӣ нақшаи чорабиниҳои шаҳрӣ таҳия гардида масъулини сохторҳои дахлдор вазифадор гардидаанд.
Бо ин мақсад дар панҷ мавзеи шаҳр арчаҳои солинавӣ гузошта шуда, аз нимаи дуюми моҳи декабр барномаҳои рангини солинавии ташкилоту муассисаҳои мухталиф намоиш дода мешавад.

Муфассал... Шарҳ додан

Ситоди шабонарӯзии шаҳрӣ ба фаъолият шурӯъ намуд.

(1 овоз, миёна 5.00 аз 5)

11 Декабр 2015

Дар асоси супориши Раиси шаҳри Хуҷанд Раҷаббой Аҳмадзода ва нақшаи тасдиқнамудаи Мақомоти иҷроияи ҳокимияти давлатии шаҳри Хуҷанд дар назди шаҳрдорӣ ситоди махсуси бартараф намудани ҳолатҳои дар натиҷаи хунукӣ, барфрезӣ ва яхбандии роҳҳу иншоотҳои ҳаётан муҳими маркази вилоят ба амал омада аз оғози оғози ҳафта равон ба фаъолият шурӯъ намуд.
Ба ҳайати ситод роҳбарони воҳидҳои сохтори дахлдори хоҷагию манзилӣ ва коммуналии шаҳр, идораи роҳсозӣ, партовкашонӣ, идораи барқ, «Хуҷандобуканал» шомил буда, навбатдории шабонарӯзӣ ташкил карда шудааст.
Ҳамзамон дар назди ситод 8 нафар корманд бо 4 адад воситаҳои техники барфтозакунӣ, нақлиёти боркашонии маводи зидди лағжиш, трактор ҳамеша дар ҳолати корӣ қарор дошта, дар мавридҳои зарурӣ роҳҳои шаҳрро аз барф тоза ва ҳаракати бехатари роҳҳоро бо пошидани маводи зидди лағжиш таъмин хоҳанд кард.

Муфассал... Шарҳ додан

«Бибиҳо..» даҳ сола шуд.

(1 овоз, миёна 5.00 аз 5)

11 Декабр 2015

Дар театри мазҳака-мусиқии ба номи К Хуҷандии маркази вилоят чорабинии идона бахшида ба 10 солагии таъсисёбии ансамбли фолклорӣ-этнографии «Бибиҳо..» баргузор гардид.
Маҳфили идонаро муовини Раиси вилояти Суғд Назира Ғаффорӣ ифтитоҳ намуда, табрикоту шодбошии Раиси вилояти Суғд Абдураҳмон Қодириро ба ҳайати гурӯҳ ва мухлисон расонд.
Номбурда баъди қироати номаи табрикотӣ ба аъзоёни ансамбл мукофотпулии Мақомоти иҷрояи ҳокимияти давлатии вилояти Суғдро супорид.
Раиси шаҳри Хуҷанд Раҷаббой Аҳмадзода аз номи Мақомоти иҷрояи ҳокимияти давлатии шаҳри Хуҷанд ҳунармандонро бо ин санаи хотирмон табрик намуда, саҳми онҳоро дар посдории анъанаҳои мардумӣ назаррас номид.

Муфассал... Шарҳ додан

Рушди фарҳанг-омили устувори ҷомеа

(1 овоз, миёна 5.00 аз 5)

11 Декабр 2015

Дар Маркази фарҳанги шаҳри Хуҷанд конфронси илмӣ-амалӣ бахшида ба ҷамъбасти «Соли фарҳанг ва рушди гулҳо» баргузор гардид. Дар ҷамъомади бошукӯҳ Раиси шаҳри Хуҷанд Раҷаббой Аҳмадзода, сардори Раёсати фарҳанги вилояти Суғд Ориф Набиев, доктори илмҳои санъатшиносӣ, профессор Аслиддин Низомов, фарҳангчиёни шаҳр ва устодону донишҷӯёни Донишгоҳи давлатии Хуҷанд ба номи академик Б.Ғафуров иштирок доштанд.
Ноиб-ректори ДДХ ба номи ак. Б.Ғафуров Матлуба Хоҷаева тамоми иштирокдорони конфронсро аз номи ректори донишгоҳ Анвар Мақсудов хайрамақдам гуфт.
Дар сухани худ иброз дошт, ки ҷамъомади мазкур бо ташаббуси Мақомоти иҷроияи ҳокимияти давлатии шаҳри Хуҷанд ва дастгирии маънавии факултаи санъати ДДХ ба номи ак.Б.Ғафуров рӯи кор омад.