АсосӣБойгонӣ

Навгонӣ

Ифтитоҳи чойхонаи «Адибон»

(3 овоз, миёна 5.00 аз 5)

27 Март 2015

Дар шафати Қасри «Маркази ҷавонон» баъди азнавсозиҳо як қатор иншоотҳои иҷтимоӣ ба фаъолият оғоз карданд.
Раиси вилоят Абдураҳмон Қодирӣ ва раиси шаҳри Хуҷанд Раҷаббой Аҳмадзода баъди иштирок дар маросими кушодшавии Лавҳаи фахрии «Шаҳрвандони фахрии шаҳри Хуҷанд» ба ин мавзеъ омада, дар ифтитоҳи «Чойхонаи адибон» иштирок намуданд.
Роҳбарияти шаҳру вилоятро аҳли адаби вилоят гарму ҷӯшон истиқбол гирифтанд. Дар чойхонаи навбунёд сари дастурхони идона мулоқоти гарми Абдураҳмон Қодирӣ бо адибону шоирон баргузор гардид.
Шоираи халқии Тоҷикистон Фарзона, муаллифи китоби «Фарҳанги ашъори Камол» шоир Абдуҷаббори Сурӯш роҳбарияти вилояту шаҳрро хайрамақдам гуфта, аз таҷлили Наврӯзи Аҷам ва иқдоми неки Раиси вилоят ҷиҳати бунёди Боғи адибони Камол ёдовар шуда, ба Абдураҳмон Қодирӣ барои ин гуна ғамхорӣ дар ҳаққи адибон арзи сипос намуданд.

Муфассал... Шарҳ додан

Азнавсозии Лавҳаи фахрӣ

(4 овоз, миёна 5.00 аз 5)

27 Март 2015

Имрӯз баъд аз зӯҳд дар маркази вилоят маросими тантанавӣ ба муносибати ифтитоҳи Лавҳаи «Шаҳрвандони фахрии шаҳри Хуҷанд» баргузор гардид.
Дар он Раиси вилоят Абдураҳмон Қодирӣ, раиси шаҳри Хуҷанд, Раҷаббой Аҳмадзода, зиёда аз 20 нафар сокиноне, ки ба гирифтани унвони фахрӣ сазовор дониста шуда буданд ва аҳли ҷамоатчигии шаҳр ширкат доштанд.
Раиси вилоят Абдураҳмон Қодирӣ ва раиси шаҳр Раҷаббой Аҳмадзода бо шаҳрвандони фахрӣ сӯҳбати гарму самимӣ ороста, аз хизматҳои арзандаи онҳо дар рушду нумӯи соҳоти гуногуни хоҷагии халқ ёдовар шуданд.

Муфассал... Шарҳ додан

Дар Иди Наврӯз 2 ҳазор нафар аёдат карда шуданд.

(3 овоз, миёна 5.00 аз 5)

25 Март 2015

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон дар рӯзҳои таҷлили ҷашни Наврӯз аз ҷониби сохторҳои давлати ва макомоти маҳаллӣ, дар шаҳри Хуҷанд ду ҳазор нафар аёдат карда шуданд.
Рӯзҳои таҷлили Наврӯзи Аҷам дар 6 муассисаҳои иҷтимоии маркази вилоят дастурхони идона ороста шуда, ба 24 нафар иштирокчиёни Ҷанги Бузурги Ватанӣ ва зиёда аз 100 нафар собиқадорони меҳнат кӯмаки яквақтаина иборат аз маводи хӯрока расонда шуд.
Ҳамчунин аз ҷониби Мақомоти иҷроияи ҳокимияти давлатии шаҳри Хучанд ба 700 нафар шахсони эҳтиёҷманд, ки дар рӯйхати камбизоат номнавис шудаанд чунин кӯмак иборат аз орду равған, биринҷу макарон ва гӯшту, шакар дастрас карда шуд.

Муфассал... Шарҳ додан

Ифтитоҳи иншоотҳои ҷашнӣ дар шаҳри Хуҷанд.

(4 овоз, миёна 4.00 аз 5)

25 Март 2015

Бо иштироки Президенти кишвар Эмомалӣ Раҳмон дар шаҳри Хуҷанд ду иншооти нави ҷашнӣ – бинои нави филиали минтақавии ҶСК «Тоҷиксодиротбонк» ва корхонаи коркарди шири «Порсои Хуҷанд» дар минтақаи саноатии маркази вилоят мавриди баҳрабардорӣ қарор гирифт.
Намояндагии минтақавии ҶСК «Тоҷиксодиротбонк» дар шаҳри Хуҷанд аз соли 1994 ба фаъолият шуруъ намуда, дар бозори молиявию қарзии ин минтақа чун шарики боэътимод мавқеи сазовор касб намудааст.
Бинои нави филиал барои беҳсозии хизматрасониҳои навтарини бонкӣ, муҳайё кардани шароити муносиб барои кормандон ва мизоҷон бунёд ёфтааст. Гуфтанӣ аст, ки ин филиали минтақавӣ дар бинои зебои истиқоматии 5-ошёна, ки аз ҷониби худи Тоҷиксодиротбонк бунёд ёфтааст, ҷой гирифтааст.

Муфассал... Шарҳ додан

Консерти устодони санъат дар Боғи Камоли Хуҷандӣ.

23 Март 2015

Боғи фарҳангӣ- фароғатии ба номи Камоли Хуҷандӣ, ки тибқи дастури Президенти Ҷумҳурии Тоҷикистон Эмомалӣ Раҳмон баъди азнавсои дар рузҳои таҷлили Наврӯзи Аҷам бо иштироки сарвари давлат ифтитоҳ гардид, ба макони фароғати мардум табдил ёфтааст.
Дар рӯзи дуюми ба фаъолият шурӯъ намудани ин макони фарҳангӣ барои иштирокдорон ва меҳмонони чорабиниҳои наврӯзӣ консерти устодони санъат баргузор гардид.
Дар консерти ройгон, ки беш аз якуним ҳазор нафар сокинону меҳмонони шаҳри Хуҷанд иштирок доштанд, ҳунармандони маъруфи кишвар Ҷӯрабек Набиев, Ҷурабек Муродов, Афзалшо Шодиев, Исроил Файзиддинов ва чанде дигар аз санъаткорони номӣ бо суруду таронаҳои худ таъби иштирокдорони танатанҳои наврӯзиро болида гардониданд.