АсосӣБойгонӣ

Навгонӣ

Фаъолияти бахши бойгонии шаҳр дар ҳафт моҳи имсола.

03 Август 2015

Бахши бойгонии мақомоти иҷроияи ҳокимияти давлатии шаҳри Хуҷанд бо мақсади иҷрои қарори Раиси шаҳр аз 24 майи соли 2010, №356 «Оид ба қарори Ҳукумати Ҷумҳурии Тоҷикистон аз 02 июли соли 2009, №373 «Дар бораи Барномаи рушди кори бойгонӣ дар Ҷумҳурии Тоҷикистон барои солҳои 2009-2018»» дар давраи ҳафт моҳи соли 2015 якчанд тадбирҳоро амалӣ намуд.
Бо назардошти зарурати ҳар чӣ зудтар ҳал намудани масъалаҳои муҳими ҳалталаб оид ба рушди минбаъда ва такмил додани кори бойгонӣ, баланд бардоштани нақши ҷамъиятию сиёсии бойгонии байниидоравӣ дар марҳилаи ҳозираи тарақиёти давлатӣ соҳибистиқлол вазифаи аввалиндараҷаи таърихнопазирии тамоми муассисаҳои бойгонии шаҳр, анҷом додани корҳои амалии зерин ҳисобида мешавад.

Муфассал... Шарҳ додан

Ҷанговарони байналмиллали тоҷику қирғиз дар Хуҷанд мулоқот намуданд.

03 Август 2015

Бодастгирии Мақомоти иҷроияи ҳокимияти давлатии вилояти Суғд дар якҷоягӣ бо Иттифоқи собиқадорони ҷанговарони интернатсиалист вохӯрии ҷанговарони байналимиллали вилояти Суғд бо иштирокчиёни ҷангҳои байналмиллалӣ аз вилояти Боткенти Ҷумҳурии Қирғизистон баргузор гардид.
Меҳмононро аз даромадгоҳи маркази вилоят муовини Раиси шаҳр Умеда Бурҳонзода Муродӣ, ҷавонони фаъол ва собиқадорони ҷанговарони интернатсиалисти шаҳр пешвоз гирифтанд.
Баъди қабули расмӣ ва самими меҳмонон иштирокдорони чорабинӣ дар Боғи Ғалаба ба пояи муҷассамаи ёдгории ҷанговарони қурбонгашта дар хориҷи кишвар гулчанбар гузоштанд.
Сипас ҷангварони байналмиллали тоҷик ба ҳамяроқони қирғизи худ иншооти «Қасри варзиш», Варзишгохи «20 солагии Тоҷикистон», ҳавзи шиноварӣ ва Маҷмааи таърихӣ-фарҳангӣ ва фароғатии ба номи К. Хуҷандиро намоиш доданд.

Муфассал... Шарҳ додан

Мағозаи дару тирезаҳо бо технологияи олмонӣ.

29 Июл 2015

Имрӯз дар шаҳри Хуҷанд мағозаи фурӯш ва қабули дархост барои сохтани дару тирезаҳои бо технология олмонӣ ифтитоҳ гардид.
Назар ба маълумоти масъулин, мағозаи мазкур дар доираи лоиҳаи «Мусоидат барои рушди соҳибкории хурд дар риштаи сарфаи неруи гармӣ», аз ҷониби ташкилоти «Агроаксияи Олмон» амалӣ мегардад.
Маҳз бо ин намуди технологияи олмонӣ сохта шудани дару тирезаҳои чӯбӣ имкон медиҳад,ки барои нигоҳдории гармӣ маводи сӯхт камтар сарф шуда, он барои муҳит низ безарар аст. Назар ба ташхиси мутахассисон дару тирезаҳои номбурда аз 15 то 30 % ҳарорати мувофиқи хонаро вобаста ба фасли сол бештар эҳтиёт менамояд.
Ҳангоми кушодашавии мағоза муовини Раиси шаҳри Хуҷанд Маъруф Мамадҷонов барои ин иқдоми нек аз номи Раиси щаҳри Хуҷанд Раҷаббой Аҳмадзода изҳори сипос намуда, изҳори умедворӣ намуд, ки ташкили ин мағоза барои сифатан беҳтар гаштани рақобати маҳсулоти хонасозӣ мусоидат менамояд.

Муфассал... Шарҳ додан

Мусобиқаи шашкаю шоҳмот байни нобиноён.

30 Июл 2015

Имрӯз дар чойхонаи «Сирдарё»-и маркази вилоят мусобиқаи шаҳрӣ оид ба намуди шашкаи русӣ байни мардон ва ва занон ва шоҳмот байни мардҳо байни нобиноён, бахшида ба Соли Оила баргузор гардид.
Чорабинии мазкур дар асоси Қарори Раиси шаҳри Хуҷанд аз санаи 29 июли соли 2015, № 537 «Дар бораи ҷудо намудани маблағ барои гузаронидани мусобиқаи шаҳри Хуҷанд оид ба шашкаи русӣ ва шоҳмот байни нобиноён» доир гардида дар он 20 нафар аз ҷамъияти нобиноён иштирок намуданд.
Мусобиқа басо шавқовар гузашта кормандони Бахши ҷавонон варзиш ва сайёҳии шаҳри Хуҷанд барои баргузории чорабинии мазкур тамоми шароитҳоро фароҳам оварданд. Аз рӯи натиҷаҳои ин мусобиқа ғолибон муайян карда шуданд.

Муфассал... Шарҳ додан

Дар кӯчаи қадимаи шаҳр мушкилот ҳал шуд.

29 Июл 2015

Имрӯз Раиси шаҳри Хуҷанд Раҷаббой Аҳмадзода дар оғози корҳои мумфаршкунии кӯчаи ба номи Ҷ. Зокир иштирок намуд. Қаблан Раҷаббой Аҳмадзода бо сокинону пирони ин кӯчаи қадимаи маркази вилоят мулоқоти самимӣ анҷом дод.
«Кору амалҳои созанда, ки барои беҳбудии зиндагӣ ва ободии сарзамини мардуми мо ба анҷом мерасад, аз дастуру ҳидоятҳои Ҷаноби Олӣ, мӯҳтарам Эмомалӣ Раҳмон сарчашма мегирад. Шумо шоҳид ҳастед, ки шаҳри бостонии Хуҷанд бо шарофати ин роҳнамоии сарвари кишвар ободу зебо мешавад. Мо азм дорем нақшаҳои дар доираи идома додани соли роҳҳои обод ба зимма гирифтаамонро имсол низ бо сифат ба анҷом расонем. Зеро ташаббуси Раиси вилоят мӯҳтарам Абдураҳмон Қодирӣ дар бораи идома додани соли роҳҳои обод, байни мардум дастгирии ҳамаҷониба ёфтааст.»- қайд намуд хангоми сӯҳбат бо мардуми ин маҳал Раиси шаҳри Хуҷанд.