АсосӣБойгонӣ

Навгонӣ

Табрикоти Раиси шаҳри Хуҷанд Раҷаббой Аҳмадзода ба муносибати Истиқлолияти давлатии Ҷумҳурии Тоҷикистон

08 Сентябр 2015

Ҳамватанони азиз!
9 сентябри соли 1991 дар таърихи Ҷумҳурии Тоҷикистон бо ҳарфҳои заррин чун Рӯзи Истиқлолияти давлатии Ҷумҳурии Тоҷикистон сабт гардидааст, ки имсол мо 24-солагии онро ҷашн мегирем.
Ба муносибати ин ҷашни бузурги миллӣ бо камоли ифтихору шукргузорӣ Шумо -мардуми Хуҷанди бостониро аз номи мақомоти иҷроияи ҳокимияти давлатии шаҳри Хуҷанд самимона табрику муборакбод намуда, ба хонадони ҳар яки Шумо ободиву осоиш, хушбахтиву хушрӯзӣ ва файзу баракат орзу менамоям.
Истиқлолият ганҷи бебаҳо, неъмати азизтарин барои мардум аст.
Чуноне, ки Президенти Ҷумҳурии Тоҷикистон, Ҷаноби Олӣ мӯҳтарам Эмомалӣ Раҳмон зикр доштаанд, «Истиқлолият волотарин ва боарзиштарин дастоварди миллати тоҷик дар масири даҳ асри охир буда, рамзи соҳибдавлатӣ ва ватандорӣ, нишонаи ҳуввият ва озодӣ, ифтихор ва номус, бақои симои миллати соҳибихтиёру соҳибдавлати тоҷикон, шиносномаи байналмилалӣ ва шарафу эътибори ба ҷаҳони мутамаддин пайвастани кишвари соҳибистиқлоламон мебошад.»

Муфассал... Шарҳ додан

Лавҳаи ёдгории «Чернобилчиён» бунёд мегардад.

08 Сентябр 2015

Дар Боғи фарҳангӣ вафароғатии «Ғалаба»-и шаҳри Хуҷанд лавҳаи ёдгории бартарафкунандагони садамаи Неругоҳи Барқии Атомии «Чернобил» гузошта мешавад. Ин лавҳаи ёдгорӣ бахшида ба 30 солагии садама дар ин неругоҳ бунёд шуда, ҳадаф аз он пос доштани хотири иштирокчиёни бартараф намудани садамаи неругоҳи атомии Чернобел арзёбӣ карда мешавад. Тавре маълум аст, аз шаҳри Хуҷанд дар корҳои бартараф намудани ин садама 120 нафар ширкат намуда, алҳол дар рӯйхати муассисаҳои тиббӣ номнавис шудаанд.
Раиси шаҳри Хуҷанд Рачаббой Аҳмадзода бо ҳамроҳи иштирокдорони баратараф намудани ин офат бо гузоштани нома барои наслҳои оянда ва санги асос, сохтмони лавҳаи ёдгорӣ барои иштирокчиёни бартараф намудани садамаи Чернобил шуруъ гардид.

Муфассал... Шарҳ додан

Дар Боғи «Ғалаба» макони фароғати кӯдакону наврасон ба фаъолият оғоз намуд.

08 Сентябр 2015

Ба истиқболи таҷлили 24 солагии Истиқлолияти Ҷумҳурии Тоҷикистон кӯдакону наврасони шаҳри Хуҷанд соҳиби боз як мавзеи фароғатии дилхушкунанда гаштанд.
Дар боғи фарҳангию фароғатии «Галаба»-и маркази вилоят расми кушоди мавзеи фароғатӣ барои кӯдакону наврасон баргузор гашт.
Раиси шаҳри Хуҷанд Раҷаббой Аҳмадзода бо ҳамроҳии роҳбарони воҳидҳои сохтории мақомоти маҳаллӣ дар ин чорабинии тантанавӣ иштирок намуд.
Баробари табрики ҳозирин бо рӯзи Истиқлолияти давлатии Ҷумҳурии Тоҷикистон бо эътимод изҳор намуд, ки дар асоси дастуру ҳидоятҳои сарвари мамлакат, Ҷаноби Олӣ, мӯҳтарам Эмомалӣ Раҳмон ҷашну тантанаҳои миллат бояд бо корҳои ободонию созандагӣ ва таъмини зиндагии сазовор таҳким ёбанд.

Муфассал... Шарҳ додан

Имконияти мактаби варзишӣ бештар гардид.

08 Сентябр 2015

Дар шаҳри Хуҷанд бахшида ба 24-умин солгарди Истиқлолияти давлатии Ҷумҳурии Тоҷикистон ба истифода додани иншоотҳои фарҳангию маишӣ,фароғатӣ ва варзишӣ идома дорад.
Нимаи дуюми рӯз Раиси шаҳри Хуҷанд Раҷаббой Аҳмадзода дар маросими ба истифода додани майдони варзишӣ барои бозии футбол дар Мактаби варзишии бачагон ва наврасони № 2 шаҳри Хуҷанд иштирок намуд.
Қабл аз ифтитоҳи расмӣ Раиси шаҳри Хуҷанд бо ҳайати мураббиён ин муассисаи таълимии варзишӣ мулоқот намуд. Ба Раҷаббой Аҳмадзода иттилоъ дода шуд, ки дар мактаб алҳол 1200 нафар наврасони минтақаи соҳили рости шаҳр ба 13 намуди маҳфилҳои варзишӣ фаро гирифта шудаанд. Барои аъзоёни маҳфил 40 нафар тренерони бо таҷриба таълим медиҳанд.

Муфассал... Шарҳ додан

Собиқадорони меҳнат соҳиби мукофотпулии Президент шуданд.

07 Сентябр 2015

Бахшида ба 24-умин солгарди Истиқлолияти давлатии Ҷумҳурии Тоҷикистон имрӯз ба ҳашт нафар собиқадорони меҳнат, шахсони барӯманди шаҳри Хуҷанд мукофотпулии Президенти Ҷумҳурии Тоҷикистон Эмомалӣ Раҳмон супорида шуд.
Мукофотро намояндаи Ҳукумати Ҷумҳурии Тоҷикистон Асрор Латипов, муовини раиси Ҳизби Халқи демократии Ҷумҳурии Тоҷикистон ва Раиси шаҳри Хуҷанд Раҷаббой Аҳмадзода ба ин шахсон супориданд.
Дар қатори мукофотгирандагон собиқадорони меҳнат ва Шаҳрвандони фахрии шаҳри Хуҷанд Биҳоҷал Раҳимова, Шуҷоат Ҳасанова, Баҳриддин Ахмедов, Толибҷон Ҳасанов, Абдушукур Назаров, Фаросат Набиева ва ҳамчунин Мукаррама Бузурукова, Муминҷон Орипов буданд.