АсосӣБойгонӣ

Навгонӣ

Спартакиадаи варзишии табибон

15 Август 2015

Дар варзишгоҳи «Лочин» Спартакиадаи варзишии муассисаҳои тиббии вилояти Суғд доир гардид.
Чорабинии мазкур бахшида ба рӯзи табибон,ки ҳамасола санаи 18 август қайд мегардад, баргузор гардид. Табибону кормандони соҳаи тандурустӣ аз рӯи панҷ намуди варзиш,- футбол, валейбол, шашка, шоҳмот ва тениси рӯи миз байни ҳам қувваозмоӣ намуданд.
Дар мусобиқаи ниҳоӣ ва ҷамбасти ин чорабинӣ муовини Раиси вилояти Суғд Назира Абдуллозода Ғаффорӣ ва Раиси шаҳри Хуҷанд Раҷаббой Аҳмадзода иштирок ва баромад намуданд.
Аз рӯи натиҷаҳои мусобиқа байни дастаҳои футболбозон дастаи Беморхонаи шаҳрии № 1 ба номи Султон Урунов ҷойи аввалро ишғол намуда, дастаи табибони Беморхонаи вилоятӣ мақоми дуюмро соҳиб гаштанд. Дар ҷойи сеюм бошад Маркази микроҷарроҳии чашми вилояти Суғд қарор гирифтанд.

Муфассал... Шарҳ додан

Марафони хайриявӣ

14 Август 2015

Субҳи имрӯз аз назди Кӯдакистони президентӣ то назди муҷассамаи устод Абӯабдуллоҳи Рӯдакӣ марафони хайриявии маъюбон бо номи «Саломат бошед» доир гардид, ки дар он 100 нафар маъюбони шаҳру вилоят иштирок карданд. Дар назди муҷассама онҳоро намояндагони Мақомоти иҷроияи ҳокимияти давлатии шаҳри Хуҷанд бо тантана пешвоз гирифтанд.
Зимни чорабинӣ гуфта шуд, ки марафони мазкур бо дастгирии Раиси вилоят Абдураҳмон Қодирӣ ва Раиси шаҳр Раҷаббой Аҳмадзода баргузор гашта истодааст.
Имрӯз дар вилояти Суғд зиёда аз 56 ҳазор маъюбон зиндагӣ мекунанд. Аз онҳо 15500 нафарашон маъбони камбизоат-аъзои Чамъияти маъюбони вилоят ба ҳисоб мераванд, ки ҳамеша аз дастгириву ғамхории давлату ҳукумат бархурдор ҳастанд.

Муфассал... Шарҳ додан

Шаҳри Хуҷандро боз 5 фаввораи зебо оро хоҳанд дод.

13 Август 2015

Дар асоси дастури Президенти Ҷумҳурии Тоҷикистон бобати сазовор пешвоз гирифтани ҷашни Истиқлолияти давлатии Ҷумҳурии Тоҷикистон Мақомоти иҷроияи ҳокимияти давлатии шаҳри Хуҷанд нақшаи махсуси корҳои ободонӣ ва созандагӣ таҳия гашта, он амалӣ мегардад.
Тибқи нақшаи номбурда то рӯзҳои таҷлили ҷашн ба истифода додани боз панҷ фаввора бо сохту тарҳи замонавӣ пешбинӣ гаштааст. Фаввораҳои нав назди бинои Бонки «Арванд», идораи шабакаҳи барқи шаҳри Хуҷанд, бинои маъмурии Раёсати стандарти давлатии вилояти Суғд сохта шуда, фаввораҳои назди бинои Иттифоқҳои касаба ва бинои собиқ Хонаи маишии «Наврӯз» пурра бо тарҳи ҷадиду замонавӣ азнавсозӣ мегарданд.
Раиси шаҳри Хуҷанд барои сари вақт ва бо сифат ба анҷом расондани корҳои сохтмонӣ ба сохтмончиёни Идораи сохтмони асосии шаҳр дастур дода таъкид намуд,

Муфассал... Шарҳ додан

Мулоқоти номзадҳо бо интихобкунандагон.

13 Август 2015

Тибқи қарори Маҷлиси вакилони халқи вилояти Суғд аз санаи 30 июни соли равон дар ҳавзаи интихоботӣ ба № 5 «Масҷиди сурх»-и шаҳри Хуҷанд, ба ивази вакили хориҷшуда санаи 30 августи соли равон интихоботи такрорӣ барои мақоми вакили Маҷлиси вакилони халқи вилояти Суғдро соҳиб гаштан, баргузор мегардад.
Тибқи нақшаи тасдиқнамудаи ҳавзаи интихоботии мазкур силсилаи мулоқоту вохӯриҳо бо номзадҳои сабтшуда оғоз ёфт.
Мулоқоти нахустини интихобкунандагон дар мактаби таҳсилоти умумии № 3 маркази вилоят бо номзадҳои вакили маҷлиси вилоятӣ, Гулбаҳор Маҳкамова ва Хайём Турсунов баргузор гардид.
Баъди ифтитоҳи вохӯрӣ аз ҷониби раиси ҳавзаи интихоботии № 5 номзадҳои зикргардида ба ҳозирон барномаи пешазинтихоботии худро муаррифӣ намуданд.

Муфассал... Шарҳ додан

Сохтмон дар хиёбони Р. Набиев оғоз меёбад.

13 Август 2015

Бо дастгирии Ҳукумати Ҷумҳурии Тоҷикистон дар шаҳри Хуҷанд лоиҳаҳои ҷадиди меъморию сохтмонӣ амалӣ мегардад. Яке аз ин лоиҳаҳо сохтмони маҷмаи биноҳои истиқоматӣ ва иншоотҳои иҷтимоӣ дар хиёбони ба номи Р Набиев аст.
Раиси шаҳри Хуҷанд Раҷаббой Аҳмадзода бо Директори генералии ширкати давлатии сохтмонии «Пекин» -Ҷао Шин Ҷо, ва гурӯҳи меъморону сохтмончиёнро аз Ҷумҳурии Мардумии Чин ба ҳузур пазируфт.
Ҳайати меҳмонон нақшаи мукаммал ва лоиҳаи ангории сохтмониро дар хиёбони ба номи Р. Набиев ба Раиси шаҳр муаррифӣ намуданд. Дар асоси он сохтмони 15 бинои баландошёна барои 1200 оила, бунёди мактаби чаҳорошёна ва дигар иншоотҳои иҷтимоӣ пешбинӣ гаштааст.

Муфассал... Шарҳ додан