АсосӣБойгонӣ

Навгонӣ

Табрикоти Раиси шаҳри Хуҷанд Раҷаббой Аҳмадзода ба муносибати таҷлили Рӯзи Ваҳдати миллӣ

22 Июн 2015

Фарорасии Рӯзи Ваҳдати миллиро ба Шумоён табрику таҳният гуфта, бароятон пойдории садоқат, саодату сарбаландӣ, ободию фаровонӣ таманно дорам. Таърихи халқияту миллатҳои ҷаҳон санаҳои муҳим ва ҳаводисеро медонад, ки аҳамият ва арзиши онҳо бо гузашти солҳо ҳамчун сарвати бебаҳои ин ё он миллат баландтар мегардад. Чунин санаи барои мардуми шарафманди Ҷумҳурии Тоҷикистон муҳиму сарнавиштсоз Рӯзи Ваҳдати миллӣ мебошад. Воқеан, 27 июни соли 1997 рӯзи муборакест, ки дар таърихи пуршарафи халқи куҳанбунёди мо бо ҳарфҳои заррин сабт гардидааст. Маҳз бо шарофати сулҳу ваҳдати комил дар Тоҷикистон ба бунёди давлати демокративу ҳуқуқасос ва дунявӣ заминаи устувор гузошта шуд.

Муфассал... Шарҳ додан

Муроҷиати шаҳрвандон ба Раиси шаҳри Хуҷанд.

20 Июн 2015

Имрӯз низ Раиси шаҳри Хуҷанд Раҷаббой Аҳмадзода бо мақсади ҳалли мушкилот ва баррасии дархост, сокинони маркази вилоятро қабул намуд.
Пеш аз оғози қабули сокинон Раҷаббой Аҳмадзода таъкид намуд, ки баргузории чунин сӯҳбатҳои бевосита бо шаҳрвандон дар асоси дастури Президенти Ҷумҳурии Тоҷикистон,Ҷаноби Олӣ, мӯҳтарам Эмомалӣ Раҳмон сурат мегирад.
Давоми рӯз 47 нафар сокинон намояндагони табақаҳои гуногуни иҷтимои бо чанд масалаҳои ҳалталаби худ муроҷиат намуданд.
Ба Раиси шаҳри Хуҷанд 12 нафар барои кӯмаку мусоидати беҳтар намудани шароити манзилашон, 9 нафар барои кӯмаки дастрас намудани масолеҳи сохтмонӣ муроҷиат намуданд.

Муфассал... Шарҳ додан

Мулоқоти судманд бо фаъолони шаҳр

19 Июн 2015

Бо мақсади баланд бардоштани маърифати ҳуқуқи ва паст намудани теъдоди ҳолату сабабҳои ба ҷиноят мусоидаткунанда мулоқоти Раиси шаҳри Хуҷанд Раҷаббой Аҳмадзода ва сардори Раёсати Вазорати корҳои дохилаи Ҷумҳурии Тоҷикистон Назарзода Шариф Раҳмон бо роҳбарони воҳидҳои сохторӣ, раисони кумитаҳои маҳалла, сарварони мактабҳои миёна ва миёнаи махсус, ходимони дин, роҳбарони бозорҳои шаҳр ва дигар намояндагони соҳаҳои дахлдор баргузор гардид.
Қабл аз оғози мулоқот ба ҳозирон чанд гузориши аз ҷониби хадамоти иттилоотии Раёсати Вазорати корҳои дохилии Ҷумҳурии Тоҷикистон дар вилояти Суғд омода намуда пешкаш гардид.
Мулоқот бо суханронии ифтитоҳии Раиси шаҳри Хуҷанд Раҷаббой Ахмадзода шурӯъ гардид.

Муфассал... Шарҳ додан

Ҳисобченкунакҳои барқии сокинон электронӣ мешавад.

(3 овоз, миёна 5.00 аз 5)

20 Июн 2015

Дар шаҳри Хуҷанд бо дастгири Ҳукумати Ҷумҳурии Тоҷикистон ва маблағгузори Бонки Аврупоии Таҷдид ва Рушд, Бонки Сармоягузории Аврупо ва Комиссия Аврупо лоиҳаи “Паст намудани талафоти неру дар вилояти Суғд” амалӣ мегардад.
Бо мақсади шиносоӣ бо вазъӣ имрӯзаи амалишавии лоиҳаи мазкур Раиси шаҳри Хуҷанд Рачаббой Ахмадзода роҳбарияти Идораи “Барқи Тоҷик” дар шахри Хуҷанд ва ҳайати кории лоиҳаро ба ҳузур пазируфт.
Тавре ба Раиси шаҳри Хуҷанд иттилоъ дода шуд, дар оғози лоиҳа, қарордод ба хизматрасонии мушовири вобаста ба тайёр намудани лоиҳаи техники ва ёрӣ дар татбиқи лоиҳа бо Ширкати "Fichtner Gmbh and Co. KG" баста шуд. Аз тарафи гуруҳи татбиқи лоиҳа дар ҳамкорӣ бо мушовир ва мутахасисони шабақаҳои барқи, пеш аз тайёр намудани маводҳои тендерӣ, ташхиси шабақаҳои барқӣ гузаронида, сабабҳои паст будани шиддат дар таҷҳизотҳои барқии муйян карда шуд.

Муфассал... Шарҳ додан

Ярмарка-намоиши «Молҳои содиротии Эрон-2015»

(1 овоз, миёна 2.00 аз 5)

19 Июн 2015

Дар «Қасри варзиш»-и шаҳри Хуҷанд ярмарка- намоиши ширкатҳои Ҷумҳурии Исломии Эрон доир гардид. Дар расми кушоди он Раиси вилояти Суғд Абдураҳмон Қодирӣ, Раиси шаҳри Хуҷанд Раҷаббой Аҳмадзода, устондори вилояти Хуросони Разавии Ҷумҳурии Исломии Эрон Алиризо Рашидиён, Сафири фавқулодда ва Мухтори Ҷумҳурии Исломии Эрон дар Тоҷикистон Ҳуҷҷатуллоҳ Фағонӣ ширкат варзиданд.
Раиси вилояти Суғд зимни суханронии худ иброз дошт, ки Ҷумҳурии Исломии Эрон бо Ҷумҳурии Тоҷикистон риштаи пайвандии фарҳангиву таърихӣ дошта, муносибати ҷонибҳо ҳамарӯзақавитармегардад. Далели ин гуфтаҳо фаъолияти беш аз 200 ширкати эронӣ дар кишвар ба ҳисоб меравад.

Муфассал... Шарҳ додан