АсосӣБойгонӣ

Навгонӣ

Макони нави фароғатӣ дар мавзеи «Панҷшанбе»

(3 овоз, миёна 5.00 аз 5)

12 Январ 2016

Тибқи дастуру ҳидоятҳои Президенти Ҷумҳурии Тоҷикистон Эмомалӣ Раҳмон бахшида ба 25 солагии Истиқлолияти давлатии Ҷумҳурии Тоҷикистон дар шаҳри Хуҷанд боз як мавзеи истироҳатию фароғатӣ дар мавзеи «Панҷшанбе» бунёд мегардад.
Имрӯз Раиси шаҳри Хуҷанд Раҷаббой Аҳмадзода аз лоиҳа ва нақшаи бунёди ин мавзеи фароғатӣ дидан намуд. Дар асоси нақшаи лоиҳавӣ дар шафати ёдгории шаҳидони Ҷанги Бузурги Ватанӣ сохтмони фавора бо гулгашту макони фароғатии сокинону меҳмонони шаҳр сохта хохад шуд.
Фаввораи навбунёд дар масоҳати 12 метри квадратӣ сохта шуда, баландии фавора бошад ба 8 метр хоҳад расид. Лоиҳакашон п ешниҳод намуданд, ки чароғакҳои фаввораи мазкур бо 7 ранги пурҷило оро дода шуда, дар атрофии он нишастгоҳи дамгирӣ, чароғҳои равшанидиҳанда насб карда шавад.

Муфассал... Шарҳ додан

Кӯчаи марказии маҳаллаи «Навбаҳор» азнавсозӣ мегардад.

(4 овоз, миёна 5.00 аз 5)

12 Январ 2016

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон ва бахшида ба 25 солагии Истиқлолияти давлатии Ҷумҳурии Тоҷикистон ар шаҳри Хуҷанд корҳои созандагию ободкорӣ оғоз гаштанд. Раиси шаҳри Хуҷанд Раҷаббой Аҳмадзода ҳамроҳи масъулини идораи ободонӣ, кабудизоркунӣ, чароғонкунӣ ва сохтмони шаҳр яке аз кӯчаҳои маҳаллаи «Навбаҳор»,- «30 солагии Ғалаба» боздиди корӣ анҷом дод. Тибқи нақша дар соли ҷорӣ кӯчаии мазкур пурра азнавсозӣ мегардад. Мувофиқи супориши Раиси шаҳри Хуҷанд бояд идораҳои дахлдори ҳифзи муҳити зист ва ободонӣ дарахтҳои хушкида ва беморро бурида дар ҷойи он ниҳолҳои ҳамешасабзи сӯзанбарг шинонанд. Идораи чароғонкунӣ ва роҳсозӣ бошад сутунпояҳои чароғҳои равшандиҳандаро рангубор намуда, фурӯзонакҳои онро ба фурӯзонакҳои светодиодӣ иваз хоханд кард.

Муфассал... Шарҳ додан

Қабули 43 нафар шаҳрванд аз ҷониби Раиси шаҳри Хуҷанд.

(3 овоз, миёна 5.00 аз 5)

09 Январ 2016

Бо мақсади иҷроиши дастуру супоришҳои Президенти Ҷумҳурии Тоҷикистон Эмомалӣ Раҳмон имрӯз Раиси шаҳри Хуҷанд Раҷаббой Аҳмадзода бо мақсади баррасии дархост ва мусоидат намудан барои ҳалли мушкилоташон сокинони маркази вилоятро қабул намуд.
Раиси шаҳри Хуҷанд бо иштироки роҳбарони воҳидҳои сохторӣ ва масъулини соҳаҳои мақомоти маҳаллӣ арзу дархости шаҳрвандонро шунида барои баррасии саривақтии онҳо ба мутасаддиён дастуру супоришҳои мушаххас дод.
Ба Раиси шаҳри Хуҷанд 11 нафар барои гирифтани замини наздиҳавлигӣ, 7 нафар барои таъмиру сохтмони манзили истиқоматиашон, 5 нафар барои ҳалли мушкилоти дастрасӣ ба оби нӯшокӣ ва таъмини барқ, ва ғайра муроҷиат намуданд.

Муфассал... Шарҳ додан

Дар боғи ботаники шаҳр ниҳолҳои нав мешинонанд.

(1 овоз, миёна 5.00 аз 5)

12 Январ 2016

Дар боғи ботаники шаҳри Хуҷанд мавсими ниҳолшинонӣ ва шинондани гулу буттаҳои ороишӣ оғоз ёфт.
Назар ба иттилои масъулин, айни замон бештар 10 нафар кормандону мутахассисони ин боғ ба решакан ва буридани ниҳолу дарахтони аз нашъунамо монда ва омоданамудани майдони гулзоркунӣ машғуланд.
Тибқи нақша кормандон ният доранд давоми мавсим бештар 500 бех ниҳол ва 5 ҳазор гули лола шинонанд.
То имрӯз ба ҷойи дарахтони хушкида 50 бех ниҳоли «Сарвинози аризонӣ», 50 бех «Ёси ҳиндӣ», 140 бех «Сарвинози ҳамешасабз», шинонда шудааст. Ҳамчунин боғдорон ният доранд иловатан пиёзаки лолаи навъи ҳолландӣ ва ниҳолҳои навъи «Санавбар», «Сарви шарқӣ» «Магнолияи баргрез»-ро то интиҳои мавсим шинонанд.

Муфассал... Шарҳ додан

Боздиди Раиси шаҳр аз сохтмони биноҳои нави истиқоматӣ

(2 овоз, миёна 5.00 аз 5)

09 Январ 2016

Раиси шаҳри Хуҷанд Раҷаббой Аҳмадзода ҳамароҳи масъулини соҳаи сохтмон ва меъморию шаҳрсозии шаҳр аз якчанд иншоотҳои навбунёди маркази вилоят дидан намуд.
ҶДММ «Иморатсоз» аз ҷумлаи ширкатҳои сохтмониест, ки дар яке аз мавзеҳои шаҳр 5 бинои истиқоматӣ ва кӯдакистону чойхона бунёд намуда истодааст.
Сохтмончиён ба Раиси шаҳри Хуҷанд иттилоъ доданд, ки ҳамарӯза барои бунёди манзили нави сокинон ва чойхонаю кӯдакистон бештар аз 70 нафар ба кор машғул буда, кормандон сари вақт бо маоши хуб таъминанд. Музди миёнаи моҳонаи онҳо 1500 сомониро ташкил медиҳад. Барои бо сифати баланд анҷом додани корҳо аз масолеҳи сохтмонии босифат истифода гардида, муаллифони лоиҳа аз рафти корҳои сохтмонӣ ва иҷроиши талаботҳои лоиҳавӣ назорат мебаранд.

Муфассал... Шарҳ додан