АсосӣБойгонӣ

Навгонӣ

Табрикоти Раиси шаҳр Раҷаббой Аҳмадзода ба муносибати Рӯзи кормандони хадамоти ҳолатҳои фавқулодда ва мудофиаи гражданӣ

17 Август 2015

Аз номи мақомоти иҷроияи ҳокимияти давлатии шаҳри Хуҷанд кормандони хадамоти ҳолатҳои фавқулодда ва мудофиаи гражданиро бо иди касбиашон табрик намуда, барояшон саодатмандӣ, бурдбориро орзумандам.
Мардум дар бораи корнамоиҳои зумраи наҷотбахшон –ин абармардони шуҷоъ чӣ дар ҳолатҳои мудофиаи гражданӣ ва чӣ дар пешгириву рафъи оқибатҳои ҳолатҳои фавқулодда хуб огаҳанду ба онон аҳсант мехонанд. Зеро ки маҳз кормандони ин соҳа ҳамеша дар ҳама гуна ҳолатҳои номатлуби табиӣ аввалин шуда ба кӯмак меоянду зарардидагонро ҳамаҷониба дастгирӣ мекунанд.
Ин сохтор ҳамчун мақоми марказии ҳокимияти иҷроия шуморида шуда, дар татбиқи сиёсати давлатӣ дар соҳаи идораи ҳолатҳои фавқулодда ва мудофиаи гражданӣ саҳмгирӣ менамояд ва дар ҳамоҳангсозии маҷмӯи чорабиниҳои умумидавлатии мудофиавӣ ва муҳофизатӣ, ки баҳри ҳимояи аҳолӣ, иқтисодиёт ва қаламрави Тоҷикистон то ощоз ва ҳангоми сар задании амалиёти ҷангӣ нигаронида шудаанд, масъулият бар дӯш дорад.

Муфассал... Шарҳ додан

Кадбонуи Хуҷанд дар озмуни ҷумҳурӣ соҳиби ҷойи аввал гашт.

16 Август 2015

Дар шаҳри Душанбе бахшида ба соли оила озмуни ҷумҳуриявии «Кадбонуи беҳтарини сол» байни бонувони кишвар баргузор гардид.
Дар озмун аз вилояти Суғд се нафар кадбонуҳои беҳтарин ширкат намуданд.
Бо дастгирии Мақомоти иҷроияи ҳокимияти давлатӣ шаҳри Хуҷандро дар ин озмун журналисти шинохта Ҳадя Набизода намояндагӣ намуд.
Озмун дар Боғи ботаники шаҳри Душанбе баргузор гашта дар он аз хар минтақаи кишвар се нафарӣ иштирок доштанд. Тибқи низомнома иштирокчиён бояд ду намуди хӯрок, хи миллии қадимаи тоҷикӣ ва хӯроки аврупоӣ, ҳамчунин ширинию кулчақанд, ҳалво нушоба, шарбат омода намуда тарзу усули хоси оро додани дастурхонро пешкаш менамуданд.

Муфассал... Шарҳ додан

Волидайн аз ҳоли фарзандони сарбози худ хабар гирифтанд.

15 Август 2015

Тибқи нақшаи якҷояи Мақомоти иҷроияи ҳокимияти давлатӣ, комиссариати ҳарбии шаҳри Хуҷанд хабаргирии падару модари сарбозон аз зиндагӣ ва шароити ҳамарӯзаи фарзандонашон дар қисмҳои низомӣ ба ҳукми анъана даромадааст.
Бо мақсади беҳтар намудани сифати даъвати ҷавонон ба сафи Қӯшунҳои Мусаллаҳи Ҷумҳурии Тоҷикистон ва баланд бардоштани ҳисси ватандӯстӣ ва ифтихори миллӣ,ҳамчунин тибқи супориши Раиси шаҳри Хуҷанд Рачаббой Аҳмадзода ҳафтаи равон гурӯҳи 30 нафараи волидайн аз ҳоли фарзандони худ, ки дар қисмҳои низомии вилояти Хатлон, ноҳияҳои тобеи марказ, Вилояти Автономии Бадахшони Кӯҳи хизмат менамоянд, хабар гирифтанд. Гурӯҳи волидайнро намояндагони Мақомоти иҷрояии ҳокимияти давлатии шаҳри Хуҷанд ва комиссариати ҳарбии маркази вилоят ҳамроҳӣ намуданд.

Муфассал... Шарҳ додан

Барномаи ҳунарии шаҳри Хуҷанд голиби озмун-фестивал

15 Август 2015

Дар асоси нақшаи Вазорати фарҳанг ва Кумитаи давлатии телевизион ва радиои назди Ҳукумати Ҷумҳурии Тоҷикистон моҳи марти соли равон дар пойтахти кишварамон, шаҳри Душанбе фестивал - озмуни ҷумҳуриявии ансамблҳои фолклорӣ-этнографӣ ва таронаю рақсӣ бо унвони «Таронаи ваҳдат - 2015» оғоз гашта буд.
Давраи аввал дар маҳал баргузор гардида давраи дуюм дар марказхои вилоят баргузор гашта буд. Давраи ниҳоӣ ин фестивал-озмун аз санаи 10 то 14 августи соли ҷорӣ дар Филармонияи давлатии Тоҷикистон ба номи А. Ҷӯраеви шаҳри Душанбе гузаронида шуд. Дар марҳилаи ниҳоӣ дастаҳои ҳунарии шаҳри Хуҷанд, ноҳияи Файзобод, Рогӯн, Ёвон, Муъминобод Тоҷикобод ва Ишкошим иштирок доштанд.
Тибқи қарори ҳайати ҳакамон барномаи ҳунарии иштирокдорони давраи ниҳоӣ ғолиби озмун-фестивал дониста шуда,

Муфассал... Шарҳ додан

Марҳилаи навбатии лоихаҳо тибқи нақша оғоз меёбад.

15 Август 2015

Бо дастгирии бевоситаи Президенти Ҷумҳурии Тоҷикистон Эмомалӣ Раҳмон дар шаҳри Хуҷанд давоми чанд сол аст, ки лоиҳаи беҳтар намудани сифати обтаъминкунӣ ва фаъолияти идораи партовкашонии шаҳр амалӣ мегардад. Лоиҳаи мазкур аз ҷониби Бонки Таҷдид ва Рушди Аврупо маблағгузорӣ шуда, аз ҷониби коршиносон баҳои баланд гирифтааст.
Раиси шаҳри Хуҷанд Раҷаббой Аҳмадзода бо ҳайати кории бонки номбурда бо роҳбарии Бахтиёр Файзиев мулоқоти корӣ анҷом дод.
Қаблан ҳайати меҳмонон доири сатҳу сифати амалишавии лоиҳаҳо бо Раиси шаҳри Хуҷанд мубодилаи андеша намуданд.
Аз ҷониби меҳмонон доири сифати иҷроиши вазифаҳои дар марҳилаи дуюми таъминоти оби нӯшокӣ ва марҳилаи аввали лоиҳаи беҳтар намудани сифати хизматрасонии идораи партовкашонӣ изҳори қаноатмандӣ зоҳир гардид.

Муфассал... Шарҳ додан