АсосӣБойгонӣ

Навгонӣ

Намоиш- фурӯши маҳсулот ду рӯз идома ёфт.

(1 овоз, миёна 5.00 аз 5)

14 Феврал 2016

Бобати таъмини сокинони маркази вилоят бо маводи хӯрока бо нарххои дастрас рӯзҳои истироҳат дар маркази шаҳр ярмарка-фурӯши маҳсулоти ниёзи аввала баргузор мегардад,ки он на танҳо рӯзи шанбе балки минбаъд рӯзҳои якшанбе низ идома хоҳад ёфт.
Ин тадбир бо мақсади иҷроиши дастуру супоришҳои Президенти Ҷумхурии Тоҷикистон, Пешвои миллат Эмомалӣ Раҳмон дар мавриди дастгири табақи эҳтиёҷманди аҳолӣ роҳандозӣ мегардад.
Давоми рӯзхои шанбе ва якшанбе кишоварзони ноҳияҳои вилояти Суғд дар ин намоиш махсулоти гуногунро аз қабили гӯшту равған, сабзию картошка, шалғам, биринҷ, меваю сабзавот ва дигар маводи ғаллагию полезиро бо нархҳои то 25-30 фоиз арзон нисбати бозорҳои шаҳр ба бошандагони Хуҷанд пешкаш намуданд.

Муфассал... Шарҳ додан

Раиси шаҳри Хуҷанд дар маҳаллаи «Раззоқ» бо сокинон мулоқот намуд.

(1 овоз, миёна 5.00 аз 5)

14 Феврал 2016

Бо максади иҷроиши дастуру супоришҳои Президенти Ҷумҳурии Тоҷикистон Эмомалӣ Раҳмон бобати таҳкими иртиботи сокинон бо мақомати маҳаллӣ, Раиси шаҳри Хуҷанд Раҷаббой Аҳмадзода давоми се моҳи минбаъда дар 22 маҳаллахои шаҳр бо сокинон мулоқот анҷом хоҳад дод. Нахустин мулоқоти Раиси шаҳри Хуҷанд дар асоси нақшаи Мақомоти иҷроияи ҳокимияти давлатии шаҳри Хуҷанд дар мактаби таҳсилоти умумии № 27,ки дар маҳаллаи «Раззоқ» воқеъ аст баргузор гардид.
Дар он бештар аз 100 нафар сокинони маҳаллаи номбурда ҷамъ омада бо Раҷаббой Аҳмадзода сӯҳбати бевосита намуданд.

Муфассал... Шарҳ додан

Раиси шаҳр муроҷиати сокинонро баррасӣ намуд.

(1 овоз, миёна 5.00 аз 5)

14 Феврал 2016

Раиси шаҳри Хуҷанд Раҷаббой Аҳмадзода дар асоси дастуру супоришҳои Пешвои миллат, Президенти Ҷумхурии Тоҷикистон Эмомалӣ Раҳмон дар Мақомоти иҷроияи ҳокимияти давлатии шаҳри Хуҷанд, сокинони маркази вилоятро бо арзу дархостҳояшон қабул намуд.
Дар ин рӯз бештар аз 70 нафар сокинон ба Раиси шаҳри Хуҷанд муроҷиат намуда, бобати масъалаҳои ҳалталаби худ арз намуданд.
Аз шумораи умумии муроҷиаткунандагон 9 нафар барои гирифтани замини наздиҳавлигӣ, 9 нафар бобати мушкилоти таъмири манзил, 7 нафар барои таъмини манзили истиқоматӣ, 4 нафар барои гирифтани кӯмаки моддиро ташкил медод.

Муфассал... Шарҳ додан

Ширкати Раиси шаҳри Хуҷанд дар ҳамоиши ҷанговарони байналмиллал.

(1 овоз, миёна 5.00 аз 5)

14 Феврал 2016

Ҳамасола санаи 14 феврал дар қаламрави кишвар чун рӯзи баровардани Қувваҳои мусаллаҳи Иттиҳоди Шӯравӣ аз давлати Афғонистон қайд карда мешавад.
Маҳз ҳамин сана соли 1988 охирон сарбози шӯравӣ хоки кишвари Афғонистонро тарк гуфта, ҳамзамон ба таърихи иштироки кӯшунҳои Иттиҳоди Шӯравӣ дар ҷанги дохилии ин кишвар нуқта гузошт.
Ба мақсади поси хотири шаҳидону қурбониёни ин набард субҳи имрӯз бо иштироки Раиси шаҳри Хуҷанд Раҷаббой Аҳмадзода дар Боғи фарҳангӣ-фароғатии «Ғалаба»-и маркази вилоят ҳамоиши сокинону фаъолон,собиқадорони ҷангу меҳнат ҷанговарони байналмиллал, зиёиён, аҳли илму адаб, роҳбарони муассисаҳои таълимии олӣ, миёна ва миёнаи махсус, роҳбарияти консулгарии Ҷумҳурии Қирғизистон, Ҷумҳурии Қазоқистон ва Федератсияи Россия дар маркази вилоят баргузор гардид.

Муфассал... Шарҳ додан

Хонандагон дар қисми низомии №03377

11 Феврал 2016

Бо мақсади иҷроиши дастури Раиси шаҳри Хуҷанд Раҷаббой Аҳмадзода бобати баланд бардоштани ҳисси ватандӯстию хештаншиносӣ, ҳавасмандии ҷавонписарон ба хизмати ҳарбӣ, комиссириати ҳарбӣ ва шуъбаи маорифи шаҳри Хуҷанд нақшаи муштараки ҳамкориро роҳандозӣ намуда, дар қисмҳои низомӣ “Рӯзи дарҳои кушод” баргузор менамоянд.
Чунин як чорабинӣ дар қисми низомии 03377 доир гашта, сӯҳбату мулоқоти сарбозон бо ҷавонписарон доир карда шуд. Як гӯруҳ хонандагони муассисаҳои таълимии шаҳри Хужанд аз мактабҳои №7, 14, 8, 10 бо ҳаёту хизмати афсарону сарбозони қисми ҳарбии №03377 шинос гаштанд.