АсосӣБойгонӣ

Навгонӣ

Конфронси илмии «Мероси таърихии Хуҷанд” бахшида ба Рӯзи шаҳри Хуҷанд.

24 Сентябр 2016

Дар маркази вилоят, шаҳри Хуҷанд чорабиниҳои мухталиф бахшида ба «Рӯзи шаҳри Хуҷанд» баргузор мегарданд. Имрӯз дар Донишгоҳи давлатии ҳуқуқ, бизнес ва сиёсати Тоҷикистон конференсияи илмӣ бахшида ба Рӯзи шаҳри Хуҷанд таҳти унвони «Мероси таърихии Хуҷанд” баргузор гардид.
Дар кори он Раиси шаҳри Хуҷанд Шарифзода Шариф Файз ширкат намуд.
Ҳамоиши илмиро бо сухани ифтитоҳӣ ректори Донишгоҳи давлатии ҳуқуқ, бизнес ва сиёсати Тоҷикистон, профессор Ҷамшед Ҷӯразода ифтитоҳ намуд.
Дар муқаддимаи конфронси илмӣ ҳозирон суханронӣ ва маърузаи илмии Раиси шаҳри Хуҷанд Шарифзода Шариф Файзро бо унвони “Хуҷанд имрӯз ва уфуқҳои рушди фардо” шуниданд.

Муфассал... Шарҳ додан

«Ганҷи сухан» дар рӯзи Рӯдакӣ

24 Сентябр 2016

Нишасти 143-юмини маҳфили илмиву адабии «Ганҷи сухан», ки ин навбат баргузории он бо санаи фараҳафзо - таҷлили Рӯзи Рӯдакӣ тавъам омад, дар толори китобхонаи илмии Донишгоҳи давлатии ҳуқуқ, бизнес ва сиёсати Тоҷикистон бо иштироки бештар аз 150 нафар донишмандону адибон, устодони донишгоҳҳо, донишҷӯён ва ихлосмандони каломи бадеъ ҷараён гирифт. Қабл аз маҳфил намоиши китобҳо бахшида ба ҳаёт ва фаъолияти асосгузори адабиёти тоҷик Одамушшуаро Абӯабдуллоҳи Рӯдакӣ ва асарҳои марбут ба забон ва таърихи он , инчунин дастовардҳои илмиву таълимии устодони ДДҲБСТ ба маърази тамошо ва баҳрабардорӣ гузошта шуд. Маҳфилро масъули он номзади илмҳои филология, адабиётшинос Саидумрон Саидов ифтитоҳ бахшида, тазаккур дод бузургдошти Рӯдакӣ ва забони модарӣ аз вазифаҳои муқаддаси ҳар як нафар сокини ватандӯст аст.

Муфассал... Шарҳ додан

Иштирок дар расми гузашти низомӣ ва роҳпаймоии сокинони вилояти Суғд

15 Сентябр 2016

Шоми имрӯз баъд аз ба истифода додани Маҷмааи таърихӣ-фарҳангии «Истиқлол» дар хиёбони Исмоили Сомонии шаҳри Хуҷанд тантанаҳои идона ба муносибати 25-умин солгарди Истиқлолияти давлатии Ҷумҳурии Тоҷикистон бо расми гузашти низомӣ ва роҳпаймоии сокинони вилоят, ки шумораи онҳо беш аз 15 ҳазор нафарро ташкил медод, идома ёфт.
Баъди ташрифи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба майдони баргузории чорабинӣ фармондеҳи парад, генерал-майор Бахтиёр Рузмуншоев тибқи оини низомиён фармони низом дода, ба Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ, генерали артиш Эмомалӣ Раҳмон аз омодагии қисму воҳидҳои низомии сохторҳои қудратии гарнизони Суғд оид ба расми гузашти ҳарбӣ гузориш дод.

Муфассал... Шарҳ додан

Табрикоти Раиси шаҳри Хуҷанд ба муносибати Рӯзи Рӯдакӣ

21 Сентябр 2016

alt

Ҳамшаҳриёни азиз!
Масъалаи омӯзиши осори таърихиву фарҳангӣ ва арҷгузорӣ ба хизматҳои фарзандони бузурги миллат дар роҳи таҳкими истиқлолияти давлат ва густариш пайдо кардани раванди худшиносиву худогоҳии ҳар як халқу миллат аҳамияти басо муҳим дорад.
Бо ин мақсад дар баробари амалӣ намудани дигар тадбирҳои фарҳангиву адабӣ 22 сентябр Рӯзи Рӯдакӣ муқаррар гардидааст, ки ин санаи фархундаро метавон рӯзи шеъри оламгири форсӣ низ муаррифӣ намуд.
Воқеан, қудрату нерӯи ҳар забон, пеш аз ҳама, ба нерӯи хирад ва заковати суханварон ва андешапардозон пайванд аст. Аз ин ҷост, ки чун сухан дар мавриди забони тоҷикӣ ва шеъри оламгири форсу тоҷик меравад, шахсияти устод Рӯдакӣ ба ҳайси нахустин сухангустаре, ки дар вусъати меъёрҳои аслии шинохти шеър гуфтору андеша ва афкори хешро щунҷоиш додааст, намоён мегардад.

Муфассал... Шарҳ додан

Ифтитоҳи маҷмааи таърихӣ-фарҳангии «Истиқлол» дар шаҳри Хуҷанд

15 Сентябр 2016

Дар рӯзи чоруми сафари кории худ ба шаҳру ноҳияҳои вилояти Суғд дар маркази шаҳри Хуҷанд Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Маҷмааи таърихӣ - фарҳангии “Истиқлол”-ро ифтитоҳ намуданд.
Сохтмони ин иншооти таърихӣ-фарҳангӣ моҳи майи соли 2016 оғоз гардида, дар рӯзҳои таҷлили ҷашни 25 - умин солгарди Истиқлолияти давлатии Ҷумҳурии Тоҷикистон бо иштироки Пешвову сарвари ояндасоз муҳтарам Эмомалӣ Раҳмон мавриди баҳрабардорӣ қарор дода шуд.
Лоиҳаи иншооти нодир ва муҳташам, ки акнун ба макони дӯстдоштаи сайру гашт ва тамошои сокинону меҳмонони шаҳри Хуҷанд мубаддал мегардад, аз ҷониби мутахассисони Ҷамъияти дорои масъулияти маҳдуди «Суғд Гиитиз» таҳия гардидааст ва маблағи лоиҳавии он 37 миллион сомониро ташкил медиҳад.