АсосӣБойгонӣ

Навгонӣ

Брифинги Шабакаҳои барқии шаҳри Хуҷанд

12 Январ 2018

Дар толори Мақомоти иҷроияи ҳокимияти давлатии шаҳри Хуҷанд бо ташкили як брифинг Идораи шабакаҳои барқии шаҳр доир ба воқеъияти истифодаи нерӯйи барқ дар моҳи декабри соли 2017 аз тарафи муштариён бо иштироки васеъи намояндагони Васоити ахбори омма муфассал шарҳ дода шуд.
Рустам Пулотов, сардори Шабакаҳои барқи шаҳри Хуҷанд назди рӯзноманигорон баромада намуда, доир ба ҳолати истифодаи нерӯйи барқ аз ҷониби муштариён маълумоти муфассал дода, аз ҷумла зикр дошт, ки яке аз омилҳои асосии ба вуҷуд омадани ҳар гуна овозаву нофаҳмиҳо байни истифодабарандагони қувваи барқ ин пеш аз ҳама зиёд истифодабарии нерӯйи барқ аз тарафи аҳолӣ нисбати ҳамин давраи соли гузашта ва ҳамчунин сард шудани ҳарорати ҳаво дар моҳи декабри соли 2017 мебошад.

Муфассал... Шарҳ додан

Хоинони миллат ба мақсадҳои ғаразонаи худ намерасанд

11 Январ 2018

Маъмурият ва аҳли коллективи меҳнатии Маркази саломатии шаҳрии № 5 шаҳри Хуҷанд фикру ақидаҳои иртиҷопараст ва ғаразонаи ташкилоти террористӣ-экстремистии ҲНИТ махсусан, ки роҳбари он Муҳиддин Кабирию дигар пайравонашон мебошад қатъиян маҳкум менамоем.
Имрӯзҳо пайравон ва аъзоёни ин ташкилоти террористӣ- экстремистӣ, ки дар давлатҳои хориҷи кишвар қарор доранд бо ҳар роҳ ва тарз мехоҳанд вазъияти ороми кишвари азизамонро халадор намуда бо роҳи барангехтани кинаву адоват байни мардуми миллат тоҷик низоъҳоро ба миён оранд.
Асосҳо барои шинохтани ҲНИТ ҳамчун ташкилоти террористӣ-экстремистӣ бешуморанд, ки мо гуфтаҳои худро бо ин ҳодиса тасдиқ менамоем.

Муфассал... Шарҳ додан

Даргузашти раиси маҳаллаи «Чорчароғ»

11 Январ 2018

Субҳи имрӯз риштаи умри яке аз ашхоси фаъоли ҷамъиятӣ, раиси кумитаи маҳаллаи «Чорчароғ»-и шаҳри Хуҷанд Абдусамеъ Нурматов канда шуд. Ба ин муносибат дар манзили зисти марҳум маросими видоъ сурат гирифт.
Раиси шаҳри Хуҷанд Маъруф Муҳаммадзода аз хизматҳои арзандаи ин фарди барӯманд ҳарф зада, аз ҷумла афзуд, ки «Умри бобаракати Абудсамеъ Нурматов бо маънои томаш харҷи хизмати холисона ба халқу Ватан гардида, бо фазилатҳои инсонию касбиашон миёни ҷомеа, бахусус байни кормандони мақомоти иҷроияи ҳокимияти давлатӣ ва раисони кумитаи маҳаллаҳои шаҳр мақому манзалати хосае пайдо намуда буданд».
Бояд қайд намуд, ки марҳум Абдусамеъ Нурматов соли 1954 дар шаҳри Хуҷанд ба дунё омада, соли 1984 техникуми савдои шаҳри Душанберо хатм намудааст. Мавсуф фаъолияти меҳнатиашро соли 1974 аз вазифаи бофандаи корхонаи «Хуҷандатлас» оғоз карда, аз соли 1975 то соли 2003 дар вазифаҳои гуногуни Идораи савдои молҳои саноатии шаҳр адои вазифа намудааст.

Муфассал... Шарҳ додан

Мароми мо сулҳу субот ва оромию пешрафти кишвар аст

(1 овоз, миёна 4.00 аз 5)

11 Январ 2018

Изҳороти маркази саломатии №2 шаҳри Хуҷанд дар мавриди фаолияти Ташкилоти Экстремистӣ-Терористии ҲНИТ ва дигар гуруҳҳои ифротгаро.
Таърихи сулҳи тоҷиконро дар давраи басо ҳассоси таърихи, ки ба даҳсолаи охири асри ХХ рост меояд, тамоми мардуми сайёра беназир меҳисобанд. Дар марҳилае ки миллат зери хатари ҷанги хонумонсӯз ба вартаи нобудӣ расида буд ва кас аз ташкил шудани як давлати мустақлу обод дар хоки муқаддас бовару эътимодашро канда буд, таҷрибае пеш гирифта шуд ,ки ҳатто таърих мислашро ёд надорад.
Имрӯзхо ҳамоишхое, ки бо иштироки ҲНИТ дар кишвархои Аврупо баргузор мегардад, изҳороти роҳбарони фирории ҲНИТ ва ҳаводоронаш дар баъзе кишварҳо ва созмонҳои байналхалқӣ, ки, мардуми сулҳҷӯву озодихоҳ, бонангу номус ватандӯсту хештаншиноси кишварро ором гузошта наметавонад.

Муфассал... Шарҳ додан

Шарҳи Паём дар беморхонаи вилоятӣ

11 Январ 2018

Вобаста ба шарҳу эзоҳи нуктаҳои муҳими Паёми навбатии Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон мӯҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ки санаи 22 декабри соли 2017 ироа гардид, дар шаҳри Хуҷанд силсилавохӯриҳо бо намояндагони табақаҳои гуногуни ҷомеа баргузор шуда истодааст.
Аз ҷумлаи чунин вохӯриҳо дар Беморхонаи клитникии вилояти Суғд доир гардид, ки дар он намояндагони соҳаҳои маорифу тандурустӣ, варзишу иҷтимоиёт, мақомоти ҳифзи ҳуқуқу амният ширкат варзиданд.
Чорабиниро муовини Раиси шаҳри Хуҷанд Раъно Ҳошимзода ифтитоҳ бахшида, меҳмонон ва маърӯзачиёни вохӯриро ба ҳозирин муаррифӣ намуд. Вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Назирӣ, узви Маҷлиси миллии Маҷлиси Олии Ҷумҳурии Тоҷикистон Саодат Аминҷонова, ректори Донишгоҳи давлатии ҳуқуқ, бизнес ва сиёсати Тоҷикистон Мӯъминҷон Шарифзода, намояндаи Мақомоти иҷроияи ҳокимияти давлатии вилояти Суғд Олимҷон Мирмуҳаммадов иштирокдори вохӯрӣ буданд.

Муфассал... Шарҳ додан