АсосӣБойгонӣ

Навгонӣ

Суханронии Раиси шаҳри Хуҷанд

29 Сентябр 2015

Ҳамватанони азиз, дустони арҷманд, меҳмонони гиромиқадри шаҳри бостонии Хуҷанд.
Имруз рӯзи шаҳрест, ки онро оламиён Тирози ҷаҳон мехонанду ин шаҳр чун шаҳри некукорону некдилон,соҳибназарону соҳибдилон,ҳунармандону суханварон маъруфият пайдо кардааст ва дар радифи шаҳру навоҳиҳои Тоҷикистони азаизи мо даврони соҳибистиқлолиро аз сар мегузаронад. Ба қавли сарвари давлат Президенти Ҷумҳурии Тоҷикистон ҷаноби олӣ Муҳтарам Эмомалӣ Раҳмон «Шаҳри Хуҷанд яке аз шаҳрҳои қадимаи тоҷикон ва дар айни замон аз ҷумлаи марказҳои муҳими саноатӣ мебошад, ки дар рушди бахшҳои мухталифи иқтисодиву иҷтимоӣ ва фарҳангиву маънавии мамлакат нақши муассир дорад.»
Бале ҳақ ба ҷониби сарвари давлат мебошад, ки Хуҷанд ва мардуми он дар баробари қадам задан бо замони муосир дороиҳои анъанавӣ ва маънавии хешро ҳифз менамоянд ва онро барои ояндагон мерос мегузоранд.

Муфассал... Шарҳ додан

Супоридани ҷоизаҳои ба номи Маҳастии Хуҷандӣ ва Раҳим Ҷалил дар «Рӯзи шаҳри Хуҷанд»

29 Сентябр 2015

Дар рӯзи таҷлили «Рӯзи шаҳри Хуҷанд» ба як қатор ходимони илмӣ ва адабӣ мукофоти ба номи Маҳастии Хуҷандӣ ва Раҳим Ҷалил супорида шуд.
Дар натиҷаи баррасии ин интихоби шахсони арзанда дар маҷлиси васеи Кумитаи Мукофотҳои ба номи Маҳастии Хуҷандӣ ва ба номи Раҳим Ҷалил асарҳои номзадҳо барои гирифтани мукофотҳо муҳокима гардида, мукофоти махсуси ба номи Маҳастии Хуҷандӣ ба профессори Донишгоҳи Давлатии Хуҷанд ба номи академик Б.Ғафуров, узви Иттифоқи нависандагони Тоҷикистон Умеда Ғаффорова ва дар риштаи ҳунар ба рассоми шинохта, раиси шуъбаи суғдии Иттифоқи рассомони Тоҷикистон Насиба Эшонова сазовор дониста шуданд.

Муфассал... Шарҳ додан

Мулоқоти судманд

26 Сентябр 2015

Имрӯз Раиси шаҳри Хуҷанд Раҷаббой Аҳмадзода намояндагии ҳайати Оҷонсӣ рушд ва ҳамкории Шветсария ва Бонки Таҷдид ва Рушди Аврупо Элизабэт Фон Каппелер ва Иво Германро ба ҳузур пазируфт.
Раиси шаҳри Хуҷанд ба меҳмнон бобати сатҳу сифати лоиҳаҳои айни замон бо кӯмаки Бонки Таҷдид ва Рушди Аврупо амалишаванда маълумот дода ,изҳор дошт, ки бо дастгирии бевоситаи Ҳукумати Ҷумҳурии Тоҷикистон ва Президенти мамлкат шаҳри Хуҷанд имкон пайдо намуд, ки вазъи шаҳру шаҳрдорӣ беҳтар гардад.
Ҳайати меҳмонон барои иҷроиши саривақтӣ ва бо сифати лоиҳаи беҳтар намудани вазъи таъмини оби нӯшокӣ ва хизматрасонии идораи партовкашонӣ ба Мақомоти иҷроияи ҳокимияти давлатии шаҳри Хуҷанд изҳори сипосмандӣ намуда, зикр намуданд, ки таҷрибаи амалисозии ин лоиҳаҳо чун мисоли намунавии ҳамкорӣ ва иҷроиши лоиҳа айни замон дар кишварҳои Осиёи Марказӣ беназир аст.

Муфассал... Шарҳ додан

Таҷлили «Рӯзи шаҳри Хуҷанд»

29 Сентябр 2015

Санаи 26 сентябри соли равон дар майдони Театри мазҳака - мусиқии ба номи Камоли Хуҷандӣ тантанаи идона бахшида ба «Рӯзи шаҳри Хуҷанд» баргузор гардид.
Қаблан муовини Раиси вилояти Суғд Назира Ғаффорӣ, Раиси шаҳри Хуҷанд Раҷаббой Аҳмадзода ва Раиси шаҳри Хуҷанд Раҷаббой Аҳмадзода ва муовини Раиси вилояти Суғд Назира Ғаффорӣ ва академики Академияи фанҳои Ҷумҳурии Тоҷикистон Кароматулло Олимов дар назди меҳмонон ва иштирокдорони чорабинии идона суханронӣ намуданд.
Муовини Раиси вилояти Суғд Назира Ғаффорӣ паёми шодбошии Раиси вилояти Суғд Абдураҳмон Қодириро ба самъи ҳозирон расонд.
Баъдан Раиси шаҳри Хуҷанд Раҷаббой Аҳмадзода тамоми ширкаткунандагон ва сокинони маркази вилоятро бо ин рӯз табрик намуд.

Муфассал... Шарҳ додан

Мусобиқаҳои варзишӣ ба ифтихори «Рӯзи шаҳри Хуҷанд»

26 Сентябр 2015

Бахшида ба Рӯзи шаҳри Хуҷанд» дар маҷмаи варзишии маркази вилоят мусобиқаи варзишӣ аз рӯи намуди шиноварӣ, теннис, футбол, чавгон ва пойгаи аспдавонӣ баргузор гардид.
Дар қисмати ниҳоии мусобиқаҳои зикргардида Раиси шаҳри Хуҷанд Раҷаббой Аҳмадзода бо ҳамроҳии ҳайати меҳмонон-иштирокдорони таҷлили «Рӯзи шаҳри Хуҷанд» ширкат намуда, ба ғолибон медалу диплом ва ҷоизаҳои ғолибиятро супорид.
Мусобиқаи шиноварӣ дар «Маҷамааи ҳавзҳои шиноварии шаҳри Хуҷанд» баргузор гашта, он аз рӯи 4 намуд,- тарзи озод, баттерфляй, тахтапушт ва брасс баргузор гашт. Дар мусобиқа зиёда аз 40 нафар наврасону ҷавонони соли таввлудашон 1998-2000-ум ва 2001 хурд иштирок намуданд.
Дар ниҳояти бозӣ ғолибон аз рӯи ин намуди варзиш муайян карда шуданд.