АсосӣБойгонӣ

Навгонӣ

Қабули шаҳрвандон аз ҷониби Раиси шаҳри Хуҷанд.

12 Сентябр 2015

Тибқи дастури Президенти Ҷумҳурии Точикистон Эмомалӣ Раҳмон имрӯз дар Мақомоти иҷроияи ҳокимияти давлатии шаҳри Хуҷанд қабули шаҳрвандон аз ҷониби Раиси шаҳри Хуҷанд Раҷаббой Аҳмадзода доир гардид. Теъдоди умумии муроҷиаткунандагон 76 нафарро ташкил дода, сокинон ҳангоми мулоқоти бевосита бо Раиси шаҳри Хуҷанд доири мушкилоти худ, ва ҳалли онҳо дархост намуданд. Давоми рӯз бо мақсади мусоидат намудан барои мумфаршкунии роҳҳои маҳалли зисташон 6 нафар, барои гирифтани кӯмаки молиявӣ 9 нафар, кӯмак барои пардохти маблаги шартномаи тахсил 4 нафар, ҷудо намудани қитъаи замини наздихавлигӣ 16 нафар, таъмин бо манзили истиқоматӣ 6 нафар ва ба хобгоҳ ҷойгир намудан 2 нафар бошандагони маркази вилоят ба Раҷаббой Аҳмадзода муроҷиат намуданд. Ҳамчунин ду нафар аз сокинон бо мақсади пешниҳод доири саҳмгирӣ дар сохтани майдончаи варзишӣ дар маҳаллашон низ муроҷиат намуданд.

Муфассал... Шарҳ додан

Боз 1000 нафар сокинони шаҳри Хуҷанд аз шаҳракаи навбунёди «Сайҳун» соҳиби қитъаи замин гаштанд.

12 Сентябр 2015

Дар ин чорабинӣ Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода иштирок намуданд. Дар қатори 2000 нафар эҳтиёҷмандон аз шаҳри Хуҷанд ва шаҳру навоҳии атроф - Бобоҷон Ғафуров, Мастчоҳ, Чкалов, Қайроққум, Ҷаббор Расулов, Куҳистони Мастчоҳ, Истиқлол, Конибодом ва Ашт замин барои бунёди манзил тақсим карда шуд.
Раиси вилояти Суғд зимни мулоқот бо шаҳрвандони эҳтиёҷманд иброз дошт, ки тули панҷ соли охир дар вилоят 83 ҳазор нафар бо замин таъмин гардида, қисме аллакай манзил бунёд кардаанд. Дар вилоят ҳамрадиф бо Сайҳун, бунёди шаҳракҳои нав аз қабили Моҳпарӣ дар шаҳри Исфара барои 65 ҳазор нафар, Меҳробод дар ноҳияи Мастчоҳ барои 30 ҳазор нафар, Саразм дар шаҳри Панҷакент барои 25 ҳазор нафар ва Баҳористон дар шаҳри Истаравшан идома дошта, ҳадафи мақомоти иҷроияи ҳокимияти вилоят таъмини зиндагии шоистаи шаҳрвандон мебошад.

Муфассал... Шарҳ додан

Кӯдакистони нав дар маҳаллаи «Темурмалик»

12 Сентябр 2015

Орзуи деринаи сокинони маҳаллаи «Темурмалик» (собиқ микроноҳияи сеюм) амалӣ гашт.
Бо мақсади амалӣ гаштани дастуру супоришҳои дар Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон аз санаи 23 январи соли 2015 таъкид гашта, бо дастгирии Мақомоти иҷроияи ҳокимияти давлатии шаҳри Хуҷанд дар ин маҳалла боғчаи бачагона барои 360 ҷой ба истифода дода шуд.
Ба ин муносибат дар ин муассисаи томактабӣ ҳамоиши тантанавӣ бо иштироки Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода иштирок намуданд.
Дар саҳни ин боғча сокинони маҳалла, омӯзгорон, волидайни тарбиятгирандагони ҷамъ омада, иштирокдорону меҳмонони ин чорабиниро бо шеъру суруд гарм пазироӣ намуданд.

Муфассал... Шарҳ додан

Дар маҳаллаи «Мевағул» боз як кӯча обод мешавад.

12 Сентябр 2015

Дар яке аз кӯчаҳои маҳаллаи «Мевағул»-и шаҳри Хуҷанд корҳои мумфаршкунӣ оғоз ёфт.
Дар расми ифтитоҳи ин корҳои ободонӣ Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода иштирок намуданд.
Роҳи мазкур наздик як килметр масофа дошта, он бо ташаббусу дастгирии Мақомоти иҷрояи ҳокимияти давлатии шаҳри Хуҷанд сокинони маҳаллаи мазкур ва соҳибкорон рӯи таъмири кулл ва ҷориро мебинад.
Ин роҳ аз гардиши кӯчаи Рифъат Ҳочиев то гардишгои «Автомагистрал» тӯл кашида, давоми чанд даҳсолаҳои охир ҳолати хароб дошт.
Корхои мумфаршкуниро Корхонаи давлатии истифодабарии роҳҳои шаҳри Хуҷанд ба анҷом мерасонад. Дарозии роҳи мазкур 750 метрро ташкил дода, ҳудуди 300 тонна мумфарш сарф мегардад.

Муфассал... Шарҳ додан

Маркази ҳунарии ба номи Зулфия Баҳриддинова

11 Сентябр 2015

Субҳи имрӯз дар яке аз маҳаллаҳои қадимаи шаҳри Хуҷанд,-маҳаллаи Масҷиди савр Маркази таълими-истеҳсолии ба номи Зулфия Баҳриддинова ба фаъолият шурӯъ намуд. Дар чорабинии тантанавӣ Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода ширкат намуданд.
Барои роҳандозии маркази номбурда аз ҳисоби Мақомоти иҷроияи ҳокимияти давлатии шаҳри Хуҷанд 40 ҳазор сомонӣ маблағгузорӣ шуда, 10 адад дастгоҳи бофандагӣ ва калобаи нахи матои адрас, ки «асос» номида мешавад харидорӣ шудааст.
Ҳамчунин дар ин марказ ҳунармандони касби заргарӣ, дӯзандагӣ ва қолинбофӣ низ ба ин касби аҷдодӣ машғул ҳастанд. Дар баробари фаъолияти ин маркази таълимӣ-истеҳсолӣ 30 нафар бо ҷойи кори доимӣ таъмин гашта, барои ҳунаромузон-шогирдон ҳар моҳа 40 сомонӣ стипендия дода мешавад.