АсосӣБойгонӣ

Навгонӣ

Шаҳри Хуҷанд натиҷаи нӯҳмоҳаро ҷамбаст намуд.

13 Октябр 2015

Маҷлиси ҳисоботӣ оид ба вазъи иҷтимоию иқтисодии шаҳри Хуҷанд дар фосилаи моҳҳои январ-сентябри соли 2015 бо иштироки муовинони раиси шаҳр, роҳбари Дастгоҳи раиси шаҳр, роҳбарони сохторҳои Мақомоти иҷроияи ҳокимияти давлатии шаҳр, намояндагони васоити ахбори омма ва сардори Раёсати иқтисоди Мақомоти иҷроияи ҳокимияти давлатии вилояти Суғд Абдулло Шарифов доир гардид.
Раисикунандаи маҷлис, Раиси шаҳри Хуҷанд Раҷаббой Аҳмадзода қабл аз оғоз бахшидан ба маҷлиси ҳисоботӣ диққати ҳозиринро ба ҷамъбасти марҳалаи аввали даъвати тирамоҳии ҷавонписарон ба хизмати ҳарбӣ ҷалб намуд. Барои иҷрои саривақтии нақшаи даъвати тирамоҳӣ ба раиси маҳаллаи Чашмаи арзана Осим Охунов ва нозири минтақавӣ Хоҷаев Сипосномаи Раиси шаҳр ва туҳфаҳои хотиравӣ тақдим намуд. Зимни сипос, Раиси шаҳр супориш дод, ки даъвати тирамоҳӣ то 20-уми октябр ҷамъбаст карда шавад.

Муфассал... Шарҳ додан

Ташкили намоиш-фурӯши маводи ғизо барои захираи зимистонаи шаҳрвандон.

10 Октябр 2015

Дар асоси дастури Президенти Ҷумҳурии Тоҷикистон Эмомалӣ Раҳмон Мақомоти иҷроияи ҳокимияти давлатии шаҳри Хуҷанд давоми фасли тирамоҳ барои таъмини тамоми қишрҳои иҷтимоии мардум ба махсулоти кишоварзӣ ва захира намудани онҳо тадбирҳои судманд меандешад.
Ҳамчунин ин амал барои фароҳам овардани имконияти дастрасӣ ба маводи хӯрока бо нархҳои дастрас ва захира намудани маводи ғизо дар мавсими зимистон бо маҳсулоти ниёзи аввала мусоидат менамояд.
Имрӯз низ дар майдони «Ситораҳои Хуҷанд» деҳқонону кишварзони вилоят маҳсулоти худро ба сокинони шаҳр пешниҳод намуданд.

Муфассал... Шарҳ додан

Ободии маҳаллаи «Ваҳдат»

09 Октябр 2015

Мақомоти иҷроияи ҳокимияти давлатии шаҳри Хуҷанд дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон ва сохтору ниҳодҳои соҳаи ободонӣ, кабудизоркунӣ фаъолияти худро бахшида ба эълон гаштани «500 рӯзи ободонӣ бахшида ба 25 солагии Истиқлолияти давлатии Ҷумҳурии Тоҷикистон» рӯз аз рӯз вусъат медиҳанд.
Чуноне, ки пештар иттилоъ дода будем, ҳоло қисме аз кӯчаю роҳхои нақлиётии шаҳр мумарш гашта, идораи кабудизоркунӣ бошад ба шинондани гулу буттаҳои тирамоҳӣ оғоз намуданд.
Чунин корҳо аз ҷумла дар маҳаллаи «Ваҳдат», кӯчаи ба номи Султон Умарӣ идома дорад. Раиси шаҳри Хуҷанд Раҷаббой Аҳмадзода аз рафт ва сифати корҳои идомаёфтаистода дидан намуд.

Муфассал... Шарҳ додан

Рӯзи қабули Раиси шаҳри Хуҷанд.

10 Октябр 2015

Имрӯз дар Мақомоти иҷроияи ҳокимияти давлатии шаҳри Хуҷанд қабули сокинони шаҳр аз ҷониби Раиси шаҳри Хуҷанд баргузор гардид. Раҷаббой Аҳмадзода бо шаҳрвандони муроҷиатнамуда сӯҳбат намуда масъалаю мушкилоти онҳоро барррасӣ намуд.
Ҳангоми қабул ҳамчунин роҳбарони воҳидҳои сохтории мақомоти маҳаллӣ низ ширкат намуда, барои сари вақт ҳаллу фасл гаштани мушкилоти шаҳрвандон аз Раиси шаҳри Хуҷанд Раҷаббой Аҳмадзода супориш гирифтанд.
Дар рӯзи қабули муроҷиаткунандагон 5 нафар барои ҷудо намудани замини наздиҳавлигӣ, 6 нафар барои гирифтани кӯмаки молӣ ва моддӣ 7 нафар, мусоидат барои гирифтани масолеҳи сохтмонии ройгон 6 нафар ва ғайра ба Раиси шаҳри Хуҷанд муроҷиат намуданд.

Муфассал... Шарҳ додан

Раиси шаҳр аз «Автовакзал» боздид намуд.

07 Октябр 2015

Чандест, ки ҳолати тамбашавии нақлиёт, бехатарии пиёдагардон ва хизматрасонии ронандагони нақлиётҳои сабукрави кирояи самти ноҳияҳои води Зарафшон, шаҳри Душанбе ва дигар минтақаҳои кишвар сокинони маҳаллаҳои ба номи Қорираҳмат Қурбонов, «Чорчароғ» ва «Масҷиди савр»-ро ба ташвиш овардааст. Ҳамзамон дар маҳалли мазкур, чандин муассисаҳои таълимӣ, томактабӣ коргоҳу марказҳои хизматрасонӣ ҷойгир буда, он яке аз минтақаҳои серодами шаҳр ба ҳисоб меравад.
Бо мақсади шиносоӣ вазъи ин маҳал ва ҳалли мушкилоти мавҷуда Раиси шаҳри Хуҷанд Раҷаббой Аҳмадзода аз мавзеи номбурда дидан намуд. Ҳангоми боздид Раиси шаҳрро роҳбарияти Бозрасии Давлатии Автомобилии шаҳри Хуҷанд, Бозрасии назорати нақлиёт, масъулини шӯъбаи меъморию шаҳрсозӣ, идораи Автовакзал шаҳр ва дигарон ҳамроҳӣ намуданд.

Муфассал... Шарҳ додан