АсосӣБойгонӣ

Навгонӣ

Хонандагон бо ҳаёти сарбозӣ ошно гаштанд.

11 Май 2016

Дар доираи баргузории чорабиниҳои «20 рӯзи ҷавонӣ» ва таҷлили Рӯзи ҷавонони Тоҷикистон дар шаҳри Хуҷанд таҳти унвони «Ҷавонон–пайрави Пешвои миллат ва муҳофизони дастовардҳои 25 соли Истиқлолияти давлатии Ҷумҳурии Тоҷикистон!» имрӯз дар қисми низомии 3501 Вазорати корҳои дохилии Ҷумҳурии Тоҷикистон «Рӯзи дарҳои кушод» баргузор гардид.
Дар он бештар аз 500 нафар хонандагони синфҳои болои мактабҳои шаҳр ҷавонписарони сини даъватӣ ширкат намуданд.
Дар оғози ин чорабинӣ сарбозону афсарон ва хонандагонро муовини Раиси шаҳри Хуҷанд Умедахон Муродӣ ва сардори ин қисми низомӣ Умарзода Эргаш Насриддин бо баргузории рӯзҳои ҷавонон табрик намуданд.
Зикр гардид, ки мақсади баргузории ин чорабинӣ беш аз ҳама барои ошноии ҷавонписарон бо ҳаёти сарбозон, тарбияю таҳкими ҳисси ватандӯстӣ ва шавқи хизмати ҳарбӣ арзёбӣ мегардад.

Муфассал... Шарҳ додан

Таҷлили Иди Ғалаба дар қисми низомии 3501

09 Май 2016

Бахшида ба 71 –умин солгарди Ғалабаи мардуми шӯравӣ дар ҷанги дуюми ҷаҳонӣ дар маркази вилоят силсилаи чорабиниҳо баргузор мегардад. Дар қисми низомии 3501 Қӯшунҳои Вазорати корҳои дохилии Ҷумҳурии Тоҷикистон чорабинии идона баргузор гардид.
Дар ин чорабинӣ иҷрокунандаи вазифаи Раиси шаҳри Хуҷанд Шарифзода Шариф Файз иштирок намуда тамоми хизматчиёни ҳарбӣ афсарону сарбозони ин қисми низомиро бо Иди Зафар муборакбод намуд.
Баъди қисмати тантанавӣ дар назди иштирокдорони чорабинии идона ҳайати сарбозони ин қисми низомӣ, намунаи муҳорибаи тан ба тан, маҳорати гашти низомӣ қадамзанӣ ва дигар маҳорати ҷангии худро намоиш доданд.
Раиси шаҳри Хуҷанд дар баробари иштирок дар чорабинии идона аз шароити хизмат ва вазъи иҷтимоии сарбозон ошно гардид. Номбурда аз хобгоҳ, ошхона, ҳуҷраҳои дамгирӣ ва маишӣ дидан намуд.

Муфассал... Шарҳ додан

Иштирокчии Ҷанги Бузурги Ватанӣ Иди Ғалабро дар хонаи нав таҷлил менамояд

08 Май 2016

Иҷрокунандаи вазифаи Раиси шаҳри Хуҷанд Шарифзода Шариф Файз моҳи гузашта ҳангоми аёдати чанде аз собиқадорони меҳнат ва иштирокчиёни Ҷанги Бузурги Ватанӣ меҳмони хонаводаи иштирокчии Ҷанги Бузурги Ватанӣ Қориҷон Ахмедови 96 сола ва ҳамсари ӯ собиқадори меҳнати меҳнаткаши ақибгоҳ Лидия Ахмедоваи 92 сола буд. Давоми 69 сол аст,ки Қориҷон ва Лидия зиндагии якҷоя дошта, даврони пирӣ меронанд.
Ҳангоми мулоқот ин собиқадорони меҳнату ҷанг аз Раиси шаҳр хоҳиш намуда буданд, ки барои ба итмом расондани сохтмони хонаи истиқоматиашон кӯмак расонад. Чуноне, ки қаблан иттилоъ дода будем Шарифзода Шариф Файз ба Идораи сохтмони асосӣ ва Шӯъбаи шаҳрсозию меъмории шаҳр супориш дода буд, ки то таҷлили рӯзҳои Иди Ғалаба оилаи бояд дар хонаи нав ин идро бояд таҷлил намоянд.
Ва инак имрӯз гурӯҳи кори Мақомоти иҷроияи ҳокимияти давлатии шаҳри Хуҷанд бо роҳбарии муовини Раиси шаҳр Умедахон Муродӣ меҳмони манзили нави оилаи Ахмедовҳо шуданд.

Муфассал... Шарҳ додан

Роҳбарияти вилоят ва шаҳри Хуҷанд хотири шаҳидони Ҷанги Бузурги Ватаниро пос доштанд.

09 Май 2016

Бахшида ба 71-умин солгарди Иди Ғалаба бар фашизми гитлерӣ имрӯз дар пояи маҷмаи ёдгории шаҳидони Ҷанги Бузурги Ватанӣ ҳамоиши иштирокдорони ин ҷанг ва собиқадорони меҳнат баргузор гардид. Соати 09:00 Раиси вилояти Суғд Абдураҳмон Қодирӣ ва Раиси шаҳри Хуҷанд Шарифзода Шариф Файз ҳамроҳи муовинон ва роҳбарони воҳидҳои сохторӣ, собиқадорони ҷангу меҳнат ва роҳбарони консулгариҳои Федератсияи Россия, Ҷумҳурии Қазоқистон ва намояндигарии Ҷумҳурии Қирғизистон дар шаҳри Хуҷанд назди пояи ин муҷассама гулчанбар гузоштаа хотираи шаҳидони ин ҷанги даҳшатбори асри XI-ро пос доштанд.
Ҳамчунин имрӯз тамоми корхонаю ташкилотҳо низ дар назди муҷассамаҳои хоиравӣ ва пайкараҳои қаҳрамонони ин ҷанг гулчанбар гузошта, барои эҳтироми онҳо сари таъзим фуруд оварданд.

Муфассал... Шарҳ додан

Боз як кӯчаи шаҳр номи иштирокчии Ҷанги Бузурги Ватаниро гирифт

08 Май 2016

Номи тангкӯчаи Саховати кӯчаи ба номи Ҷ Зокиров ба номи яке аз иштирокчиёни Ҷанги Бузурги Ватанӣ Наҷмиддин Тоҷибоев иваз карда шуд. Ба ин муносибат дар яке аз гузарҳои қадимаи шаҳр, «Ниёз дегча» ҳамоиши сокинони маҳалла ва собиқадорони меҳнат ба ин муносибат баргузор гардид. Иҷрокунандаи вазифаи Раиси шаҳри Хуҷанд Шарифзода Шариф Файз дар ин чорабинӣ ширкат намуда, дар назди ҳозирон суханронӣ намуд.
Раиси шаҳр зимни суханронии худ таъкид намуд, ки баробари таҷлили Рӯзи Ғалаба, баргузории чорабиниҳои гуногуни ҳарбӣ ватандӯстӣ дар шаҳри Хуҷанд пос доштани хотираи шахсони аз набарди хунини аср барнагашта ба ҳукми анъана даромадааст. Маҳз бо шарофати сиёсати хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон имрӯз иштирокдорони Ҷанги Бузурги Ватанӣ таҳти ғамхории пайваста қарор дода шуда, хотираи шахсони дар ин ҷанг ҳалокгашта гиромӣ дошта мешавад.