АсосӣБойгонӣ

Навгонӣ

Аёдати қаҳрамони меҳнат ва омӯзгорони барӯманди шаҳр

22 Сентябр 2015

Дар арафаи таҷлили рӯзҳои таърихӣ ва миллӣ аёдату хабаргирӣ ва кӯмаки шахсони барӯманду ниёзманд ба ҳукми анъана даромадааст.
Раиси шаҳри Хуҷанд Раҷаббой Аҳмадзода ва вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Турсунова чанде аз собиқадорони меҳнати шаҳри Хуҷандро аёдат намуданд.
Сараввал онҳо ба манзили Қаҳрамони Меҳнати Сотсиалистӣ Ҳамроҳ Тоҳирова омаданд. Ин зани қаҳрамон бо самимияти хоса меҳмононро қабул намуда, барои эҳтирому ғамхорӣ ба Президенти Ҷумҳурии Тоҷикистон Эмомалӣ Раҳмон ва мақомоти маҳаллӣ сипосмандӣ намуд. Раиси шаҳри Хуҷанд Ҳамроҳ Тоҳироваро бо Иди Қурбон табрик намуда, тӯҳфаи хотиравӣ ва кӯмаки яквақтаина иборат аз маводи озуқа ба номбурда расонд.

Муфассал... Шарҳ додан

Табрикоти Раиси шаҳри Хуҷанд муҳтарам Раҷаббой Аҳмадзода ба муносибати Иди Қурбон

21 Сентябр 2015

Ҳамшаҳриёни азиз!
Фарорасии Иди Қурбонро ба ҳамаи Шумо табрик гуфта, бароятон тани сиҳат, хонаи обод, саодати рӯзгор ва комёбиҳои беназирро таманно дорам.
Иди Қурбон нишонаи эҳтирому гиромидошти ойини деринаи халқамон бар пояи мазҳаби Ҳанафӣ ба шумор меравад, ки аз баракати Истиқлолияти давлатӣ дар қатори дигар ҷашну маросимҳои милливу мардумӣ дар кишвари мо таҷлил мегардад. Зеро ин суннати муборак таҷассумкунандаи ваҳдати аҳли ҷомеа, тарщибгари дӯстиву рафоқат, эҳтирому самимият, раҳму шафқат ва ҳамдигарфаҳмиву ҳамбастагии одамон буда, онҳоро пеш аз ҳама ба анҷом додани корҳои хайру савоб, риояи одобу ахлоқ даъват мекунад, ба ҳамдигар кӯмаку дастгирӣ карданро меомӯзонад.

Муфассал... Шарҳ додан

Кабули навбатии Раиси шаҳр

19 Сентябр 2015

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон, қабули навбатии шаҳрвандон аз ҷониби Раиси шаҳри Хуҷанд Раҷаббой Аҳмадзода баргузор гардид.
Ҳамчунин бо мақсади ошноии бештар пайдо намудан бо масъалаҳои ҳалталаби сокинон дар қабули шаҳрвандон вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Турсунова иштирок намуд.
Давоми рӯзи қабул ба унвонии шаҳрдорӣ беш аз 60 нафар истиқоматкунандагон муроҷиат намуда барои ҳалли масъалаҳои худ кӯмак ва мусоидат дархост намуданд.
Дар ин рӯз дар баробари чанде аз сокинони маркази вилоят, ки ба Мақомоти иҷроияи ҳокимияти давлатии шаҳр омада буданд, ҳамчунин барои гирифтани замини наздиҳавлигӣ 20 нафар,

Муфассал... Шарҳ додан

Намоиши фурӯши маҳсулот бо нархҳои арзон.

19 Сентябр 2015

Бо мақсади иҷроиши дастури Президенти Ҷумҳурии Тоҷикистон Эмомалӣ Раҳмон бобати таъмини захираи маҳсулоти кишоварзӣ ва маводи ғизо барои зимистонгузаронӣ, ҳамчунин таъмини ҳифзи иҷтимоии сокинон ва дастрасии онҳо ба маҳсулоти ниёзи аввалаи нисбатан арзон Мақомоти иҷроияи ҳокиияти давлатии шаҳри Хуҷанд чораҳои мушаххас меандешад.
Яке аз ин тадбирҳо ташкили ярмарка-намоиши маҳсулоти ниёзи аввала дар минтақаҳои гуногуни шаҳр мебошад.
Аз субҳи имрӯз низ дар майдони «Ситораҳои Хуҷанд» намоиш-фурӯши маҳсулоти кишоварзӣ, маводи ғизо аз ноҳияҳои кишоварзии вилояти Суғд ташкил гардид.
Сокинони маркази вилоят имкон доштанд аз маҳсулоти пешниҳоднамудаи деҳқонон бо нархҳои нисбатан арзон харидорӣ намоянд.

Муфассал... Шарҳ додан

Ҷаласаи ғайринавбатии фаъолон бо иштироки Раиси шаҳр.

19 Сентябр 2015

Раиси шаҳри Хуҷанд Раҷаббой Аҳмадзода ҷаласаи ғайринавбатии худро бо иштироки муовинон, роҳбари дастгоҳ, роҳбарони воҳидҳои сохторӣ, кумитаҳои маҳаллаҳо, сарварони макотиби шаҳр, корхонаҳои калони истеҳсолӣ ва дигар фаъолон доир намуд.
Дар ҷаласа доири омодагӣ ба «Рӯзи Рӯдакӣ», Иди Қурбон» «Рӯзи шаҳри Хуҷанд» сатҳи тайёрӣ ба зимистон ва чанд масъалаҳои муҳими шаҳрдорӣ мавриди баррасӣ қарор гирифт.
Раиси шаҳри Хуҷанд ҷаласаро ифтитоҳ намуда, таъкид намуд, ки бо мақсади иҷроиши дастуру супоришҳои Президенти Ҷумҳурии Тоҷикистон Эмомалӣ Раҳмон моҳи равон дар маркази вилоят ,- шаҳри Хуҷанд баргузории чанд чорабиниҳои муҳим пешбинӣ гаштааст.