АсосӣБойгонӣ

Навгонӣ

Ифтитоҳи маҷмааи таърихӣ-фарҳангии «Истиқлол» дар шаҳри Хуҷанд

15 Сентябр 2016

Дар рӯзи чоруми сафари кории худ ба шаҳру ноҳияҳои вилояти Суғд дар маркази шаҳри Хуҷанд Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Маҷмааи таърихӣ - фарҳангии “Истиқлол”-ро ифтитоҳ намуданд.
Сохтмони ин иншооти таърихӣ-фарҳангӣ моҳи майи соли 2016 оғоз гардида, дар рӯзҳои таҷлили ҷашни 25 - умин солгарди Истиқлолияти давлатии Ҷумҳурии Тоҷикистон бо иштироки Пешвову сарвари ояндасоз муҳтарам Эмомалӣ Раҳмон мавриди баҳрабардорӣ қарор дода шуд.
Лоиҳаи иншооти нодир ва муҳташам, ки акнун ба макони дӯстдоштаи сайру гашт ва тамошои сокинону меҳмонони шаҳри Хуҷанд мубаддал мегардад, аз ҷониби мутахассисони Ҷамъияти дорои масъулияти маҳдуди «Суғд Гиитиз» таҳия гардидааст ва маблағи лоиҳавии он 37 миллион сомониро ташкил медиҳад.

Муфассал... Шарҳ додан

Ба истифода додани бинои баландошёнаи истиқоматӣ дар маҳаллаи 19-уми шаҳри Хуҷанд

15 Сентябр 2016

Бо иштироки Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар маҳаллаи 19-уми шаҳри Хуҷанди вилояти Суғд бинои баландошёнаи истиқоматӣ ифтитоҳ гардид.
Инчунин аз ҷониби Пешвои миллат ба хизматчиёни давлатӣ, кормандони ҳифзи ҳуқуқ ва ба ду нафар маъюбе, ки то имрӯз аз надоштани ҷои зисти доимӣ бо танқисиҳои зиёд ру ба ру буданд манзили зист туҳфа карда шуд. Чунин амали инсондӯстонаи Сарвари давлат имкон дод, ки дар тантанаҳои идона мушкилии ду нафар оилаҳои маъюб бартараф гардад.
Иншооти нав ба муносибати 25-солагии Истиқлолияти давлатии Ҷумҳурии Тоҷикистон бо маблағи зиёда аз 7 миллион сомонӣ сохта шудааст, ки бо тамоми шароити замонавӣ барои зист пешбини гардидааст.

Муфассал... Шарҳ додан

Мукофотпулии Раис вилоят ба собиқадорони меҳнати шаҳри Хуҷанд супорида шуд.

13 Сентябр 2016

Ба ифтихори 25 солагии Истиқлолияти давлатии Ҷумҳурии Тоҷикистон 22 нафар шахсони барӯманд, собиқадорони меҳнат, иштирокчиёни фаъоли ҳаёти ҷамъиятӣ ва ходимони давлатӣ бо мукофотпулии Раиси вилояти Суғд қадрдонӣ гардиданд.
Дар арафаи таҷлили ин иди хотирмон дар маҷлисгоҳи мақомоти иҷроияи ҳокимияти давлатии шаҳри Хуҷанд маросими супоридани ин мукофот баргузор гардид.
Дар қисмати ифтитоҳи ин ҷамъомад муовини аввали Раиси шаҳри Хуҷанд Хайрулло Ғайбуллозода шахсони ба ин мукофот лоиқдонисташударо аз номи Раиси шаҳри Хуҷанд табрик намуда, зикр намуд, ки ин таваҷҷӯҳ бори дигар аз қадршиносии меҳнату саҳми ин нафарони соҳибэътибор аз ҷониби давлату ҳукумат дарак медиҳад.

Муфассал... Шарҳ додан

Ифтитоҳи Кохи ақди никоҳи шаҳри Хуҷанд ва Кохи фарҳанги «Суғдиён»

14 Сентябр 2016

Дар идомаи сафари корӣ дар шаҳри Хуҷанди вилояти Суғд бо иштироки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои нави Раёсати вилоятӣ ва шаҳрии сабти асноди ҳолати шаҳрвандӣ, Кохи ақди никоҳи шаҳри Хуҷанд ва Кохи фарҳанги «Суғдиён» мавриди баҳрабардорӣ қарор гирифт.
Бо ифтитоҳи чунин як даргоҳи фарҳангӣ сардори давлат ба 25 ҷуфт оилаҳои навбунёд шаҳодатномаи ақди никоҳ ва ба 25 навзод шаҳодатномаи таввалуд супорид.
Ҳамчунин ба волидони сегоникҳо Набиев Мутаалибҷон ва Набиева Мағфират калиди хонаи се ҳуҷрага тақдим карда шуд.
Бинои мазкур аз 3 ошёна иборат буда сохтмонаш моҳи феврали соли 2016 оғоз гардида, дар тӯли 8 моҳ ба пураги сохта ба истифода дода шуд.

Муфассал... Шарҳ додан

Аёдати кӯдакони ятим аз ҷониби Раиси шаҳри Хуҷанд.

(3 овоз, миёна 2.00 аз 5)

13 Сентябр 2016

Тибқи дастуру супориши Асосгузори сулҳу ваҳдати миллӣ, Пешвои миллат, Презденти Ҷумҳурии Тоҷикистон Эмомалӣ Раҳмон Мақомоти иҷроияи ҳокимияти давлатии шаҳри Хуҷанд, ташкилоту сохторҳои мухталиф шахсони яккаву танҳо, бесарпаноҳмонда ва нафарони эҳтиёҷмандро аёдат намуда ба онҳо кӯмаки якктаи моддӣ дастрас намуданд.
Раиси шаҳри Хуҷанд Шарифзода Шариф Файз дар арафаи Иди Қурбон ба хонаводаи чанде шахсони барӯманд, яккаву танҳо ва ятимони кулл рафт.
Мулоқоту сӯҳбати Раиси шаҳри Хуҷанд бо Қаҳрамони меҳнати сотсиалистӣ, Шаҳрванди фахрии шаҳри Хуҷанд Ҳамроҳ Тоҳирова ва собиқадори дигари меҳнат Раиси Ҷураева, ки синни онҳо бештар аз 80 аст чун ҳарвақта гарму самимӣ буд.