АсосӣБойгонӣ

Навгонӣ

Таҷлили «Рӯзи модар» дар Хуҷанд

08 Март 2016

Дар доираи нақша-чорабиниҳои Мақомоти иҷроияи ҳокимияти давлатии шаҳри Хуҷанд бахшида ба «Рӯзи модар» дар Театри мазҳака-мусиқии ба номи К Хуҷандӣ чорабании тантанавии идона ва барномаи консертии пуршукӯҳ баргузор гардид. Дар ин ҷамъомади тантанавӣ бештар аз 700 нафар занони барӯманди шаҳру вилоят, собиқадорони меҳнат, пешқадамони истеҳсолот, ходимони давлатию сиёсӣ ва ҷамъиятӣ, роҳбарони воҳидҳои сохтории шаҳр ва фаъолзанон ширкат намуданд.
Дар оғоз муовини Раиси вилояти Суғд Назира Ғаффорӣ табрикоти Раиси вилояти Суғд Абдураҳмон Қодириро ба бонувони вилоят ва ҳозирин расонд.
Раиси шаҳри Хуҷанд Раҷаббой Аҳмадзода дар суханронии табрикотии худ занону модарони шарафмандро табрик намуда, саҳми онҳоро дар пешрафти тамоми соҳаҳои маркази вилоят назаррас арзёбӣ намуд.

Муфассал... Шарҳ додан

Табрикоти Раиси шаҳри Хуҷанд ба ифтихори Рӯзи матбуоти тоҷик

07 Март 2016

Аҳли қалам, рӯзноманигорон, ноширон ва кулли алоқамандони матбуотро бо иди касбӣ – Рӯзи матбуоти тоҷик аз номи Мақомоти иҷроияи ҳокимияти давлатии шаҳр бо самимият ва эҳтироми афзун табрик намуда, барояшон тани сиҳату хотири ҷамъ, табъи болидаю рӯзгори обод ва дар фаъолияти минъбада ба хотири щановати фазои итилоотӣ, тарщибу ташвиқи щояҳои давлати демократии ҳуқуқбунёд, дунявӣ ва ҳидояти мардум ба меҳнати созанда комёбиҳои тоза таманно мекунам.
Матбуот ва Воситаи ахбори омма ҷузъи асосии маънавият маҳсуб мешавад ва чун баёнгари афкори умум, воқеънигори зиндагӣ дар пешбурди ҳаёти ҷомеа, тарбияи маънавии инсонҳо ҳамеша хизмат мекунад. Рисолати аҳли қалам ва кормандони воситаҳои ахбори умум низ маҳз аз ҳақиқатнигорӣ, инъикоси воқеии ҳаводис ва баҳои ростин додан ба ҷараёни ҳаёти ҷамъиятӣ сарчашма мегирад.

Муфассал... Шарҳ додан

Раиси шаҳр бонувони собиқдори шаҳрро бо Рӯзи модар табрик намуд.

06 Март 2016

Бо мақсади иҷроиши дастуру ҳидояти Президенти Ҷумҳурии Тоҷикистон, Пешвои миллат Эмомалӣ Раҳмон имрӯз Раиси шаҳри Хуҷанд Раҷаббой Аҳмадзода чанде аз шахсиятҳои маъруфи диёр, собиқадорони меҳнат, ходимони давлатию сиёсӣ, омӯзгорони собиқадор, кормандони шоистаи соҳаи тандурустӣ ва фарҳангро аёдат намуд.
Раиси шаҳри Хуҷанд ба манзили ходими давлатӣ Биҳоҷал Раҳимова, Шуҷоат Ҳасанова, Ҳунарманди мардумии Тоҷикистон Сайрам Исоева, Қаҳрамони Меҳнати Сотсиалистӣ Ҳамроҳ Тоҳирова омада, аз номи Президенти Ҷумҳурии Тоҷикистон, Пешвои миллат Эмомалӣ Раҳмон ва Раиси вилояти Суғд Абдураҳмон Қодирӣ ба муносибати иди баҳору зебоӣ ва фархунда,-Рӯзи модар табрику муборакбод намуд.

Муфассал... Шарҳ додан

Дастаи «Хуҷанд» ғолиби мусобиқаи «Каратэ-до» гардид.

07 Март 2016

Тибқи нақшаи чорабиниҳои Бахши ҷавонон, варзиш ва сайёҳии шаҳри Хуҷанд ва федератсияи «Каратэ-до»-и вилояти Суғд санаҳои 5-6 марти соли 2016 дар толори варзишии "Ҷашнӣ"-и шаҳри Хуҷанд Чемпинати кушоди шаҳр оид ба «Каратэ-до» байни наврасон ва ҷавонон баргузор гардид.
Чуноне, ки масъулин таъкид намуданд чорабинии мазкур бо мақсади рушду нумӯъи варзиши каратэ, тарғиби тарзи ҳаёти солим, мустаҳкам намудани робитаҳои дӯстӣ байни варзишгарон, дарёфти истеъдодҳои нав ва муайян намудани дастаи яккачини шаҳр баргузор гардид. Дар ин қувваозмоӣ дастаҳо варзишгарон аз рӯи инамуди варзиш аз шаҳру ноҳияҳои вилояти Суғд ширкат намуданд. Дар мусобиқа зиёда аз 300 нафар варзишгарон ширкат намуданд, ки аз он ҷумла 50 нафари иштирокдоронро духтарон ташкил намуданд.

Муфассал... Шарҳ додан

Ба Раиси шаҳр бештар аз 50 нафар шаҳрванд муроҷиат намуд.

05 Март 2016

Мувофиқи дастуру ҳидояти Президенти Ҷумҳурии Тоҷикистон Эмомалӣ Раҳмон имрӯз дар Мақомоти иҷроияи ҳокимияти давлатии шаҳри Хуҷанд «Рӯзи қабули шаҳрвандон» доир гардид.
Давоми рӯз аз ҷониби Раиси шаҳри Хуҷанд Раҷаббой Аҳмадзода бештар аз 50 нафар сокинонро бо арзу шикоят ва дархостҳои мухталиф қабул намуд. Дар баробари шунидани арзи муроҷиаткунандагон Раиси шаҳри Хуҷанд барои ҳалли сари вақтии онҳо ба роҳбарони воҳидҳои сохторӣ ва масъулини дахлдор супориш дода, таъкид намуд, ки ҳар як муроҷиат бояд зери назорати бевоситаи муовинон-сарпарастони соҳа қарор дода шавад.
Ба Раҷаббой Аҳмадзода доири кӯмак барои сохтмони манзил 5 нафар, гирифтани замини наздиҳавлигӣ 8 нафар, расондани кӯмак барои таъмири манзили истиқоматӣ 9 нафар, гирифтани табобат ва барқарор намудани саломатӣ 2 нафар, мусоидат барои ташкили нуқтаи хизматрасонӣ ва савдо 3 нафар ва ғайра муроҷиат намуданд.