АсосӣБойгонӣ

Навгонӣ

Намоиш-фурӯши маҳсулоти ширкатҳои ҳиндӣ дар Хуҷанд.

02 Октябр 2015

Бо дастгирии Мақомоти иҷроияи ҳокимияти давлатии вилояти Суғд ва шаҳри Хуҷанд дар толори «Қасри варзиш»-и шаҳри Хуҷанд намоиш-фурӯши молу махсулоти ширкатҳои Ҷумҳурии Ҳиндустон баргузор гардид. Дар қисмати ифтитоҳии ин чорабинӣ муовини Раиси вилояти Суғд Анвар Яъқубӣ ва Раиси шаҳри Хуҷанд Раҷаббой Аҳмадзода иштирок ва суханронӣ намуданд. Анвар Яъқубӣ дар баромади хеш таъкид намуд, ки сиёсати пешгирифтаи сарвари давлат Эмомалӣ Раҳмон ҷиҳати рушди иқтисодии Тоҷикистон тахҳим бахшидан ба равобити судманди муносибатҳои хориҷӣ бо давлатҳои гуногун натиҷаи хуб дода, рушди иқтисодӣ мамлакат сатҳу сифати нав мегирад.
Раиси шаҳри Хуҷанд Раҷаббой Аҳмадзода иброз дошт, ки намояндагони якчанд ширкатҳои Ҷумҳурии Ҳиндустон имруз махсулоти босифатро пешкаши сокинони шаҳр ва вилояти Суғд менамоянд.

Муфассал... Шарҳ додан

“Шукӯҳи миллат” дар Боғи Камоли Хуҷандӣ

01 Октябр 2015

Дар партави дастуру супоришҳои Сарвари давлат Эмомалӣ Раҳмон ва иқдомҳои неки Раиси вилоят Абдураҳмон Қодирӣ баҳри ташаккули худшиносӣ ва худогоҳии миллӣ, арҷгузорӣ ба мероси бойи адабию фарҳангӣ бо дастгирии Мақомоти иҷроияи ҳокимияти давлатии вилояти Суғд ва Мақомоти иҷроияи ҳокимияти давлатии шаҳри Хуҷанд, Донишгоҳи давлатии ҳуқуқ, бизнес ва сиёсати Тоҷикистон дар ҳамдастӣ бо ансамбли шашмақомхонони “Нури Хуҷанд” санаи 30-юми сентябри соли равон бахшида ба Соли фарҳанг, Рӯзи Рӯдакӣ ва Рӯзи Мавлоно Ҷалолиддини Румӣ таҳти унвони “Шукӯҳи миллат” дар маҷмааи таърихиву фарҳангии “Қалъаи Хуҷанд” саҳнаи ҳунарнамоиҳои Боғи Камоли Хуҷандӣ Маҳфили адабиву фарҳангӣ доир гардид.

Муфассал... Шарҳ додан

Грантҳои Раиси шаҳри Хуҷанд ба 15 нафар бонувони ҳунар.

29 Сентябр 2015

Соли дуюм аст, ки бо максади эҳёи ҳунарҳои мардумӣ, дастгирии духтарону бонувони ҳунарманд озмун барои гирифтани гранти Раиси шаҳри Хуҷанд эълон мегардад.
Имсол низ тибқи қарори Раиси шаҳри Хуҷанд барои рушди ҳунарҳои суннатӣ ба 15 нафар ҳунармандон соҳиби гранти Раиси шаҳри Хуҷанд гаштанд.
Бо назардошти баргузории чорабиниҳои идона бахшида ба «Рӯзи шаҳри Хуҷанд» ин навбат расми супоридани грант дар доираи таҷлили ин рӯзи таърихӣ баргузор гардид.
Имсол низ барои 5 нафар занони адрасу атласбоф, заргару гулпарварва ва ҳунари кафшергар панҷ ҳазор сомонӣ, барои панҷ нафар сӯзанидӯзу қолинбоф се ҳазор сомонӣ, ҳамчунин 5 нафар дӯзандаю кешбоф ва йӯрмадӯзу қуроқдӯз се ҳазор сомонӣ супорида шуд.

Муфассал... Шарҳ додан

Корхонаҳои саноатии Хуҷанд фаъолияти пурмаҳсул доранд.

(2 овоз, миёна 1.50 аз 5)

01 Октябр 2015

Раиси шаҳри Хуҷанд Раҷаббой Аҳмадзода аз фаъолияти коргоҳҳои истеҳсолӣ ва корхонаҳои саноатии маркази вилоят дидан намуд.
Боздиди кории Раҷаббой Аҳмадзода аз коргоҳи муштараки «Ҷавонӣ» оғоз ёфт. Коргоҳи мазкур давоми чанд соласт, ки аз фаъолияти пурсамар дошта, аз коркарди пахта сар карда то истеҳсоли маҳсулоти тайёр,-либосҳои мардона занона ва кӯдаконаро аз нахҳои табии истеҳсол менамояд.
Дар коргоҳи мазкур 1300 нафар машғули кори ҳамарӯза ҳастанд.
Коргохи мазкур 90% маҳсулоти хешро ба бештар 10 кишварҳои хориҷӣ содир менамояд, ки бештари ин кишварҳоро давлатҳои Аврупо ташкил медиҳад.
«Маҳз дастуру супориши Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон аст, ки бояд маҳсулоти хоми ватанӣ дар дохили кишвар коркарда шуда, чун маҳсулоти тайёр пешниҳоди харидорони дохилию хориҷӣ гардад.

Муфассал... Шарҳ додан

Намоиши ҳунарҳои мардумӣ ва маҳсулоти Хуҷанд.

29 Сентябр 2015

Нахустин таҷлили «Рӯзи шаҳри Хуҷанд» дармаркази вилоят бо шаҳомати хоса таҷлил гардид.
Ба ин муносибат дар назди Театри мазҳака-мусиқии ба номи К. Хуҷандӣ намоиши махсулоти саноативу ҳунарҳои миллӣ баргузор шуд. Дар ин намоишгоҳ меҳмонон аз Ҷумҳуриҳои Белорус ва Қирғизистон намояндагии консулгарии кишварҳои Федератсияи Россия ва Ҷумҳурии Қазоқистон дар Хуҷанд, зиёиён аҳли илму адаб, собиқадорони меҳнат, шахсони барӯманд ва Шаҳрвандони фахрии шаҳри Хуҷанд иштирок намуданд.
Занони фаъоли махаллаҳои шаҳр бошанд, анъанаву маросимҳои миллиро бо як истеъдоди баланд пешкаши мехмонон намуданд.
Аз ҷониби маҳаллаҳои шаҳр ҳунарҳои мардумии заргарӣ, кулолгарӣ, адрасбофӣ, сӯзанидӯзӣ, қаннодӣ, дуредгарӣ ва ғайра пешниҳод гардида, ба меҳмонон доири ҳар кадоме аз ин ҳунарҳои суннатии мардумӣ маълумот дода шуд.

Муфассал... Шарҳ додан