АсосӣБойгонӣ

Навгонӣ

Нахустин маркази ҷарроҳии пластикӣ дар шаҳри Хуҷанд.

(5 овоз, миёна 3.80 аз 5)

07 Август 2015

Аз оғози моҳи август дар шаҳри Хуҷанд нахустин Маркази касметологӣ ва ҷарроҳии пластикӣ «Ҳусноро» ба фаъолият шурӯъ намуд.
Корафтодагон минбаъд имкон доранд дар маркази «Ҳусноро» барои ислоҳи чурмҳои пӯсту руй ва бартараф намудани ноқиси берунаи ди зоҳирии худ ба мутахассисони маркази номбурда муроҷиат намоянд.
Маркази номбурда барои эҳтиёҷмандон ва мизоҷони худ бештар аз 70 намуди амалиётҳои тиббӣ ва ороиширо пешниҳод менамояд.
Дар ин ҷо ду нафар духтурони ботаҷрибаи ҷарроҳи пластиқи ва пӯсту таносул, ки дар марказҳои тиббии хориҷи кишвар таҷрибаи корӣ омӯхтаанд фаъолият дошта, теъдоди умумии кормандон 8 нафарро ташкил медиҳад. Ар се ҳуҷраи барҳавои муҷаҳҳаз барои гузаронидани ҳар гунна амалиётҳои зарурӣ шароит фароҳам оварда шудааст.

Муфассал... Шарҳ додан

Мулоқот бо масъулини Прокуратура

07 Август 2015

Дар асоси барномаи таълим ва тарбияи ҳуқуқии шаҳрвандон ва нақшаи кории Прокуратураи вилояти Суғд имрӯз дар маҷлисгоҳи Мақомоти иҷрояи ҳокимияти давлатии шаҳри Хуҷанд мулоқоти сардори Шӯъбаи назорати тафтишотии пешакӣ дар мақомоти прокуратураи вилояти Суғд, мушовири адлияи дараҷаи 2 Азиз Рустамзода ва Прокурори шаҳри Хуҷанд,мушовири адлияи дараҷаи 1 Арабшо Солизода бо имом-хатибони масоҷиди шаҳр, роҳбарони муассисаҳои тиббӣ, таълимии умумӣ,миёнаи махсус, раисони кумитаи маҳаллаҳо, Шӯрои занҳо баргузор гардид.
Максади мулоқот баланд бардоштани маърифати ҳуқуқии шаҳрвандон, пешгирӣ намудани ҷинояткорӣ, ҳуқуқвайронкунӣ байни ҷавонон ва наврасон, риояи санадҳои ҳуқуқӣ доири танзими расму ойин ва озодии дину эътиқод, масъулияти волидайн дар таълиму тарбия фарзанд, гаравидани ҷавонон ба ҳизбу ҳарактҳои террористӣ буда, он дар тамоми корхонаю идораҳо ва ташкилотҳои мухталиф доир мегардад.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода ба муносибати Рӯзи кормандони сохтмон

07 Август 2015

Кормандони ташкилотҳои бинокорӣ, кули сохтмончиёнро ба муносибати иди касбиашон - Рӯзи сохтмончиён сидқан аз номи мақомоти иҷроияи ҳокимияти давлатии шаҳри Хуҷанд муборакбод менамоям. Барои ҳар яки онҳо тани сиҳату хотири ҷамъ, рӯзгори обод ва дар меҳнати пурифтихорашон баҳри ободию шукуфоии кишвари азизамон муваффақиятҳо хоҳонам.
Аслан мафҳуми созандагию бунёдкориро ҳам ба сохтани иморат, бунёди шаҳру деҳот ва ҳам ба тафаккури покизаи инсонӣ, обод кардани иморати зиндагӣ, бунёдгузории ҳаёти нав нисбат медиҳанд. Аз ин хотир тазаккур бояд дод, ки рӯ ба созандагӣ ниҳодани мамлакат, бунёди даҳҳо иншооти таъиноти иҷтимоию маишӣ ва фарҳангӣ, торафт ободу зебо гардондани манзилу макон нишони тинҷию осоиш, устувории сулҳу амонӣ ва хотири ҷамъи мардумон аст.

Муфассал... Шарҳ додан

Семинар-машварат оид ба сабақҳои омӯхташуда

07 Август 2015

Дар доираи Созишномаи кӯмаки башардӯстона - бунёди вижаи вокуниш ба ҳолатҳои фавқулодда, ки ба оилаҳои зарардида аз офати табиӣ дар шаҳру ноҳияҳои Исфара, Ҷ.Расулов ва Айнии вилояти Суғд барои 130 оила аз ҳисоби Федератсияи байналмилалии ҷамъиятҳои Салиби Сурх ва Ҳилоли Аҳмар маводҳои ғайрихӯрока, аз ҷумла кампал, рахти хоб, болиш, бистар, ҷиҳози обгирӣ, сатили пластмасӣ, бел, каланд, маводҳои ошхонаву гигиенӣ дастрас карда шудааст, бо мақсади ҳамоҳангсозии минбаъдаи фаъолияти дастаҳои миллӣ ба ҳолатҳои фавқулодда дар маҳал рӯзи 5 августи соли 2015 дар шаҳри Хуҷанд семинар-машварат оид ба сабақҳои омӯхташуда баргузор гардид.

Муфассал... Шарҳ додан

Табрикоти Раиси шаҳри Хуҷанд муҳтарам Раҷаббой Аҳмадзода бахшида ба Рӯзи варзишгарон

06 Август 2015

Варзишгарон, собиқадорону мураббиён ва кормандони соҳаи варзишро аз номи мақомоти иҷроияи ҳокимияти давлатии шаҳри Хуҷанд бо ин рӯзи муборак табрику таҳният гуфта, бароятон тансиҳативу хонаободӣ, бахту иқболи баланд ва дастовардҳои бузурги варзиширо таманно дорам.
Воқеан, варзиш дар ҳар давру замон қосиди сулҳу дӯстӣ ва муаррификунандаи ҷаҳони маънавию солимии миллату давлат буд ва минбаъд низ боқӣ хоҳад монд. Бо шарофати сиёсати хирадмандонаи Сарвари давлат, Ҷаноби Олӣ, муҳтарам Эмомалӣ Раҳмон варзиш дар Тоҷикистони соҳибистиқлол ҳамчун ҷузъи муҳими таркибӣ ва пураҳамияти арзишҳои фарҳангӣ гашта, рушду инкишоф додани он дар байни табақаҳои васеи омма яке аз омилҳои муҳими солимгардонии ҷомеа ба ҳисоб меравад.

Муфассал... Шарҳ додан